Waiyin12 發表於 2022-12-18 00:57
而家目標係打擊違例泊車，唔係減少私家車數目
固然少啲私家車可以減少違泊，同樣可以紓緩交通擠塞
正如要 ...
岩岩相反, 我呢隻先係真對症下藥, 你無車係無得違泊的
即係假設而家全禁煙, 你禁晒所有賣到煙既地方, 你就無晒煙民咁滯一樣
要減少任何罪案，降低人口數量係一定有有效, 咁有效咪即係岩既野囉, 去蕪存菁, 點解反而會得出有效殺絕但非對症下藥既矛盾結果呢??
咁做係從根源做起, 但講真堅係會有好多人會痛, 所以係唔會咁做, 既然唔肯源頭做野咁你之後諗咩高見都係隔靴搔癢, 好快就打回原形~
從牌費提高擁車門檻, 呢兩年做左啦, 你見D車有減少咩??
你汽油車牌費&稅貴, 班人咪換晒更平價既電動車, 出更多既車黎違泊塞爆路面囉~
靠牌費、罰款(告票)就得, 其實就係無車既人又怕痕又怕痛既思維黎, 你自己都識講人地稍為有錢丁丁都足以無視繼續揸出黎擺
更甚者真係有錢果D, 你拖架車走咪拖多幾架塞爆運輸署個場囉
架車當錢7直頭唔要, 費事比一千幾百拖返架車出黎搞, 睇你執法部門拖到幾多架入場唔處理而場地唔爆(現實上人地個場久不久都話爆左拖唔到車入去)
你唔比人容易&合法地擺架車出街上路(有車牌揸出去), 先至會係最有效殺絕違泊既方法~
cktse 發表於 2022-12-18 11:50
用錢都唔係治本方法。如果係需要上落貨嘅，可以睇吓附近有冇內街可以劃上落貨區，只能短暫停留，咁就唔會有 ...
內街上落貨唔係問題, 理論上都係一個唔錯既解決方案, 但首先條內街要夠乾淨比班貨車快上快落~
班老細車就無得搞, 你比佢地停就塞爆你;
你唔比佢地停, 佢地咪好似落黃金/MK咁, 不停慢塞兜圈等夠鐘上車先走人囉, 其他人一樣塞埋一份, 塞出大路就算無晒違泊巴士都係埋唔到站~
講真, 我真心覺得港九每個區都需要有一個暫停區/類似日本service area/parking area咁既場地, 至少比班揸車既落到地去個廁所, 襟個櫃員機拎錢, 入7仔買支野飲之類~
甚至規模再大D既, 比班貨車上落貨......我地用起車果陣, 如果唔係附近無適合既位又真係要停一停架車等人, 咁都要泊低既就真係地鋪做野既人/老闆啦~
流星☆雨 發表於 2022-12-18 12:58
好多自私車主都中意話自己只係上一上落、入便利店買少少嘢。
係咪真係咩都可以入車位問題數呢 ...
你講呢D case......係！而且實際經常會遇到有咁既需要添~
但只限好清楚知道自己實際當刻需要既人
例如我好常揸車覺得口乾, 搵唔到唔使排隊既油站就要揾便利店嗱嗱聲買;
又例如我好常揸車順開路想搵個路邊既櫃員機襟錢;
你無理由叫我泊低架車係一段距離以外腳程既商場, 就係為左呢三幾分鐘既事~
我一般都會係門口/附近幾步路既範圍, 望一望唔阻到人/車既位就嗱嗱聲落車搞, 搞掂上返車開車走人
又或者有時可以停低比人上落車既位距離目的地遠, 咁我就寧願係正門口停低上一上落, 例如我屋企有月租但距離車位棟樓遠, 我要搬重野都係會擺街搬完上樓即走~
尤其是我車住老人家出入, 更加睬Q你呢種睇法, 真係比老人家落車抄320甚至450, 我都只係當用車成本而矣, 自私既成本至少仲負擔得起呢~
咁你話呢D用車需求轉晒去搭的士咪仲平, 咁得唔得??
得！不過要有前提條件先得！
例如24小時不限時段都可以"黎"手就截到車, 兼班的士佬唔會嫌長/短途/過海拒載, 價錢我可以唔理會的
但疫情前後班的士佬嗌慘嗌無客左咁多年, 做唔做到可以取代用私家車需求既服務呀??
難聽講句, 我原本已經甩左架車, 係呢幾年巴士服務係咁削, 有班次都還好, 但有時想搭既線都無;
想搭的士又要睇時間&司機心情先知有無車
去到最後係我屋企幾個人出聲, 甚至想夾埋錢比返我出車, 做司機去車佢地出入呢
會自私係因為人有自私既條件可以選擇, 你想無呢樣野就只能去剝削人可以自私既選擇權, 簡單D講即係有錢都好難做甚至做唔到~
流星☆雨 發表於 2022-12-18 12:58
好多自私車主都中意話自己只係上一上落、入便利店買少少嘢。
係咪真係咩都可以入車位問題數呢 ...
俾足指示，附近嘅停車場或泊位在邊。連揸多少少路都唔願意嘅就真係自私司機，應該重罰。其實去到全世界都係咁：唔方便停車嘅街道只可以做行人生意，做唔到揸車人士嘅生意。
stevechau 發表於 2022-12-21 14:26
你講呢D case......係！而且實際經常會遇到有咁既需要添~
但只限好清楚知道自己實際當刻需要既人
例如我 ...
要變成錢都解決唔到，惟有重罰
流星☆雨 發表於 2022-12-23 00:19
要變成錢都解決唔到，惟有重罰
其實真唔使罰, 收返晒D人牌, 要考都極難考到, 變左做一個好高成本既專業, 條街就自然無車, 無車就唔會有幾多違泊出現~
使乜花時間諗點罰, 罰人都嫌浪費金錢時間呢~
sunhoo 發表於 2022-12-22 12:18
俾足指示，附近嘅停車場或泊位在邊。連揸多少少路都唔願意嘅就真係自私司機，應該重罰。其實去到全世界都 ...
其實全世界泊唔到門口呢, 附近點都有D車場有位比你擺得低架車行兩步咁大把就到店既~
係我地呢度真係逼到車又擺唔到, 人又落唔到啫~
再唔係真係好似新加坡咁, 擁車成本極高, 咁得返D真有錢既人(亦即係最自私果班)可以擁有, 而且最好貴到比新加坡高一倍以上
係咁意買架最cheap車仔連牌=香港地買半層劏房樓既價錢就差唔多~
講真, 唔揸車甚至少搭的士既人係唔會明白有免費位係附近上落一陣既重要性的
私家車既本質係一定有自私既成份, 無丁點自私心態既人係唔會擁車的
而且經歷過近呢5年社會所發生既事, 大部份稍為鬆動D既家庭, 老早就將車由奢侈品轉化為必需品既心態, 配合埋本身就十分自私既舊生態/搵食車司機, 唔限制擁車根本違泊只會繼續惡化落去, 填多10個人工島都係會繼續惡化的~