JC8385 發表於 2021-7-5 18:14
又未必
萬一你返工時間不幸撞中屎水時段
張月票都係浪費咗
真係睇情況
藍田往返黃竹坑, 用緊月票。
返工時間671係九記時段
收工時間唔太夜的話(9點前), 唔太難就到九記107, 170, 171, 671 出返銅鑼灣轉返603返藍田山。
都係買個方便唔駛死等差唔多半粒鐘一班的671。
本帖最後由 keilingha 於 2021-7-6 02:12 編輯
假設住八鄉 (251A)，去西營盤返工/返學，平日每個夜晚過大水坑搵朋友食飯，之後再返八鄉，一日 251A+968+港鐵+港鐵+681+89D+43X+269D+251A 計計埋埋買月票每日少畀 $65 左右，乘 22 日就已經 $1400，
另外假設逢星期六往來黃石碼頭 (251A+269C+96R 或 251A+269D+289R 來回)，星期日主要往來北區及大埔區 (去 程 251A+279X+小巴 回程 小巴+64K)，呢度用月票又每日畀少 $40，乘 8 日即係 $320，計埋平日間中要去觀塘買啲嘢又搭多程，一個月原本 $1800 嘅車費以 $780 代替咗，明顯慳咗超過一倍喇喎，就算以上有啲時候改搭其他交通工具，點計都慳到。
以上通勤模式係本人嘅真實例子，九巴月票唯唯唯一唔好處就係唔包龍運車程啫，過大嶼山嗰幾日變相要貼錢，但作為新界人點計都係買月票有著數。
wawawa 發表於 2021-7-5 16:11
任何地方過海都係月票抵玩
大西北、上水粉嶺月票都真係有著數，不過沙田開始出九龍同港島係咪真係抵玩就要計下數
譬如沙田大圍去港島東買月票就恐怕等到天荒地老都用唔到，假設有月票，沙中可以考慮坐88x/88/89x 去九龍東觀塘藍田秀茂坪轉606/ 613，不過繁時塞死冇著數，又或者大隧先轉680/ 681/ 307/ 673等九巴線，再去到東隧再轉，咁樣坐感覺好d ，不過轉3程，真係會頂唔順，繁時密車還好，非繁係練EQ 等車耐力
不過如果沙田/馬鞍山去中環灣仔其實就好d，特別馬鞍山有680/ 681繁時仲有980x/981p，都算抵玩
本帖最後由 miklcct 於 2021-7-6 05:36 編輯
keilingha 發表於 2021-7-6 01:54
假設住八鄉 (251A)，去西營盤返工/返學，平日每個夜晚過大水坑搵朋友食飯，之後再返八鄉，一日 251A+968+港 ...
你呢個通勤模式其實值得諗自己買車，尤其係條251A唔係密，再加上大水坑返八鄉揸車行林錦真係快過搭公交好多，而且你重要週末入北潭涌喎同北區，典型郊區長途來往嘅常客。
買咗架車，你住咁鄉下基本上都容易有平價泊車位，朝早揸過欖隧泊喺市區轉905過海，收工搭905過西隧然後青沙入大水坑，最後揸過林錦返屋企；週末要入黃石就更加直接林錦西沙入大網仔路，搵個免費泊位放低部車轉94入黃石。
另外我想問你收工嗰陣無得搭981P？點解要港鐵轉681再轉89D再轉43X？我嘅搭法唔會好似你咁兜法，會係251A+968直接西消防街落車；然後皇后街直接981P過大水坑，你話你住八鄉，806B入大埔駁64K直接返屋企添！
入黃石嘅話，會係64K入大埔，然後26小巴落馬鞍山，然後99麥邊94來回；去北區就直接64K轉73，或者出太和轉火車，點都唔會用到279X。
雖然搭咁多長途車無論點計都係買九巴月票着數，但係重有好多盲位都係要靠其它交通工具，例如我之前有九巴月票嘅日子，好多時都要俾錢搭904、970同971過海（西環同薄扶林來往新界西），同埋俾錢搭對家嘅6、6A同6X來往淺水灣同赤柱。而我亦都試過一日用哂10程配額，通常出現喺入黃石等嘅情況，58M+263+43X+299X+94來回。
