紅磡去太子真係可以13分鐘到？
本帖最後由 Man@MFHK 於 2021-7-27 23:30 編輯今日由紅磡站去太子，試下經何文田轉車：
紅磡站等屯馬線車3分鐘紅磡去何文田車程約1至2分鐘(以紅磡站車門打開至何文田站車門打開計)
何文田轉線腳程1至2分鐘(官方步行時間為3分鐘)
何文田等官塘線車4分鐘
根據官方MTR Mobile app，何文田去太子官方時間為7分鐘，紅磡經何文田去太子官方時間為13分鐘，我當何文田至太子實際車程4至5分鐘，由紅磡經何文田轉線去太子要做到官方時間13分鐘根本要全程好好運唔miss任何一班車兼好熟何文田站轉乘路線點行先有可能做到。只要屯馬線要等足7分鐘一班車你已經唔可能13分鐘內由紅磡到太子。
又根據官方另一建議路線：經尖東站轉乘荃灣線到太子，約23分鐘。實際上呢個時間係比較貼近現實。因為尖東至尖沙咀站官方步行時間為11分鐘，明顯係預得比較充裕。
App 個時間好似係唔計等車 teddybus 發表於 2021-7-27 23:41
App 個時間好似係唔計等車
如果唔計等車紅磡去何文田要4分鐘？
旺角東行過去其實都唔算遠 jpoon 發表於 2021-7-28 05:18
旺角東行過去其實都唔算遠
我知有好多替代路線，紅磡去旺角東如果有即班開出東鐵，出閘再行落太子站分分鐘13分鐘真係可以達成……
但重點係當港鐵其他路線預計時間都係比較貼近現實、一般人唔需要特別去跑去追車都可以輕鬆做到官方時間既話，唯獨紅磡經何文田去太子呢條路線要人追到車先做到官方時間，一來令乘客失預算，二來變相鼓勵人衝門追車。
本帖最後由 DIH 於 2021-7-28 12:32 編輯
呢個我諗真係冇計等車時間，但有計入站、轉車時間，紅磡去何文田4分鐘明顯多過車程。
港鐵根本係淡化梗尖東／尖沙咀轉車功能，11分鐘完全係誇大得好緊要，我日日由出閘到入閘大概3－4分鐘就行完，計埋上上落落頂多5分幾鐘
本帖最後由 Man@MFHK 於 2021-7-29 22:19 編輯
GIJOE 發表於 2021-7-28 22:31
港鐵根本係淡化梗尖東／尖沙咀轉車功能，11分鐘完全係誇大得好緊要，我日日由出閘到入閘大概3－4分鐘就行完 ...
我試過尖沙咀出閘，睇Next train見再下一班西鐵8分鐘，唔使跑都追到尖東站下一班西鐵，果陣屯馬仲未全通。
GIJOE 發表於 2021-7-28 22:31
港鐵根本係淡化梗尖東／尖沙咀轉車功能，11分鐘完全係誇大得好緊要，我日日由出閘到入閘大概3－4分鐘就行完 ...
中間有段隧道輸送帶係單向，你唔啱時段冇得搭已經會慢咗
同埋會有人阻嘛 而家冇咗中國遊客就話好啲啫
九鐵年代計過，月台至月台要7分鐘
另外官方時間會否應該預你企輸送帶而唔係行？ Quanta 發表於 2021-7-30 22:57
中間有段隧道輸送帶係單向，你唔啱時段冇得搭已經會慢咗
同埋會有人阻嘛 而家冇咗中國遊客就話好啲啫
九 ...
上面位師兄其實講得冇錯，呢幾年我成日都尖東尖咀咁轉，繁時非繁有冇強國客都係 4 5 分鐘左右，我行果條仲係冇自動梯那一款（紅區？），你如果揀經 K11 條隧道就梗係長喇，仲要最尾都係屈番去同一個尖東閘口，點解唔係行最快果條？