[2009.03] KA900/903 香港<>北京
本帖最後由 DIH 於 2021-11-17 21:10 編輯上次分享完搭港龍去福岡的報告後，諗起自己有幾次陳年飛行經歷都可以寫成報告。近年都係去日本居多，歐洲其次，其實我亦曾有四次搭飛機去大陸的經歷，從中選出相片較齊全的來個歷史回顧。
2009年，承奧運餘溫，我同家人報團去北京。該次係現時為止我唯一一次去北京、最後一次搭飛機去大陸，以及搭飛機去大陸最遠的一次。
去程
日期：2009-03-20
航班：KA900
時間：08:00 HKG – 10:46 PEK（起飛為表定時間，降落為泊位時間）
用機：A330-300 B-HYJ，2002-11-26首飛，同年12月16日交付港龍航空，2016-01-28轉為國泰港龍，2020-10-05封存於阿麗斯泉(Alice Springs)
朝早5點就去到機場
我地班機8點起飛，最底下的OX即泰國東方航空，已於2018年清盤結業。
Burger King早餐，既豐富又presentable，令人懷念。
07:14去到閘口，我地班機正在上餐。
國泰A340-300 B-HXF，1997-01-24首飛，同月30日以編號VR-HXF交付國泰航空，同年11月11日轉編號為B-HXF，2017-01-04封存，其後拆毀。後方可見北衞星客運廊尚在興建中，泊了一部澳門航空A320。
07:39已在機上
08:10飛越雲層
過多十幾分鐘見到藍天
起飛後一個鐘派早餐
沿途都係多雲
開始下降，見到農田及運河。
10:43降落於北京首都國際機場01跑道。北京首都國際機場有三條跑道，由西至東分別為36L/18R、36R/18L及01/19，01/19係2007年啟用的第三跑道，與另外兩條跑道理論上係平行，可能因為唔想改動原有編號而用01/19。
停泊於2008年完工的T3
回望T2
北京T3由Norman Foster、Arup及荷蘭NACO聯營建造，除了用上紅黃等暖色系外，設計與近年新建客運大樓大同小異。
回望航機，後面有中國國際航空A321、A330-300及B747-400。北京T3係全中國大陸建築面積最大的單體客運大樓，我地班機泊在北端，一直到747後面的波浪型天頂都係T3範圍。
搭無人駕駛去攞行李
Bombardier Innovia APM100系統，中國大陸第一條無人駕駛膠輪系統。
搭車影片，有部分路段慢駛，車程長達四分半鐘。
https://youtu.be/cC8zdyfKegE
等行李
11:40離開大樓
本帖最後由 DIH 於 2021-11-26 12:07 編輯
分享一下行程相片（可能呢部分先最多;P ）
攝於通惠河北路，橋下係通惠河，從Google衛星圖見到，眼前的舊屋已經清拆。我地旅程中住在右方金頂的北京萬豪酒店。
天壇及祈年殿。南面另有一個只得個壇的「地壇」。
王府井大街
酒店位於北京站附近
房間望到火車出入站（攝於不同日子）
頤和園
佛香閣
昆明湖
十七孔橋
參觀故宮行程由景山開始，由北向南穿過各宮殿，最後於南面天安門離場。
崇禎自縊處
神武門
乾清宮
乾清門鎏金銅獅
保和殿
太和殿
體仁閣
太和門
午門
經天安門離開
正陽門箭樓、前門大街與仿古電車。
明十三陵
居庸關長城
做好漢
北京市郊鐵路S2線經過此地，此線於2008年8月6日投入服務，當時通車未夠一年，但路線本身屬於已有百年歷史的京張鐵路一部分。
北京奧林匹克公園玲瓏塔，現時景觀應已有變。此處係北中軸景觀大道，由紫禁城中軸線向北延伸而成。自元朝起北京已有中軸線，後經修正及延長，現時由南苑路及南苑東路交界至奧林匹克公園「奧海」，總長約23公里（自己粗略量度）。
水立方
影相時剛好比較少人，後來就有大量團客殺到。
鳥巢
夜晚自費節目，再去王府井大街。
