如果A16叫友愛會唔會好夾硬嚟？
HM3044 發表於 2021-11-10 23:49
如果A16叫友愛會唔會好夾硬嚟？
咁會同輕鐵站名唔一致
HM3044 發表於 2021-11-10 23:49
如果A16叫友愛會唔會好夾硬嚟？
或許像巴士總站般稱為友愛南……:o
AVBWU291 發表於 2021-11-10 18:21
旺角東、大學、馬鞍山、荃灣西：are we a joke
記住，原西鐵路段係區域鐵路，車站名稱以嗰個大區為名， ...
係，「屯門南延線」呢個Project係街坊鐵路冇錯，但係起完後會成為全港最長路線「屯馬」嘅一部分。
兆禧本身並非一個大型/著名屋苑，想像下用佢成為路線終點站嗰站名，馬鞍山九龍城同市區嘅乘客，10年都唔去一次屯門，尤其是碼頭一帶嘅大有人在，用兆禧做總站名肯定會混亂，「邊鬼度係兆禧啊？兆禧方向即係邊度啊？兆康同兆禧有咩分別啊？」呢啲情況指日可待。呢個就係總站揀名其中一個更加特別嘅條件，同其他中途站名唔同，一定要根據代表性以便清晰指示方向。
睇返香港其他路線，絕大部份終點站都係以極具代表性的名稱命名「荃灣中環黃埔堅尼地城柴灣紅磡金鐘」呢啲全部都係好具代表性而又著名嘅地名，海怡半島都算係具有代表性嘅大型藍籌屋苑，烏溪沙名氣雖然唔夠馬鞍山大，但係起碼普羅大眾基本都知佢係喺沙田區，亦係早年上一代宿營目的地，相信有唔少人都去過，當初用咗烏溪沙而唔係利安做站名，可能某程度上都係考慮到用地名好過屋村名（尤其是嗰個屋村唔係特別出名嘅時候）
既然屯門南站預定位置附近，本身已經有個屯門碼頭，多年來已經作為輕鐵大總站深入大西北居民民心，當區亦被居民俗稱碼頭區（回應返樓主街坊鐵路嘅論點，真係街坊嘅話人哋當地居民都係叫碼頭區喎，似乎仲貼切當地人嘅叫法），又具有一定知名度，更重要嘅係站名來可以繼續保留「屯門」2字，對於遠方嘅乘客更加容易辨認。
既然有一個咁嘅名稱可以取名，又何必捨易取難呢？
至於A16，除咗現時屯門泳池之外，附近真係冇一個好Significant嘅名稱或者樓盤，當然佢係中途站，用一個比較唔著名嘅名都冇乜問題（類似例子兆康，朗屏，太和），但係海皇就真係唔好攪啦，粥麵舖咩？定係好似其他人話齋係海王星？加埋個「路」字就好少少，但條路本身都唔算出名（至少我個人喺屯門南延線Project出現之前從來未聽過呢條路），如果有其他選擇嘅話都可以優先揀其他方案，包括但不限於同時開發嘅新樓盤。
E3Tsubasa 發表於 2021-11-11 18:28
係，「屯門南延線」呢個Project係街坊鐵路冇錯，但係起完後會成為全港最長路線「屯馬」嘅一部分。
兆禧 ...
出唔晒添，我都認同總站必需清楚的表達到地名，市區既人都知去邊。海怡真係少數例外，唔理佢出唔出名應該叫鴨脷州好啲，可能長實比錢港鐵買站名都未定。
E3Tsubasa 發表於 2021-11-11 18:28
係，「屯門南延線」呢個Project係街坊鐵路冇錯，但係起完後會成為全港最長路線「屯馬」嘅一部分。
兆禧 ...
可能叫返啲老地名？咩老鼠洲、青山灣嗰啲
E3Tsubasa 發表於 2021-11-11 18:28
係，「屯門南延線」呢個Project係街坊鐵路冇錯，但係起完後會成為全港最長路線「屯馬」嘅一部分。
兆禧 ...
A16再唔係叫皇珠路囉 區內主要橫向道路
總站叫返屯門碼頭應該無異議
A16叫青山灣唔係唔得，但同狹義嘅青山灣有明顯差距
HM3044 發表於 2021-11-11 21:07
總站叫返屯門碼頭應該無異議
A16叫青山灣唔係唔得，但同狹義嘅青山灣有明顯差距 ...
狹義嚟講有差距 廣義嚟講新墟以南都係青山灣 所以青山灣唔適合A16
A16叫龍富站夠為合理，畢竟佢出口可到龍門富健花園，旁有龍富路。另一選擇海皇路站，畢竟有個公園叫海皇路公園