2021 VS 2022 QR 倫敦返香港
本帖最後由 TE8311_QTR 於 2022-6-22 19:18 編輯小弟發現今次返香港實在太多事情發生，今年同上年嘅體驗完全唔同。所以今次分享嘅同時，順便對比下。
兩年共通點: 地勤都係懵盛盛要搵上司搞超耐，幾驚文件出錯上唔到機
嚟緊戲肉開始，待續。。。
TE8311_QTR 發表於 2022-6-22 22:14
後記：2021年果陣因為客少，啲服務質素算係超班。今年實在差太遠啦。今次返香港嘅過程竟然搵到11個大大小小需要改善嘅地方，有部分甚至嚴重影響乘客嘅觀感。
因此係出呢份飛行報告前，已經去信航空公司要求改善。
希望今次對比版嘅飛行報告大家睇得開心
係完成今次嘅飛行報告之後，亦都啱啱好完成7日酒店隔離，嚟緊仲有兩次強制檢測等緊我。
多謝收睇
本帖最後由 Waiyin12 於 2022-6-25 01:41 編輯
就咁睇 Qatar 飛機餐都幾唔錯，每餐有三個選擇，部分有鹹有甜嘅主菜揀；唔知味道如何?
唔少航空公司而家得兩個選擇（甚至一葷一素），早餐無選擇/得 cold breakfast 都唔出奇
DOH - HKG 由兩個正餐變一餐 + 一個 cold sandwich，擺明 cut-cost (雖則我2019年前搭 Emirates, DXB - HKG 都係咁)
希望遲下唔好跌至 Etihad 得一餐，其他要比錢買
QR 倫敦好似有 LGW - DOH，仲係用 B787 飛，唔知會唔會更方便樓主?
另外2022真係多咗好多人飛，全世界已近乎回復正常，香港都由 21 日隔離縮到 7 日，同時開放埋大陸人入境
另外可唔可以透露下，航班上座率嘅實際數字，係樓主逐個位點人數，定問空姐?
Waiyin12 發表於 2022-6-25 01:38
就咁睇 Qatar 飛機餐都幾唔錯，每餐有三個選擇，部分有鹹有甜嘅主菜揀；唔知味道如何?
唔少航空公司而家得 ...
就咁睇 Qatar 飛機餐都幾唔錯，每餐有三個選擇，部分有鹹有甜嘅主菜揀；唔知味道如何?唔少航空公司而家得兩個選擇（甚至一葷一素），早餐無選擇/得 cold breakfast 都唔出奇
我覺得主餐，甜品味道幾好嘅。不過中肯啲講句，啲嘢食未必啱東方人口味。似乎因為QR好鍾意將唔同地方嘅嘢食擺埋一齊，例如香港線會有泰國菜，英國線會有法國菜咁樣。
好在而家可以上機前望下個menu有乜揀，就可以減少因為唔知乜嘅情況下中伏。順帶一提，我自從19年尾開始，我搭QR無再揀有蛋餅嘅早餐，因為我食到有蛋粉嘅質感，而且轉咗Quisine之後有啲更好嘅選擇。
****
DOH - HKG 由兩個正餐變一餐 + 一個 cold sandwich，擺明 cut-cost (雖則我2019年前搭 Emirates, DXB - HKG 都係咁)
希望遲下唔好跌至 Etihad 得一餐，其他要比錢買
放心，肯定唔夠膽減到一餐。因為佢一比我見到佢再減餐，我一定再send email鬧佢。同埋佢嘅主要競爭對手EK唔減嘅話，佢應該未做得出嘅。
****
QR 倫敦好似有 LGW - DOH，仲係用 B787 飛，唔知會唔會更方便樓主?
