八達通卡運作原理
想問下其實八達通卡的運作原理是怎樣的？是每次「o都」機後，八達通機便會立即傳送交易紀錄至總公司（無線電？）
還是要人手讀取數據？（幾耐一次？紀錄會否有機會遺失？）
另外交通工具常依賴八達通的交易時間作「轉乘優惠」的時限參考
八達通機的時間又是怎樣決定的？如何保證時間是準確的呢？
而查閱八達通紀錄時，上面顯示的交易，
是本身紀錄在卡上晶片的，還是由八達通公司內部資料中提取出來？
如果是紀錄在卡上晶片，會否有機會跟八達通公司內部的紀錄不同？
（假設小巴／巴士時間設定上出現問題） alexero在 2005-4-26 23:33 發表:
想問下其實八達通卡的運作原理是怎樣的？
是每次「o都」機後，八達通機便會立即傳送交易紀錄至總公司（無線電？）
還是要人手讀取數據？（幾耐一次？紀錄會否有機會遺失？）
以專利巴士為例(除o左嶼巴),
八達通控制器有輸出數據o既功能(R制),
當巴士完成o左一日o既行情,
返到車廠之後,八達通機就會將
資料傳送去車廠內o既接收器
再send 去總公司
假如有巴士因為意外返唔到車廠,
data 就send 唔到出去
有錯請指正~ hksf在 2005-4-26 11:40 PM 發表:
以專利巴士為例(除o左嶼巴),
八達通控制器有輸出數據o既功能(R制),
當巴士完成o左一日o既行情,
返到車廠之後,八達通機就會將
資料傳送去車廠內o既接收器
再send 去總公司
假如有巴士因為意外返唔到車 ...
所以部機裡面d memory 用晒就會壞機
之後就好似尋晚集百法百眾一樣
(PS King sir 橙呔搾城仔非專利:lol::lol:)
而鐵路公司的閘機就係online 即時同server 通訊的 愚問: 張卡沒有電池, 但裏面的電子memory等等怎樣運作? hksf在 2005-4-26 23:40 發表:
假如有巴士因為意外返唔到車廠,
data 就send 唔到出去
咁o的 data 就儲響車入面o既八達通機, 直至 upload 到為止。
巴士公司有報表顯示數天未 upload o既車輛, 咁到時點都要
搵返架車返廠 upload 一次。(車到唔到, 最多咪拆走部機拎
返廠 upload 囉)
至於嶼巴o個類藍色機, 要靠人手拿著公司專用八仔卡逐部
八仔機去嘟, 資料就會儲o係張卡度, 再拿回寫字樓在專用
八仔機拍卡, 資料就會傳去八達通公司系統度。 gakei在 2005-4-27 00:17 發表:
至於嶼巴o個類藍色機, 要靠人手拿著公司專用八仔卡逐部
八仔機去嘟, 資料就會儲o係張卡度, 再拿回寫字樓在專用
八仔機拍卡, 資料就會傳去八達通公司系統度。
咁既情況，即係八仔機的時間設定
基本上都唔係八達通公司控制到的？
咁D小巴轉乘優惠咪好無保障...
今日已經中左招，搭完小巴搭馬鐵
點知無$1優惠，去票務處check
發覺小巴的交易紀錄時間竟然係比正常時間慢13.5個鐘...
（咁梗係過晒鐘啦）
但站長又話要跟八達通紀錄，唔肯退錢....
[ Last edited by alexero on 2005-4-27 at 00:51 ] alexero在 2005-4-27 00:30 發表:
咁既情況，即係八仔機的時間設定
基本上都唔係八達通公司控制到的？
咁D小巴轉乘優惠咪好無保障...
我見到巴士上既八達通顯示器上多左個
時鐘.我認為呢個時間係跟八達通自己default
既時間,而且係同所有八達通儀器同步既.
所以應該可以做到時間完全一樣喎...... barking在 2005-4-26 11:48 PM 發表:
愚問: 張卡沒有電池, 但裏面的電子memory等等怎樣運作?
八達咭裡面有一個細小線圈,當張咭接近收費器時,
由於電流/磁場效應,令咭內線圈產生電流,繼而當
即時處理咭內數據,成個過程只需一秒就可以完成 shtsang在 2005-4-27 00:44 發表:
我見到巴士上既八達通顯示器上多左個
時鐘.我認為呢個時間係跟八達通自己default
既時間,而且係同所有八達通儀器同步既.
所以應該可以做到時間完全一樣喎......
我以前都係咁諗
但有甚麼方法令到所有八達通機的時間都是一樣？
尤其係小巴／嶼巴個D機
基本上都無機會跟八達通公司的server「溝通」
只係靠一張專用卡來過數... gakei在 2005-4-27 00:17 發表:
至於嶼巴o個類藍色機, 要靠人手拿著公司專用八仔卡逐部
八仔機去嘟, 資料就會儲o係張卡度, 再拿回寫字樓在專用
八仔機拍卡, 資料就會傳去八達通公司系統度。
而冠忠及泰豐就由站長或公司職員用PDA收集
數據。
頁:
[1]
2