如果滙豐嘅「半島中心分行」（004-198、004-490、004-630）都要執笠，咁尖東真係少咗好多人喇！
...
半島中心分行，正式編號係 198 490 係90年代關閉之 尖沙咀中心分行
630 係 2000 年代關閉之 紅磡火車站分行 (第二代)
AtrHenu 發表於 2025-1-9 20:50
當然尖沙咀東的OFFICE少咗而且半島新東海又噤近要合併都合理.
btw,尖沙咀除了新東海和近地鐵站的匯豐大 ...
正確名稱是東海中心，並非新東海
海洋中心有日夜理財及卓越理財中心K11 Atelier 有財富管理中心
大新
銅鑼灣分行於2025年3月10日（星期一）起，遷往銅鑼灣軒尼詩道482號泰港大廈地下 AA 號舖及地庫 A 號舖。
也就是遷回 2018 年前的鋪位，而且地面層大了。 Eastmancolor 發表於 2025-1-9 23:42
半島中心分行，正式編號係 198 490 係90年代關閉之 尖沙咀中心分行
630 係 2000 年代關閉之 紅磡火車站 ...
因為我都只係睇同業結算公司嘅《銀行編號及分行編號一覽表》，未必掌握到分行嘅變化呢！
TYChow 發表於 2025-1-9 01:25
但另一邊廂，滙豐將會喺高鐵西九龍站增設「個人理財中心」（西九龍站G15號舖，F出口附近）
（已圍版，預計2 ...
七天營業嘅 Premier 係海港城
TYChow 發表於 2025-1-12 20:18
因為我都只係睇同業結算公司嘅《銀行編號及分行編號一覽表》，未必掌握到分行嘅變化呢！
...
識喺同業結算入面睇，已經好叻
asv2 發表於 2024-9-22 21:01
中銀（香港）
香港國際機場分行 (香港國際機場一號客運大樓5樓5T054-5T056 舖[抵港層，禁區外])將於 2024 ...
機場分行部外幣提款機非辦公時間唔用得，唔明點解要封住佢。
教大家去西九龍站理財中心 (004-408)
本帖最後由 TYChow 於 2025-1-20 13:01 編輯今日經過西九龍站，影返幾張匯豐西九龍站個人理財中心，順便教下啲內地同胞，請同時留意附圖：
假設有人搭高鐵去到西九龍站，出閘之後轉右上B1、靠左上扶手電梯到G層就見到。
假設啲內地同胞嚟到西九龍站理財中心，如果要開戶口，請按「O字頭」票號，「O」代表「Opening Account」開戶口，行去銀行出面個「公園」，見到入面有3個會客室，另有提存易櫃員機。
假設有人搭飛機轉機場快線去到九龍站，可以用C1出口入「圓方商場」，商場轉右行到尾過橋去高鐵站M入口，之後落一層，擰轉頭就見到。（沿途見到左邊佘詩曼或者梁朝偉嘅「卓越理財」，或者右邊中銀「圓方分行」，亦請先等一等，開咗「匯豐One」先啦！）
附近的銀行設施：
匯豐「圓方卓越理財中心」(004-726、004-842)，唔知有無人會開完匯豐One之後再去攞「一球」走去開「Premier」呢？
中銀「圓方分行」(012-825) 本帖最後由 rickycheng 於 2025-1-19 21:03 編輯
TYChow 發表於 2025-1-18 20:23
今日經過西九龍站，影返幾張匯豐西九龍站個人理財中心，順便教下啲內地同胞，請同時留意附圖：
假設有人搭 ...
