[2023-1] Mini Trip Report 5: 如何在火車罷工時穿州過省
話說聖誕節返咗香港過節，然後就1月要返去英國開學（Flight report有心情先寫），但係預先知道落機當日正值火車又一次罷工，於是提早買咗National Express巴士飛，造就今次試坐另一間旅遊巴公司National Express喺1972年開始營運，營運基地喺Birmingham Coach Station，但亦有大量路線外判俾其他細公司營運。而家National Express嘅車隊主要係Scania K系列同埋Volvo B11RT，而Caetano Levante車身亦係呢間公司嘅標記
當日因為火車罷工，要去其他城市就要焗住坐Coach，當時好彩買得早，淨係用咗50鎊左右就買到一張飛，但係之後Megabus同National Express都趁火打劫，每張飛賣到接近80鎊
落飛機排咗成2個鐘入境（基本操作啦）之後，去求其買杯咖啡同三文治，然後就急速行去巴士站
曼城機場巴士站
室內候車室，喺英國冬天最重要嘅係遮雨嘅蔭同埋暖氣，始終要等好耐吓
等到9點左右有架120嚟咗，因為小弟買嘅係Flexible嘅車票，除咗本身揀咗嗰班車之外，亦可以坐前後12小時嘅車，但係因為火車嘅問題，呢班車已經爆滿，於是又要等多個半鐘
10.30嚟到嘅車，雖然我都係候補嘅客，所以司機叫我企喺一邊，等晒即班嘅客上晒之後，司機就幫我改飛，上車
今班車係BV67JXZ，2017年嘅Volvo B11RT，雖然同上集Megabus一樣型號，但係Megabus同母公司Stagecoach偏好西瓜波嘅產品，所以用Plaxton車身，今次就係西班牙車身
車廂配色比較沉實，使用木紋地板以及黑色仿皮座椅，配上藍色LED照明燈
張凳有張摺檯仔，亦有腳踏；不過legroom非常失望，上圖小弟係坐到成個人直晒，兼且前面師兄冇recline張凳，難以想像legroom比巴士界廉航Megabus仲窄
因為係市際巴士，所以大部分時間都喺Motorway到行，不過比較得意嘅係車頭上面個mon係播緊即時車cam
座位上方嘅冷氣風口同閱讀燈
拜訪廁所
衛生良好，表面整潔，亦冇臭味，比Megabus好得多
洗手盆
另外上面嗰個係車尾隻窗，透光良好
咁好天，係咪真係英國嚟
大約個半鐘後，巴士準備到達Birmingham。我架車整係去到Birmingham，要再轉車先去到Cardiff
英國最核突建築之一：Bullring
Birmingham Moor Street
準時落車。呢度係NationalExpress喺Birmingham嘅總部，成個站16個閘口都係佢哋啲車
接機大堂？
之前睇過個meme話喺英國冇嘢係free嘅，即使你只係想喺火車站巴士站去廁所都要俾錢。的確喺呢度去一次廁所要30p，當然見到有人扮晒蟹喺個行李通道"捐"過去
本身有班1.30嘅車係啱我坐，於是諗住去候補，可以早啲返去宿舍，但係閘口個黑人驗票員態度非常惡劣，本身我同佢講我想上呢班早啲嘅車，佢已經用鄙視嘅眼神望住我，叫我等其他本班車嘅人上晒先，之後佢攞咗我print咗出嚟張車飛，但係又走咗去同隔離閘個阿叔傾偈；我見就快開車就問佢幫我轉飛，點知佢望都冇望就話我張飛係Fixed time，我同佢講我特登俾多咗錢買Flexible time，佢先求其點我去服務臺改飛。去到服務台個阿姐差唔多幫我轉完飛嗰時就同我講 "Sorry, your bus has left" 一擰轉頭架車真係走緊，真係火都嚟，一開始你一係就那那聲叫我去服務台改飛，已經拖左好耐，唔係你帶我遊花園一定已經上到車；而且你去到最後一刻叫人去改飛又唔叫個司機等吓，好彩EQ高未打佢，不過都即時同站長反映，咁站長就當然例牌嘅hea覆，什麼"會跟進"，什麼"非常抱歉"之類，引得眾人都鬧笑起來，店內外充滿了快活的空氣
既然仲有成個半鐘先有車，就出去影下巴士。Birmingham嘅市內大部分都係National Express，而且仲有大量ALX400車身嘅Trident，非常特別
站內停泊嘅Coach
