多謝分享，norwich 出倫敦經 cambridge 行 thameslink 落真係幾神奇的行法，不過有時 anglia 果邊整路，bra ...
Norwich - Cambridge - London 個行法，其實最主要因為我當日目的地係 London Bridge，Thameslink 可以由 Cambridge 直達，唔駛入到 London 再轉 tube
有時 East Anglia Main Line 整路（可能Ipswich - Colchester 之間改 Rail Replacement Bus 云云），都會有呢個建議，如果因為咁我應該上咗 Great Northern Cambridge Cruiser
今次我係要去 London Bridge，得 Thameslink: Cambridge - Brighton Semi-Express 直達，Cambridge Cruiser 去到 King's Cross 都係要轉
而且當刻 Cambridge Cruiser 同 Semi-Express 都取消咗，得返一班各站停車，下班車唔知幾時，只有上或唔上
之後去到 Stevenage 先跳上 Semi-Express
我今次係班車 Cancelled 要搭下一班車，應該無可能追到
Norwich 有嘅 Greater Anglia 同 East Midlands Railway 都係多過15分鐘就有 delay repay，多謝提醒有其他公司要30先有~
Stagecoach EMT 個專營權早幾年已經完咗，變咗 East Midlands Railway, under Abellio，已榮登我搭英國鐵路體驗最差之公司，沒有之一
不過唔覺服務好咗，搭過一次 Midland Main Line 一段短途 Class 222，走廊好窄，行車時好嘈，保養衞生都唔理想，仲要得5卡完全唔夠載，前後幾班車全部 Delay，差過我喺日本搭過任何車齡20+年嘅特急
Norwich 嘅 Class 158 都係嘈，但叫做翻新過車廂，有次派 Clasa 156 連暖氣都無 :/
其實 Norwich - Liverpool Lime Street 全程接近6小時，但當 Regional Train 唔知係咪玩法
仲要 Norwich - Nottingham 得兩卡車...
有時FF下掟比CrossCountry做，用Class 170已經好好多
之前話會拆開 Norwich - Derby / Nottingham - Liverpool，但好似無咗下文
CrossCountry 班車係好多人，我都係好彩搵到個位，比人預約咗但佢 Ely 落車
但就算企都係15分鐘，唔太耐
而且諗住 Great Northern 之後搭嘅機會較多，Cambridge Cruiser / 去 Kings Lynn 都係搭佢
Class 387 / 700 Iron Board 我又唔覺得差到咁，好過九巴V櫈先
當日 East Coast Main Line 整路，LNER / Grand Central 改行 Cambridge Line，唔知優先過路權係咪比咗佢哋，我見有架寫去 London King's Cross 嘅 LNER Azuma 照通過 Cambridge，似乎無受影響
我都唔清楚 ECML / WAML 一齊整路，可能諗住靠哂 Peterborough - Ely - Cambridge - Hitchin - Stevenage，結果一個 Royston 出事買起全線
Stevenage 個5號月台應該已經搞掂，見有 Great Northern: Stevenage - Moorgate 5號月台開車
Thameslink 係可以直達 Gatwick Airport，但國泰 HKG - LGW 已經摺咗線；但好似仲有 Emirates / Qatar?
Norwich 有 Greater Anglia 直達 Stansted Airport，不過 STN 淨係廉航飛歐洲內
London City 就要出到 Stratford 轉 DLR
有 Crossrail 之後可以 London Liverpool Street / Shenfield 轉一程走到 Heathrow，方便好多
Waiyin12 發表於 2022-2-22 09:25
Norwich - Cambridge - London 個行法，其實最主要因為我當日目的地係 London Bridge，Thameslink 可以由 ...
咁以去 London Bridge 而言，Cambridge Semi-fast 都係幾理想，一個鐘都有 2 班車，都算合理，不過你遇到不幸事件就冇得講啦。
Norwich - Liverpool Lime Street 呢個服務都算係好奇特的，唔明點解唔係比 CrossCountry 做，而係 EMT。明明距離咁長，Norwich 點睇都唔係 East Midlands，EMT 去到 Norwich 無論係人手調配定係列車維修都好麻煩，路線的走向又似 CrossCountry 的 Birmingham New Street - Stansted Airport。不過呢個服務冇停 Birmingham New Street，唔知係咪呢個原因，所以先至唔比 CrossCountry 做。
之前都試過 Nottingham - Cambridge，係搭 EMT 去到 Ely 先轉 CrossCountry，兩者比較之下，EMT 車又殘，坐感又差，但 CrossCountry 差啲冇位坐......
如果 Base Norwich，的確搭 Class 387 / 700 的機會大好多，而且個人認為 Iron Board 仲難坐過九巴V櫈，不過九巴紅巴新櫈的確係仲差的。
ECML 整路，Cambridge Line 優先過路比 LNER 唔出奇，不過 ECML / WAML 一齊整路的話，個人會選擇不出行，或者以你的角度來看，係應該搭番 Inter-city 出倫敦先轉 Tube 會穩陣好多，始終英國鐵路一有 Diversion，時間表就好易亂，再加上 Cambridge Semi-fast 係成條 Cambridge Line 最易有 Disruption 的服務，因為唔開 Semi-fast，開 Stopping 補返數的機會其實都幾高，又唔似 Cambridge Cruiser 會有 Priority，始終 Cambridge Cruiser 太多人買全票上車，Delay Repay 條數太襟計，緊係要保住呢堆客唔好遲先。
當年 Stevenage - Moorgate 係停過一排服務，因為在 Stevenage 沒有 5 號月台之前，呢個服務要停 4 號月台，在 Thameslink Programme 完成果陣，4 號月台係唔夠容量停埋呢個要好多時間折返的服務。宜家起左 5 號月台，就可以恢復服務了。
Thameslink 對我而言最大價值係直達 Gatwick Airport，疫情之前我優先揀搭 CX 的 HKG - LGW，去 Stevenage 同 Cambridge 一樣方便，理論上疫情完左，CX 係會開返 HKG - LGW，不過疫情幾時完，就一向係個水晶球問題。現時去 LGW 的，其實 EK/QR/TK 都有，價格同選擇都算合理。以 Norwich 計，STN 應該係最方便，而事實上，EK 係有飛 STN 的。
不過如果有生之年系列的 Crossrail 終於起完果陣，Cambridge 去 Heathrow 都只係在 London Liverpool Street / Farringdon 轉一次，LHR 都會方便唔少，到時 LGW 的 priority 就未必咁高。
頁:
1
[2]