JC8385 發表於 2021-7-5 18:14
又未必
萬一你返工時間不幸撞中屎水時段
張月票都係浪費咗
例如通勤係旺角來往西營盤，用904同905，甚至俾夠你一日兩個來回啦，九巴月票係完全無用，即使你週末要入元朗，或者入西貢全程九巴都一樣。
本帖最後由 miklcct 於 2021-7-6 05:50 編輯
KC6994 發表於 2021-7-5 22:29
真係睇情況
藍田往返黃竹坑, 用緊月票。
返工時間671係九記時段
藍田往返黃竹坑唔想忍671都唔值得用月票囉，你自己逐程俾錢轉車都好難搭到$780嘅九巴掛。尤其係轉車嘅話，通常都係睇新巴ETA，有99嘅話就跳車，無嘅話就銅鑼灣見香隧車就上，每單程11.3+5.5，一個月當搭22日，連屎水都搭唔到$780喎，頂多加埋周末入新界先勉強總和可以去到780（唔係780嘅九巴）。回程嘅話正路唔想忍671咪又係用屎水72 72A 96 592等線出銅鑼灣轉車，恕我諗唔到你張月票嘅價值喺邊啦。
psypericarp 發表於 2021-7-6 03:47
大西北、上水粉嶺月票都真係有著數，不過沙田開始出九龍同港島係咪真係抵玩就要計下數
譬如沙田大圍去港 ...
繁時大圍沙田去港島東
搭青沙西隧線轉 960X / 968X 應該最快
不過聯營線要夾岩九巴班次先得
miklcct 發表於 2021-7-6 05:35
你呢個通勤模式其實值得諗自己買車，尤其係條251A唔係密，再加上大水坑返八鄉揸車行林錦真係快過搭公交好 ...
對於本身唔認識車、唔愛揸車兼無車牌嘅情況下，要特登考個車牌真係唔合經濟原則，買車+ 入油+養車用嘅錢應該係我史上個每月交通費最大開支 ($2500) 嘅幾倍 (就算可以慳埋 251A 落車後步行嗰六分鐘都係咁話)。
43X 係指由大水坑回程至八鄉嘅時候先搭，因為除咗 40X 同埋 43X 無其他交通公具可以到城隧轉車站喇 (而 43X 晚上非繁時段往往比 40X 快 6 分鐘左右)。
至於 64K，真係唔好神化佢，啱啱前晚搭佢由大埔中心返我就近車站都用咗 35 分鐘，我由大水坑返欖轉，好彩嘅話都係 35 分鐘咋，沿途真係太多站喇，我習慣除非要去大埔先會搭佢，否則去北區一律 251A 轉 279X/978，去西貢半島一律 251A 轉 269C/269D (視乎路面情況及邊架車先嚟) 再轉相應 96R/289R 或其他常規車。
至於 251A 班次問題，係難頂咖喇，有時見送車尾都會鬆一鬆走去搭下小巴。
本帖最後由 elmmoo 於 2021-7-6 13:56 編輯
其實條數就係咁計
當你每個月番20日工 每日一來一回就係 $780/20/2, =一程$18 左右
咁如果你番工日子一程都需要超過$18 就係平咗（所以268BC, 269BC, 263AC, 960/1/8, 978/673/678 番工客就通常會買） 咁你仲可以放假 出街坐九記 因為上面嘅前提就係住大西北或者北區，
佢哋嘅服務通常都係比九巴壟斷咗
所以如果係唔使返工嘅日子要出門再搭九巴係會繼續再平。
至於荃灣/沙田或者九龍地區真係要計到盡有賺先好賣 唔係真係倒蝕
andy92 發表於 2021-7-6 06:19
繁時大圍沙田去港島東
搭青沙西隧線轉 960X / 968X 應該最快
不過聯營線要夾岩九巴班次先得 ...
繁時過海去港島東，其實青沙西隧線冇以前咁快，加上960X/ 968X 通常冇位坐，上星期坐左一次686，其實都係50分鐘去到港島東，同用982X 轉960X / 968X 其實唔差得遠，價錢又見得平左，睇唔到吸引力有幾大，而當989 都係$17.9，你要計到好盡先會有賺，所以沙田大圍過海用月票唔係真係咁平，要計計數