小弟係英國西部讀書，其中一間公司Coach (National Express)係玩緊兩個威爾斯主要城市 Cardiff <> Newport <> 英格蘭西部主要城市 Bristol <> LHR T2/3 <> LGW
所以，現時除非LGW好平，正常情況唔會優先考慮
回顧過去，小弟係英國讀咗6年，都係搭QR。
除咗機票比CX BA呢類直航平之外，就係著數:lol
英國好多中學都係喺啲偏遠地區，而QR就可以提供比LHR更近嘅選擇，例如疫情前係有BHX (Birmingham Int)，甚至CWL (Cardiff)，小弟都飛過幾次，非常方便，又可以儲多啲Avios
當時QR好快升tier，小弟只係用咗半年 (搭咗兩個來回) 就由最低burgendy升做silver，之後可以有多15kg行李，又可以入貴賓室食嘢，慳到唔少，又煩少好多野。
小弟係考慮航班個陣仲有樣因素會考慮嘅就係機型，相信大家會好意外小弟係唔鍾意787-8嘅，甚至有少少討厭。
787-8嘅凳係比359窄，又比777-300ER頂腳，Wifi係比較舊，而且788有比較多新入職嘅空姐空少做，所以啲甩轆嘢例如倒瀉橙汁就會常發生係呢啲機種身上。
QR現時比咗我有無限Wifi，但只限A350-900/-1000, A380, B777-300ER，所以787-8就更加比下去
***
另外2022真係多咗好多人飛，全世界已近乎回復正常，香港都由 21 日隔離縮到 7 日，同時開放埋大陸人入境
另外可唔可以透露下，航班上座率嘅實際數字，係樓主逐個位點人數，定問空姐?
我就無咁得閒飛飛下walk around數人啦;P
小弟平時會用Expert Flyer 每日8個 seat map quota嚟監察香港線嘅loading，同埋睇下會唔會有靜雞雞嘅equipment swap
如果班機太多人，會同地勤confirm先。而咁啱機尾全部blocked seats個陣，試過check in同地勤提出，轉位嘅可能性。呢個時候，Expert flyler就大派用場啦。
唔駛加錢先有Extra Legroom個陣試過轉坐BB籃嘅前排位，今次就兩程都轉坐機尾，DOH-HKG成功隔離無人，三個位坐兩個。
標題有啲唔清楚，我以為2021坐VS 2022坐QR，兩個飛行報告擺埋一齊出 TE8311_QTR 發表於 2022-6-26 14:23
就咁睇 Qatar 飛機餐都幾唔錯，每餐有三個選擇，部分有鹹有甜嘅主菜揀；唔知味道如何?唔少航空公司而家得 ...
與其話將唔同地方食物喺唔同航線，不如話係籠統地提供某個菜系，而唔會 care 個別地方
法國菜係西餐的一種，英國線有任何西餐即可
泰國菜當係亞洲菜，香港係亞洲線（喺英國讀書應該唔會陌生，好多 Chinese / Asian restaurant 都係咁，XX Japanese Restaurant 但有泡菜石鍋飯等真係見唔少）
而且好多餐應該會係一堆航線共用，例如 DOH - LHR / CDG / FRA / HEL，或者 DOH - HKG / PVG / PEK / CAN，好可能係一模一樣
我同意 LGW 交通未必有 LHR 咁方便，所以我睇 Qatar 機票，LGW - DOH 普遍係平過 LHR 少少
而且 LGW 出發經 DOH 返香港，轉機時間通常都唔短（如果佢恢復返轉機 day tour and/or 免費酒店，我應該唔會介意 :）
B788 排 3-3-3 座位，好肯定會窄過 A359 座位，唔知同 3-4-3 B77W 比會係點?
至於價錢方面，我又唔覺佢特別平；我之前 search LON - DOH - HKG，來回機票平唔過 CX / VS 直航，三間都係過萬港幣來回（同樣價錢，咁我唔搭直航? 如果 BA 有飛 LHR - HKG，相信會更加平）
而且 QR 計來回價錢好似係兩個單程加埋，如果買單程應該會相對平（相比 CX 等而家買來回會平啲）
Waiyin12 發表於 2022-7-2 09:25
與其話將唔同地方食物喺唔同航線，不如話係籠統地提供某個菜系，而唔會 care 個別地方
法國菜係西餐的一 ...
