jpoon 發表於 2021-5-23 14:28
但始終恒發係上市公司，都要同股東交待咖
你要明白,千色主導權係恆基度, 根本上係恆基自己去決定, 如果恆基想將商場升級, 就可能改用更高檔品牌去經營
本帖最後由 jpoon 於 2021-5-23 14:50 編輯
tkglobe 發表於 2021-5-23 14:39
你要明白,千色主導權係恆基度, 根本上係恆基自己去決定, 如果恆基想將商場升級, 就可能改用更高檔品牌去 ...
你亦都要明白，要畀錢裝修係要計埋回本期，裝修完玩一年就唔畀佢續約，你去睇下股東會唔會反枱
P.S.新地同領展就試過咁玩小商戶啦，恒基好似冇？
jpoon 發表於 2021-5-23 14:49
你亦都要明白，要畀錢裝修係要計埋回本期，裝修完玩一年就唔畀佢續約，你去睇下股東會唔會反枱
P.S.新地同 ...
你咪傻啦, 你會覺得大股東緊要啲定小股東緊要啲, 至於你講到續唔續租呢個問題，咪又係恆基自己決定，由頭到尾都係講成件事恆基想點就點
本帖最後由 jpoon 於 2021-5-23 15:27 編輯
tkglobe 發表於 2021-5-23 14:59
你咪傻啦, 你會覺得大股東緊要啲定小股東緊要啲, 至於你講到續唔續租呢個問題，咪又係恆基自己決定，由頭 ...
咁你有冇諗過實際操作係點?
當你真係要翻新，首先要搵人設計，然後去業主同屋宇署入則等批核，呢度都大半年啦，然後咁大間舖，又唔係吉舖，分階段裝修都玩起碼半年，完工後大肆宣傳又係錢，搞得嚟冇得續約又要拆過晒啲嘢，筆錢你畀呀?
叫得人翻新梗係傾埋續約啦，冇人好似你咁儍唔傾續約就去做翻新
仲未計呢啲家族公司，老豆李寧睇千色，個女就負責兩個千色匯，老豆同女呻下，女再搵舅父講下，清官難審家庭事
jpoon 發表於 2021-5-23 15:18
咁你有冇諗過實際操作係點?
當你真係要翻新，首先要搵人設計，然後去業主同屋宇署入則等批核，呢度都大半 ...
恆基如果係決定要改名，佢自然有全盤計劃，你所講嘅根本上無需要擔心，由頭到尾都講緊續唔續租喺恆基話事，如果可以提升到成個商場嘅價值及租值，佢哋絕對唔介意咁做，如果唔係你覺得佢買UNY返嚟為乜
tkglobe 發表於 2021-5-23 15:30
恆基如果係決定要改名，佢自然有全盤計劃，你所講嘅根本上無需要擔心，由頭到尾都講緊續唔續租喺恆基話事 ...
聽講uny個名有使用期限
P.S. 真係講到新場話乜就乜咁，千色對新都城嚟講唔係必要，講真而家果堆散舖都係搵佢攝位，唔見得變成uny後會對個場有大幫助，Donki入去幫助仲大啦
jpoon 發表於 2021-5-23 15:41
聽講uny個名有使用期限
P.S. 真係講到新場話乜就乜咁，千色對新都城嚟講唔係必要，講真而家果堆散舖都係 ...
恆基啱啱收番百佳間舖自己做
應該唔會搵另一個對手（仲要咁強）入嚟
另外Donki應該唔會對新都城有太大興趣
因為本身將南已經開咗一間（雖然好細兼設計上唔好行）
係咪有必要喺呢個階段開一間咁近？
JX9097 發表於 2021-5-23 15:50
恆基啱啱收番百佳間舖自己做
應該唔會搵另一個對手（仲要咁強）入嚟
我都知恒基未必會放Donki入去，寫Donki只係回樓上話新都城要提升形象要千色改名翻新，我上面都話UNY同千色比對商場未必咁有用，所以先用Donki做比較
而Donki形象其實唔算咁高級，佢入面都唔只賣日本嘢，甚至有中南美食材賣添
JX9097 發表於 2021-5-19 22:23
依家景林街市連同百佳都大裝修緊
暫時未知裝修完啲舖點劃
百佳會唔會係改咗taste/fusion
User12345678910 發表於 2021-5-30 12:19
百佳會唔會係改咗taste/fusion
景林應該唔會「升格」到Taste/ Fusion