即時：屯馬線何文田站架空電纜故障
原西鐵線及屯馬一期開 10 分鐘一班紅磡啟德間開 20 分鐘一班
本帖最後由 jpoon 於 2021-6-29 01:47 編輯
紅磡站用咗2號月台做屯門（我響尖東上架車，動態屏幕同埋列車廣播都係用返西鐵）折返點，而3號月台做啟德折返點，所以即使有職員廣播同上車同客講，依然有人搭錯車，我搭差唔多尾班車，就遇到一個去屯門嘅女人，佢就只係睇頭頂方向搭車，結果坐坐下先知，最神奇嘅係佢係搭到啟德再搭返轉頭去紅磡，然後諗住搭隧巴去美孚轉車
另外，聽講今日屯馬綫尾車遲咗開
尋晚我在尖東食飯之後搭屯馬返屋企，大約21:30尖東上車，去到紅磡正常開關門之後，開車唔夠兩三米就停低，等了幾分鐘，再開又即刻停低，又再幾分鐘之後先開返。結果都係只需19分鐘返到鑽石山。
今朝由鑽石山搭往南昌，在何文田都有異樣，開住門停多一陣。
係唔係有零件在黑雨期間被雷暴擊中？;P
仲以為紅磡至何文田站一段電纜上年先整好，原來一八年已鋪好，MTR Update 寫：「工程人員發現接地綫鬆脫乃由於有組件鬆脫所致，於剛性電纜上乃十分罕見，而此路段過去三年一直在有列車運作的情況下，亦未曾出現明顯的異常，因此工程人員會與電纜的法國生產商阿爾斯通，詳細了解事故起因，避免同樣問題再次發生」
頁:
[1]