(長文) 10年前布牌鷹在數碼港中環特急線謝幕禮: DA42 & 45 @ 30X
本帖最後由 ctb7k-pc6795 於 2021-6-19 12:04 編輯好耐無分享3a 黨中的主流型號布牌鷹,
趁當中兩架第三批鷹退左十年 (有多) 就再分享下送別回憶.
先略述兩車由中巴到新巴走過的路段.
兩車的第一張相都係年頭影, 其他都係DA42埋尾果時影......
兩車簡史
DA42新出記得係俾置富華富對外線 537/504,
先上兩級不同淺藍底色的萬邦地產全廣,
落廣後做後備, 亦曾短暫留落東區,
車頭鬼面罩的橫條電鍍無左一半,
更被髹上與車身同色, 97年上三星 DVD 全廣,
並加入970, 98年5月在回復中巴原色, 亦在99年換上新巴色,
更難得係, DA42 中巴留下的停車按鐘貼紙可以留到退,
在千禧年尾入柴廠大變身後都無整走 !!~~
至於 DA45, 應該好多行家都知佢係外星人車長的愛駒,
新落地同另外四架 DA46-49 一齊俾線王300
再於300 轉用富豪後轉哂做301字軌,(按下有DA45 做300的相:
https://www.hkitalk.net/HKiTalk2/thread-1034567-1-1.html)
DA45 就代左 DA13, 並於果時起成為 93A 利東頭車 !!~~
更令外星車長渣得好開心 (因為佢係最爽一架 !!!)
係中巴年代, 佢都上左唔少全廣, 最後係萬寶路香煙全廣,
可惜因為係97年某日行104 引擎出煙, 要返柴廠整,
亦順便回復中巴色, 色彩同尾期歐一鷹 DA57-66 看齊
(門位車號印在頭門上), 直到98年秋上新巴色, 99年再修飾,
千禧年換內籠前全車再噴油 (但留舊BANNER), 年尾裝修內籠,
後來車尾有少少改, 車尾車牌轉到同尾兩期DA 看齊 (可惜尾日炒左相...)
成為頭三批車的唯一, 後來門位載客貼紙換左城巴款式...
新巴內籠到埋尾
表現方面, DA42 由中巴到新巴年代都係好笠, 到柴廠變身後先執過架車,
2001年復出後架車好跑左, 但臨尾都有軑重油針重的問題.....
至於DA45, 可能架車一路都好力， 就唔覺有再執車， 到退前果陣都老化得好快，
佢在到期前最後果三日都奉獻俾數碼港中環特急線30X,
我在尾二日影完車頭相就做座上客， 上斜無哂力， 平路都少少力不從心，
但念在佢當年的英勇， 就遊埋佢啦，到尾果日收工，
架車頂閘到站， 只可目送佢離去。。。。
按下可觀看其他站友貼的DA45 相
https://www.hkitalk.net/HKiTalk2/thread-421715-1-1.html
https://www.hkitalk.net/HKiTalk2/thread-465216-1-649.html
https://www.hkitalk.net/HKiTalk2/thread-591853-1-1.html
返到去DA42 ， 本來佢要同早走同批在2010年3月退， 但好在佢最終都續多一年牌，
行到十年前的上星期先走(果年有架DA46年尾到期， 應該揍岩左數) ，
而佢係尾兩日都出走東區，最後過海線係尾三果晚做112, 尾二日做38.
埋尾果朝見在橋底見到佢做30x返數碼港， 就決定在放工後一遊作告別，
上車， 水箱聲靜左， 同埋拆左電視機 (五月尾拆), 車都仲算爽，
跑山道天橋衝入四幹一刻果刻都難忘， 最終係IFC對面落車影門位，
再過環球大廈天橋橋面影， 最後落站為佢做絕影， 就完成今次送別。。
按下有其他站友分享DA42 尾兩日相
https://www.hkitalk.net/HKiTalk2/thread-621398-1-1.html
多謝點閱長文, 歡迎跟相回憶~~
頁:
[1]