反而想知呢間有冇櫃枱現金交易,似乎冇
匯豐最唔好既地方係入人仔要去櫃枱
內地居民開One/Premier而家手機都得
開呢間理財中心我估佢係想跨境理財通為主要服務對象,跨境理財通就一定要分行辦理
特別係做One客既跨境理財通...未必個個放五十萬在內地匯豐/一百萬在香港匯豐(當然佢想;P)
匯豐又唔似中銀一有跨境理財通就自動變中銀理財仲免最低結餘
同埋可以俾手機開戶既拎ATM CARD
另外ICBC 落馬州站禁區仲要閘內有開戶服務(ICBC本身好似唔可以手機),不過係視像
本帖最後由 TYChow 於 2025-1-20 13:48 編輯
rickycheng 發表於 2025-1-19 20:30
反而想知呢間有冇櫃枱現金交易,似乎冇
匯豐最唔好既地方係入人仔要去櫃枱
內地居民開One/Premier而家手機都得
開呢間理財中心我估佢係想跨境理財通為主要服務對象,跨境理財通就一定要分行辦理
特別係做One客既跨境理財通...未必個個放五十萬在內地匯豐/一百萬在香港匯豐(當然佢想)
匯豐又唔似中銀一有跨境理財通就自動變中銀理財仲免最低結餘
同埋可以俾手機開戶既拎ATM CARD
西九龍站(004-408)呢間「大貓」分行，並無櫃枱現金交易。
如果大陸人嚟到香港，佢哋的確係可以直接喺香港境內用「大貓」Apps入面開「One」戶口，（人在內地只可以開Premier）但係如果要攞支票簿，就始終都係要去返分行留低簽名嘞！（有啲內地同胞唔知道香港仲有支票簿呢樣嘢嘅！）
而Apps開戶口亦都有個限制，就係中國14億人，有太多同名同姓，而且個名只有兩個中文字，電腦系統未必單純以手機拍攝嘅內地身份證以及港澳通行證就可以分辨到有無「一人多個同類戶口」的情況，所以去分行開戶口係比較穩陣嘅方法。
即使啲同胞去到「大貓」分行，門口嗰位哥哥或者姐姐都會叫佢哋先下載個Apps以及撳「O飛」，然後利用排隊等候嘅時間利用手機Apps填個人資料，然後喺個Apps話「我正在分行」，之後輪到你個Number嘅時候，簡單問幾句，問下「你點解要嚟香港開銀行戶口呀？」、「你本身做姓行呀？」、「你每個月搵幾多錢人工呀？」、「有無喺大陸買過股票呀？」之類嘅問題。（似乎只有旺角分行先至會將「大灣區理財通」另外分開隊）
問完之後俾經理睇多一次，如果無問題之後，佢就會俾個裝住「紅獅子卡」嘅信封同密碼信，叫你入錢Active個戶口。（如果分行臨場無「紅獅子卡」，就會叫你先入錢再去等收信）當然仲要申請埋網上銀行啦！
而「大貓」個開戶流程，由於要喺有限嘅分行空間去招呼大量嘅存戶，所以成個流程有時其實係會企喺個接待處去攪嘅，除非係一啲要問得比較仔細嘅嘢，例如貸款、股票、基金，要錄音嗰啲，先至會用到間房㗎喳！如果只係一般「The One」開戶，而無投資或者股票功能嘅話，最多半個鐘頭都一定攪掂！（所以「大貓」銀行分行出面，都硬係有班大陸人喺度撳電話就係呢個原因！）
不過，即使成功開戶而即時攞到「紅獅子卡」，其實亦都需要存錢去Active個戶口同張卡，否則個戶口其實係郁唔到㗎！又正正就係因為「大貓」無人仔存鈔機，所以如果開戶嘅地方無現金櫃檯，就需要入最少100蚊港紙落去個戶口度嘞！所以啲大陸「Up主」叫人唱定至少1000蚊先至好去滙豐同中銀開戶口並唔係無原因㗎！因為你去開戶口但又唔存錢，咁又點解仲要去開戶口呢！
當果啲大陸人要嚟到香港，佢可以先去到「大貓」網頁要求約見職員，以及去「中銀」嘅網頁預約開戶，部份分行早上排隊Walk-in入去都可以，但係太遲嘅話就無人得閒招呼你㗎嘞！
如果佢哋搭高鐵，可以叫佢哋先喺「大貓」西九龍站理財中心開返「The One」戶口先囉！事關有好多大陸人不惜千里迢迢、穿州過省都要嚟到香港，為嘅就係想開香港銀行戶口去世界各地投資，以及為咗張「藍獅子卡」去境外網購。
有啲服務「大貓」可以對存戶免費但「其他銀行」要收費嘅原因，就係因為「大貓」嘅龐大客戶基礎，以個人客戶嚟講，要維持呢個基礎就只能盡量吸客，以及俾多啲人申請到「藍獅子卡」，當然如果開到「卓越理財」就更加好啦，但即使係一般人只係開普通嘅「The One」綜合戶口，似乎「藍獅子卡」嘅消費金融數據其實都可以賺到錢！
故此當「進港高鐵」長途跨線列車越開越多，而內地人亦都認為「大貓」比較國際化，方便啲錢走出去嘅時候，「大貓」喺西九龍站開理財中心去吸收內地同胞、甚至係日本人、韓國人、台灣人嘅存款，咁樣「獅子」就會越嚟越威猛，隻「大貓」就越養越肥喇！