1500 出發往Swansea嘅111號車
本身就係訂呢班車，今次應該冇問題啦
10號閘，預備出發
驗票之後就可以寄存行李同上車
呢程車用BV17GUH，另一部Volvo B11RT
逢正點就大量車出發，不過好羨慕隔離嘅Ben屎。雖然喺歐洲Ben屎唔係咩名貴車，但係避震隨時好過富豪大法添
車廂內部，同上一程車完全一樣
冇耐就開車
Birmingham係一個非常種族多元化嘅城市，除咗出名嘅Chinese Quarter之外仲有伊斯蘭社區，非洲社區等，相關嘅設施都唔少，例如清真寺就必不可少
呢程車全程公路，直接去到南威爾士嘅Newport，不過一過界入到威爾斯境內就落起大雨。的確，威爾斯最出名嘅唔係羊就係雨水
經過2個鐘，終於到Newport。Newport之前係個重度工業嘅低端城市，不過近年已經開始重新發展
再開多半個鐘就到Cardiff。Cardiff Coach Station喺個公園入面，距離市中心有一段距離，對小弟嚟講非常唔方便
坐後感：
1. 車廂入面係整齊過Megabus嘅，而且配色都比較舒服，唔似Megabus嗰種好kam嘅藍色橙色
2. 車廂設施不足，當Megabus每人都有USB充電，National Express仍然只喺部分車上面提供三腳插；亦冇好似Megabus咁貼心提供嘔吐袋
3. 服務質素真係呢，完全冇Megabus嗰種活力嘅感覺，今次啲司機同職員個個都西面，Birmingham過驗票員簡直令人髮指
4. 安全感都係唔夠Megabus，Mega每班車都係一個司機揸車，一個導航員坐導航位確保司機唔會疲勞駕駛；National Express一人控制，安全指示行李咩都俾司機獨力完成，最緊要係司機瞓着就全車一日冚包散
其實今次嘅旅程可以坐Megabus，但係因為要轉2次車而且價錢唔比National Express平先揀NationalExpress，點知National Express又係得個名，冇咩事下次要坐coach都係盡量坐返Megabus同Stagecoach affiliate喇
過往Mini Trip Report系列
【2021-8】首試無牛肉餐：CX255 香港往倫敦
Mini Trip Report 1 Class 150首試
Mini Trip Report 2 GWR Class 800首試
Mini Trip Report 3 首試窮人恩物Megabus
【2022-6】排死人之旅 CX254 倫敦-香港 (多圖注意+檢疫過程)
Menu回歸之旅 CX251 HKG-LHR
Mini Trip Report 4: 搭足一日嘅火車
首訪曼城之旅: CX216 MAN-HKG
食杯麵比雷劈之旅: CX219 HKG-MAN（稍後推出）
我自己無搭 MegaBus，但感覺車廂設計上，National Express 黑色座椅配木系色調，比較時尚
唔知點解英國長途交通座位普遍較窄，coach 同 Nationa Rail 都係；喺日本搭完 JR 特急返到英國搭鐵路，完全係天堂與地獄...
之前喺 London Victoria Coach Station 上 coach，總站都係十分混亂，人頭湧湧加上大部分人（包括我）都拎住行李，要行去 gate 都可以搞到幾狼狽；NX 基本上各大城市都有 Coach 直到 London，但 Victoria Coach Station 管理上真係唔合格，香港求其一個巴士總站都好得過佢
無咩事直係 stick to National Rail 算 - https://www.hkitalk.net/HKiTalk2/forum.php?mod=viewthread&tid=2155319&extra=page%3D1&mobile=2
不過人地罷工尚未成功，同志仍在努力，想要正常的鐵路服務，應該仲有排 :/ Waiyin12 發表於 2023-2-19 00:55
我自己無搭 MegaBus，但感覺車廂設計上，National Express 黑色座椅配木系色調，比較時尚
唔知點解英國長 ...
