探討粉嶺公路轉車站北行站可行選址
北區對外巴士服務一直為人詬病。大部分經吐露港的跨區路線必須繞經華明圈，大幅增加北區其他社區出城的時間。而且，多條客量龐大的路線服務水平強差人意，例如前往深水埗、旺角核心地段的270B線到現在非繁忙時間班次仍然維持30分鐘一班的惡劣水平。聯和墟私人屋苑林立而且遠離火車站，居民理應願意繳付較港鐵昂貴的車資換取省時的巴士服務，但聯和墟直出市區的全日巴士線到現在只有一條班次疏落的673。大量不經華明的繁忙時間路線，如270C、277A、279B等，只維持每日一班的基本服務，有輿論認為開辦意義在於「插旗」多於真正服務乘客。直到最近皇后山公營房屋入伙，四條對外線都由城巴投得，九巴才如夢初醒，推出78A轉乘其他北區對外線的轉乘優惠。奈何由粉嶺名都步行至百和路巴士站的路線實在太重口味，導致九巴落力推廣的轉乘組合成效存疑。要減低北區對華明、粉嶺站「轉車站」的依賴，就必須加強區內各處直上公路的服務，並把轉車站設於不會明顯增加車程的位置。雖然粉嶺公路轉車站已於2018年啟用，但由啟用至今只有單向南行，未能藉轉車站加強北區對外巴士轉乘網絡。上個月，本人在F1板發表了一份近4000字的北區路線重組建議：https://www.hkitalk.net/HKiTalk2/thread-2131428-1-1.html。簡而言之，就是憑藉設立粉嶺公路轉車站北行站，以及實施北區區內雙向分段提供條件削減部分區內線，從而大幅增加不同屋邨、屋苑直出市區的路線與服務，以壯大轉乘網絡。但整份建議的敗筆在於北行站選址。當時本人為了讓轉車站能盡快啟用，而建議於粉嶺公路橋底（近康樂園）設置北行站。該建議的回覆則近乎一面倒批評此選址，理由是會加劇林錦公路交匯處擠塞情況。
那麼，粉嶺公路轉車站北行站應該於哪個位置興建？
what happened in F1, stays in F1 南北個轉車站擺科學園或對出位置好好多。起碼科學園白石角唔一定要兜入去，人都可以行去轉車站，又可以做到屯轉及青山/屯公路線兩個月台互轉；車轉車又可以加埋大埔線。
ky927 發表於 2022-2-9 11:44
南北個轉車站擺科學園或對出位置好好多。起碼科學園白石角唔一定要兜入去，人都可以行去轉車站，又可以做到 ...
如果科學園有位起轉車站嘅話，絕對係最理想
問題係唔知吐露港有冇位起
ky927 發表於 2022-2-9 11:44
南北個轉車站擺科學園或對出位置好好多。起碼科學園白石角唔一定要兜入去，人都可以行去轉車站，又可以做到 ...
講咗好多次
北區/大埔繁忙時間條條爆車出巿區
根本無能力再執白石角/科學園客
而家白石角人口仲係講緊幾倍咁升
白石角用新線俾佢哋好過用轉車站
757 發表於 2022-2-9 13:38
如果科學園有位起轉車站嘅話，絕對係最理想
問題係唔知吐露港有冇位起
...
同東鐵爭位起站？:lol
kmb71k 發表於 2022-2-9 21:25
講咗好多次
北區/大埔繁忙時間條條爆車出巿區
根本無能力再執白石角/科學園客
知上繁條條都爆。咁但係個轉車站唔係淨係上下繁用架嘛，只不過好概括咁講啫。有師兄都有講大埔線唔夠做埋北區客量，但講位置，起得一個轉車站係北區，我覺得係白石角附近個使用率可能會仲高咁姐。🙏🏻
jpoon 發表於 2022-2-9 21:36
同東鐵爭位起站？
白石角起東鐵一次過起埋轉乘站最好
ky927 發表於 2022-2-9 22:07
知上繁條條都爆。咁但係個轉車站唔係淨係上下繁用架嘛，只不過好概括咁講啫。有師兄都有講大埔線唔夠做埋 ...
吐公而家咁既情況上繁爆都係好短時間
未夠8點吐公好多線都只係坐滿
執埋白石角客好過
ksmbh 發表於 2022-2-9 23:41
白石角起東鐵一次過起埋轉乘站最好
有冇咁多位起？
頁:
[1]
2