最後一日
酒店前面就係明城牆
坐人力車遊胡同
德勝門箭樓
要炮有炮
向南望
向北望
五日行程有三日天氣都唔錯，算係咁，之前都擔心空氣質素差。
本帖最後由 DIH 於 2021-11-17 22:47 編輯
回程
日期：2009-03-24
航班：KA903
起飛：19:30 PEK（起飛為表定時間，無記低降落時間）
用機：A330-300（編號不詳）
去機場時見到地鐵機場線
落車
Check-in
客運大樓一瞥
紫微辰恒，以渾天儀為藍本，但識唔識郁我就唔記得。
中國國際航空A321 B-6386，2008年12月2日交付，當時係簇新飛機。
幾部國航
一架國航737降落
機場內晚餐都係Burger King
航班顯示屏
我地去E21號閘
有這種手信
披上2006年亞運塗裝的卡塔爾航空A330-200，但當時多哈亞運已經過去兩年多。
控制塔
我地架機
起飛後再望北京市區
飛機餐，竟然有西式。
今次行程有個小插曲：
話說最後一晚可安排自費節目，旅行社資料列出價格各異的不同行程選擇，只要全團統一決定，理論上係邊樣都得。當地導遊極力推介我地去睇南鑼鼓巷，但該處收費比較貴，而且團中多為老人，唔想去太熱鬧的地方，所以團友對此並不熱衷。豈料導遊竟然發脾氣，話我地畀咁少團費又唔去自費，「要求」我地在晚飯後「有決定」。但事實上我地係豪華團，此說實在有點侮辱，令大家連去其他自費景點的興趣都失去，香港領隊亦明白我地的不滿，在晚飯時向導遊「再教育」。最後團友們在晚飯期間決議只參加價錢最低選擇，重遊王府井大街。之前跟呢間旅行社去泰國都曾經出現服務質素欠佳的問題（帶我地去主題樂園，導遊自己玩埋一份，遲過團友到達集合地點；有一晚旅遊巴冇電，冇燈冇冷氣開住門行），決定以後都唔跟呢間。之後2013年我去日本時，在某景點見到一架舊到好似80年代的旅遊巴，以為係當地公司團，點知見到團牌係呢間旅行社，證明唔跟佢係正確。唔開名喇。
雖然呢篇文講行程多過飛機，但對我而言的確係頗重要的經歷，重要在於去過一次夠了，主要景點都睇晒，而偉大祖國一向人滿為患，去每一處都係人人人，好難先影到少人的相，偏偏我愛靜，都幾mentally exhausting，所以除非有甚麼重大因由，否則中短期我都冇乜prospect再去。
全文完，多謝觀賞。 多謝分享。無獨有偶，我最後一次坐飛機去中国大陸，都係去北京；但比你早少少，2006 年暑假。當年仲係中學生（暴露自己實際年齡了:lol），參加一個民政署搞既八日北京+河北交流團，要過五關斬六將，學校推薦再加面試先入到，全團只得 35 個學生。但最後係去北京。當時呢個年年都搞既交流團，早幾年係去澳洲、歐洲，輪到我地就去北京，都幾令人失望
於是就造就左我人生唯一一次去北京了，樓主去過的大部分地方，我都去過
記得當時仲被安排參觀清華大學，仲要聽一個法律教授講座，講座期間全團人都無留心聽（包括領隊）:lol，自己枱底做自己野，但最重要一句「六四果堆坦克、屍體相全部都係揑造」就畀我無意之間聽到:shutup:
當時亦畀中国方面接待人員搵笨，買左張好快玩完既電話卡，好似使左成百蚊人民幣
行程亦喺石家莊逗留過兩日，記得當時被安排到訪民居，同主人家一齊包餃子。佢地好熱情好客，係咁窒我地食，搞到當晚返酒店即刻肚屙:L
當年我仲用緊菲林機，未擁有個人第一部數碼相機，亦未開始迷上飛機。唔記得係坐国航定南方航空，亦無照片紀錄，已經無從稽考。但印象中其中一程好似係坐 757
樓主的遠古時代飛行報告分享， 亦勾起我念舊之情；考慮緊，好唔好喺呢個香港近乎全面鎖國既年代，搵返幾份自己以前既飛行報告，重新包裝再分享，最早應該可以去到 2008/09，會發覺十幾年間，好多景物都經歷過極大變遷。不過呢幾個星期事忙，真係要做既話，最快都要等到聖誕假先得⋯
頁:
[1]