唯有講，你都知呢度係大英廢國，要容忍吓接納吓囉
日本啲匠人精神係以客為本，啲客坐得舒服為主，英國係以職員做得開心為主，根本冇得兩樣俱全
Victoria嘅問題係唔夠位，但係咁多coach全部死塞晒入去，唔只NX，仲有mega，flix同Greenline全部都喺Victoria。而家NX之外都掉出咗街或者對面Greenline站，但係NX咁多車始終搞唔掂，車位閘口同候車區都唔夠大
至於National Rail喎，一罷工我哋大西區域就會表演''有幾西得咁西''，全部對外線路停晒，淨係Cardiff Valley Line同埋South Wales Mainline開車，唔搭coach又冇得坐火車嗰吓，建議閣下揸車義載小弟一程:loveliness:
－可能係一間間外判公司問題，再加埋人手不足（尤其係鐵路罷工期間NX可能有開加班車）
－要指出一樣嘢係Salvador Caetano車身公司其實係葡萄牙，九巴嘅ASU／ASUD都係同廠出品
－日間NX好少開車頭電視，應該係司機唔記得熄。
－至於legroom問題，我都覺得奇怪，照計我幾個月入面無可能隻腳長咗成節可以由唔頂腳變做坐直都好貼前面椅背，懷疑佢係咪加多咗4將凳。要point out既係，以前NX算係legroom最generous個啲coach公司
－Birmingham Coach Station係NX地頭，其他公司嘅車踢晒去街邊上落客
－有部份原本要收錢嘅bus／coach／train station已經開始轉做免費，唔知係咪使用率太低。老實講，而家唔多人袋住啲碎銀出街，一時間要搵個20p出嚟，唔太方便。
－黑人站長態度惡劣呢家嘢強烈建議email NX CS再跟進，因為個站長多數都冇咗回事
－搭過嘅NX全部舊車都有3腳插，不過好難搵。佢係收埋係兩個位中間嘅下面，要摸下先搵到。呢啲位仲要無人清潔，試過摸完成手都係塵。而新車（即係第三代車身／雙層）就每個位都有USB
－NX多數都係一人操作，試過機場線有2個司機嘅班次，佢哋係T2掉轉。
Waiyin12 發表於 2023-2-19 08:55
我自己無搭 MegaBus，但感覺車廂設計上，National Express 黑色座椅配木系色調，比較時尚
唔知點解英國長 ...
個人都唔鍾意Victoria，Underground出嘅指示比較少，唔熟路嘅人上到路面都要預最少15分鐘時間先去到最終嘅閘口。其實Victoria Coach Station如果可以係網上預先可以睇到邊個閘等已經好好多。試過因為拖住行李被困Underground Platform，再加埋指示唔清晰，去到Coach Station送車尾。約人係Victoria等又係麻煩，事關arrivals同departures係兩個完全唔同地方嚟。
倫敦呢個地方無論飛定係搭車都係可免則免啦:L
B11R乘坐感唔算特別出色，係好過同公司啲scania咁解，但都係似中等spec嘅旅遊巴拎去跑長途，單計機械都唔算好好坐，計埋座距更加重口味。但近年各地coach面對鐵路廉航競爭，難免將貨就價。要比坐感，Benz應該完勝，先排坐過oxford bus去LHR嘅benz機場大巴，搵番十幾廿年前坐中港直通巴嘅扎實坐感。 HV7025 發表於 2023-3-6 10:06
B11R乘坐感唔算特別出色，係好過同公司啲scania咁解，但都係似中等spec嘅旅遊巴拎去跑長途，單計機械都唔算 ...
Volvo 的確唔係好出色，但係喺英國啲大公司用好多Volvo行，我諗可能都係想方便維修
之前學校租過架Benz，走入去啲路窄嘅鄉下，避震幾舒服，行M路山路都駕馭到，不過最後搞到人哋架車刮晒底又刮花架車，間旅遊巴公司走嗰時調架細啲嘅K系雞乸，嗰架就真係乜都唔掂☹️
頁:
[1]