[2004.06] 東航雲南之旅
一路挖落去，相機更舊，相片更矇。2004年6月，高考(HKALE)後賦閒在家，家人與我報團到雲南一遊。該次旅程見聞甚多，亦係我暫時唯一一次搭內陸機。去程
日期：2004-06-02
航班：MU432
時間：12:40 HKG (表定) – 14:50 KMG (推算)，航程約為2h10m*
用機：B737-33A B-2956，詳見內文
*航程時間以網上資料推算；當年使用之昆明巫家壩國際機場已於2012-06-27關閉，翌日昆明長水國際機場啟用，代碼一樣。
▼中午出發唔使太早去機場
▼路過一部東航A319
▼美國大陸航空B777-224ER及後方的中華航空B747-400
▼13號閘係巴士閘
▼停機坪巴士
▼本次航班用機，1995-01-13首飛，同年2月23日交付中國雲南航空。隨着2002-10-11雲南航空歸入東航旗下成為中國東方航空雲南分公司，本機於2003-03-01改屬東航，故拍攝時係歸入東航後一年多。後來公司再度重組，於2011-08-02改為東方航空雲南有限公司，本機繼續跟隨，其後於2015-12-15改成貨機轉投順豐航空，成文時仍在服役，已有27年機齡。
▼頭巾顯示其子公司身分
▼出發
▼中國西南山區
▼到達昆明巫家壩國際機場上旅遊巴。當年相機無set時間，只知攝於上機後2小時50分，故推算航程約為2小時10分。
本帖最後由 DIH 於 2022-8-7 22:45 編輯
該次旅程係昆明＞楚雄＞大理＞麗江＞香格里拉＞內陸機返昆明，行程頗為豐富，趁此機會順便介紹一下當地景色。
▼昆明火車站附近
▼由昆明到楚雄的昆楚高速公路，未鋪路面已經開放使用，好似都要收錢，實乃中國奇蹟。導遊話鄉下地區施工比較慢，所以等唔切鋪路已經通車，當時所見有不少重型車使用。睇返地圖，此路係昆明往楚雄最快路徑，如果行國道，路程更遠而且路況險要，呢條半完成高速有晒橋樑隧道穿山過谷，即使要勇闖泥潭都比行國道更快更安全。一落機未見第一個景點已經超大個文化衝擊（及尾龍骨衝擊）。
▼我地部車好快已成泥鴨
▼大理蒼山中和寺望洱海
▼蒼山索道落山
▼大理古城
▼大理天龍八部影視城
▼洱海遊船河
▼洱海對岸天鏡閣
▼麗江雲杉坪，理論上可以望到玉龍雪山，不過多雲。
▼麗江白水河
▼落山途中驚鴻一瞥
▼麗江黑龍潭，如果天公造美應該更靚。
▼麗江古城
▼離開麗江前才得見玉龍真面目。玉龍雪山主峰海拔5596米，由於緯度較低，六月初已無積雪。
▼向深山進發
▼虎跳峽，相傳古時有猛虎經江中巨石一躍跨江而得名，江係金沙江，即長江上游。此處離麗江不遠，但行政上已屬於香格里拉，當年係縣，而家係市。當時在景點附近去廁所，簡單形容係一個窿，下面係一堆活生生的意粉。
▼離開虎跳峽後，沿滇藏公路往香格里拉進發。「滇」可讀「田」亦可讀「顛」，此趟車程名副其實「癲撞公路」：記憶所及，當時正規的滇藏公路，即214號國道正在維修，須改道至對岸副道，路況更差，非常狹窄多彎，上有峭壁下有懸崖，重型車又多，加上不時落雨，都頗為危險，即使司機非常小心駕駛，有幾次坐車尾的團友仍被拋到離座。如此驚險路段行成三個鐘，我無影相，上到高原才放鬆心情。
▼香格里拉納帕海。「香格里拉」本來只係小說虛構地名，此地自清初名為「中甸」，直至2001年才爭贏其他幾個山區縣城改稱「香格里拉縣」，再由2014年起升格為市。
▼話係海，但只見一片草地，原來係季節性高原湖泊，只有雪山溶雪才會積水。時為六月，這裡海拔3266米而附近山峰高3800-4449米，比玉龍雪山低，積雪早已溶化，積水也流走。相比之下，日本立山高3015米，到六月仍有積雪。
▼香格里拉酒店外望。由於落雨，取消去瀘沽湖及女兒國行程，在酒店留三日兩夜，期間一度停電，好彩仍有陽光，見到附近有黑煙冒出，應該係酒店發電機啟動。我在早餐時試飲氂牛奶，奶味極濃。
▼噶丹松贊林寺，有小布達拉宮之稱。當初爭贏幾個城鎮取得「香格里拉」之名，此地靈氣應記一功。
▼取消瀘沽湖及女兒國，改為在香格里拉加遊大寶寺。
本帖最後由 DIH 於 2022-8-9 13:07 編輯
