HZ8186 發表於 2022-4-19 23:08
-- Epilogue - Rethinking PaxEx --
雖然今日嘅航班絕對唔係一個豪華體驗，不過今次航班嘅體驗亦符合小弟期 ...
樓主係咪喺飛機上遇到不愉快經歷... 係嘅話會唔會樂意分享下?
倒瀉白酒個例子又極端咗少少，如果係純粹唔小心，而對方又認真道歉，我諗大部分人會care點樣善後、清潔，程度上未至於要令到人地變不受歡迎乘客
飛機隨時會有氣流，唔小心倒瀉飲品相信都唔係咩大件事
（小弟都做過受害者，不過唔係白酒，係一罐可樂）
落機前喺 IFE 對隔離位評分我比較有保留，一般人唔係經常搭飛機，有一兩個負評嘅影響好難去消除
仲未計部分乘客可能亂咁評分，以做低其他人為樂趣；或者每個人心目中把尺唔同，例如經濟位前座乘客recline到最盡去瞓覺，後座乘客會唔好受?
甚至其實唔關鄰座乘客事，派位時得返中間位，會唔會有人因此唔妥有得坐窗口/走廊位嘅鄰座，乘機發洩?
我反而覺得整張feedback form可能仲好（類似針對航班體驗嘅問卷，不過係針對鄰座乘客）
連同 boarding pass 電郵比乘客
如果事態嚴重，可以提供自己同對方座位編號，用文字詳述事件始未，航空公司開file處理
例如有病係咁咳，但唔戴口罩、瞓覺瞓咗落隔離位身體上面、就遮陽板開關喺機上嘈交等
一般雞毛蒜皮之事，唔小心撞到隻手等，相信大家唔會晒時間搞大件車
Ryanair 短途對於唔需要其他服務嘅乘客係OK，坐過POZ-HEL，HEL-STN-HEL。行程不超過三小時。 HEL 同 STN仲有空橋唔駛坐巴士。最重要都係價錢夠低。 HEL-STN來回連稅37€。 芬蘭航空要160€。 就算STN出倫敦市區，經壞人買National Express來回只要 17€。
壞人絕對係無欲無求，時間又鬆動嘅乘客恩物。