的確係DOH-Europe全部用同一set menu
DOH－UK嚟講最好食係麵包布甸同埋Pizza
UK－DOH就係招牌雞飯
DOH－HKG就係乾燒伊麵，牛肉飯
HKG－DOH就係冬菇雞飯
LHR貴過LGW似乎仲有個好貴嘅機場稅
而家LHR個需求咁大，佢夠機嘅話，開QR327/328 0900DOH-1300LGW1500-DOH0000咁可以疏導下，不過最快要等787-9可以重新付運先有機會推行
的確787個fuselage係窄啲，所以張櫈都會窄少少
不過都唔夠777窄，777張櫈比787窄多2-3cm，全滿嘅情況下，坐走廊就可能要將隻腳稍為放出走廊少少，中間位最慘
更估唔到嘅係最頂腳都係787-8，仲有個巨型電視盒係凳底，就更辛苦
反而777就最多腳位
A350就比較得意，兩邊窗三個位係比中間三個位係多少少腳位嘅
小弟好少分享機票價錢，見版友你有提及，小弟都不妨分享下發生乜事。
係未有疫情前，HKG<>LHR直航機票最貴一般都係8月尾-9月頭，就返開學，當時定價都要大約$12 000，學生套票好似平啲。小弟張飛$7000，HKG-DOH-LHR CWL-DOH-HKG
QR Multi City計法係兩個單程嘅總和，因為DOH-CWL開線初期有威爾斯政府資助，所以會平過BHX甚至LHR。
疫情初期記得QR打劫收$18 000單程LHR-HKG，小弟都補左$9000改簽，直航好似無晒位
2020年7月買10月走6月返$8800，焗住飛來回LHR，當時有60kg行李額
去到11月個陣出咗Student Club Programme，見到有著數就加入埋，真正享用到個優惠要去到上年買飛先有
上年係飛前三星期先買飛，計埋9折$7300來回HKG-UK (MAN去 LHR返)，有全程無限wifi，DOH-MAN仲upgrade埋，行李額去返silver標準50kg
去到最近3月買咗9月尾單程HKG-LHR，計埋85折只需$3400，除返開應該係歷來第2/3平，如果HKG個lounge仲未開番嘅話仲有$200食飯
小弟畢業後QR會送番份畢業禮物--升Tier
由上年年尾開始，國際燃油價格係咁升，機票已經開始貴，去到俄烏戰爭就升得仲快。加上內地有大批留學生前往歐洲，但係今年似乎無專機，選擇非常貧乏，AY,BA又唔開，EK要再停BKK，所以QR變咗少有嘅選擇
早個星期再望下我班機嘅訂座率，已經發現得返商務，經濟只有15人未揀位
後少少嘅日子都賣到$18000單程HKG-LHR，CX要$30000+
現時飛歐洲最平嘅應該係TK
本帖最後由 TE8311_QTR 於 2022-7-27 15:27 編輯
TE8311_QTR 發表於 2022-7-2 16:05
的確係DOH-Europe全部用同一set menu
DOH－UK嚟講最好食係麵包布甸同埋Pizza
UK－DOH就係招牌雞飯
由於今程機實在太多問題發生咗，小弟係6月17日send咗一封2000字嘅投訴信比航空公司，有趣嘅事就發生啦
佢竟然潛水!:funk:
去Facebook Messenger佢自2021年8月我要改機票果陣開始白tick我
去航空公司貴賓俱樂部contact us portal佢要我搵返customer care，明明有嘢關佢事嘅，佢就唔睇清楚，搞到我要再send多一次600字嘅追討返啲積分
--事源係係上年9月8日，我係航空公司apps到見到有雙倍積分嘅宣傳，但係竟然無條款及細則，咁我就照訂啦。當時梗係即刻cap低過個電話做記錄啦，本來就係留返依家同佢對質啦。點知我真係佢肚裏面個條蟲，佢冇兌現承諾，而家就要拗餐飽啦。
去Flyertalk(FT) direct message航空公司代表，佢拎晒我啲case numbers之後潛水 (冇錯，因為係2個)
早幾日係FT求助，有人比咗Customer Experience Officer 個email我，琴日我再CC埋Qatar大老細AAB，今日早前終於收到個回覆來自Senior VIP & Premium Care Officer
不過，小弟係6月15日起程，Customer Care 竟然走去查6月2日。我都唔知佢係咪有心玩我，真係唔知笑死定係比佢激死。
啱啱再補多封Email繼續追問，再CC埋比Customer Experience Officer，睇下點覆。
頁:
[1]