中程
日期：2004-06-08
航班：MU4488
時間：08:20 DIG (表定) – 09:20 KMG (推算)，航程約為1h
用機：B737-7W0 B-2639，1998-10-28首飛，同年12月8日交付中國雲南航空，成文時似乎在封存狀態。
▼在香格里拉逗留兩晚後，朝早出發去機場搭內陸機返昆明。機場在1999年建成時名為「迪慶中甸機場」，2002年改稱「迪慶香格里拉機場」。用Google衛星圖解說，機場設計非常簡單，只有一條16/34跑道，長3600米，海拔3280米，屬4D級，可供757或以下機型升降。
▼衛星圖見到有登機橋，但我當年去時更簡陋，未有藍屋頂大樓，只得旁邊白屋頂建築物。
▼對比之前用幾日時間慢慢上山，搭飛機返昆明實在快好多。
▼迪慶航站承諾為廣大旅客提供「所乘飛機性能」（第七點），有冇人想去挑機？
▼機場內藏族色彩壁畫
▼大樓外望停機坪及跑道
▼當日短時間內有兩班機自昆明抵達及回程，此為第一班，在我地前面半個鐘左右。這部B737-7W0 B-2502在1999-06-17首飛，同年7月7日交付中國雲南航空，2020年5月封存，最後於同年10月拆毀。
▼只有一個登機口
▼原來當時有劇組拍戲，我地都好似見過劇組車隊。
▼步過停機坪登機
▼CFM56-7B引擎
▼一直落雨
▼機場並不繁忙，亦唔使後推，好快就直接起飛。
▼飛上青天見明月
▼航程唔長，轉眼就降落昆明。
本帖最後由 DIH 於 2022-8-7 19:47 編輯
回程
日期：2004-06-09
航班：MU431 (估)
時間：09:30 KMG – 11:40 HKG (粗略推算)，航程約為2h10m
用機：B737-33A B-2956，與去程同一架機
▼昆明街頭隨攝
▼主綫鐵路(上)與滇越鐵路(下)交界
▼滇越鐵路
▼石林
▼金馬碧雞坊
▼最後一日去機場冇乜特別影到，第一張相已在機上。
▼中國南方航空B757-21B B-2823，1993-09-03首飛，同月17日交付南航，2016-08-31改成貨機轉投中國郵政航空，2021年2月起封存。
▼返屋企喇
▼遠方有積雨雲
▼馬鞍山
平安着陸，萬事大吉。當年4月我不慎拗柴，出發時仍然有點腫痛，但去完之後神奇地好返晒，我就歸功於高原空氣同佛祖庇佑。而家睇返，景色的確唔錯，可惜全程多雲有雨，如果天晴得見群山環抱，相信更為壯麗。
這批陳年報告有三篇係去大陸（2004年雲南、2006年山東、2009年北京），加埋之前在2002年搭港龍去華東（A330虹橋入、A320南京走），總共有四次搭飛機上大陸的經驗。山水古蹟有其吸引力，但飲食同廁所始終難以適應，之後當自己財政自主及網上資訊漸多，都係瘋狂去日本，另外亦因2008年去過德國而愛上歐洲。
此次旅程內容較多，本來諗住係最後一篇陳年報告，但竟然搵到重有一次數碼相，決定同日放埋出來。
——————————
飛行報告系列：
2019.10 HX 札幌 2019.07 CX 倫敦 2018.12 HX 沖繩 2018.09 UO 関西 2017.09 UO 成田
2017.05 HX 米子 2017.03 UO 福岡 2016.09 UO 廣島 2016.04 CX 成田 2015.10 HX 札幌
2015.06 BR 台北 2015.04 UO 東京 2014.10 CI 高松 2014.06 QR 法蘭克福 2013.06 CX 中部/関西
2012.08 CX 札幌 2011.11/2012.04 KA 福岡 2010.09 AI 関西 2009.10 JL 東京 2009.03 KA 北京
2008.06 CX 法蘭克福 2007.05 NH 成田 2006.06 MU 山東 2005.07 CX 仁川 2004.06 MU 雲南
2004.02 CX 台北
航拍系列：
2021.11 2021.01
本帖最後由 yuenpo 於 2022-8-7 18:03 編輯
當年你跟團的星晨旅遊，也被疫情消滅了
希望早日大家都可以免隔離出埠旅遊
頁:
[1]