國泰航空 香港>東京(羽田) CX548 商務艙體驗
國泰航空 香港>東京(羽田) 商務艙體驗*時隔三年，再次踏上旅途，難掩興奮之情日期：20FEB2023時間：08:55(09:14)-13:45航班：CX548機型：Boeing 777-300ER B-KQG
2020年有幸喺封關前去到日本，封關呢段時間曾經嘗試預先用里數換機票改完又改，相隔三年後終於等到再去日本嘅時機，不幸地因為日本航空送大禮玩downgrade 所以最終都係喺巧合之下兌換國泰商務艙單程機票。是次行程使用Avios，25000里+$588稅項及燃油附加費，燃油附加費方面係比較早前兌換嘅日本航空機票平好多，而且張機票退款都仲係免手續費退款。通關後，理所當然地國泰並未有完全恢復服務，貴賓室得玉衡堂（近登機閘口65）及玲龍堂（近登機閘口6），是日航班登機閘口安排喺66，理所當然係去玉衡堂。人總算係多返，食早餐都要行到近乎盡頭嘅茗茶坊。再次挑戰國泰出名嘅擔擔麵，味道無變，麵身食落都似雲吞麵，少咗一陣鹼水味；雞肉燒賣加少許辣油同豉油都係唔錯。商場管理局趁住疫情期間做咗啲設施改善工程，打咭牌、座位、閘口都耳目一新，閘口已經改用“登機易”面容識別，地勤如非必要唔再對機票同證件，但實際上完全無快過甚至更慢。國泰機隊商務艙並無跟隨經濟艙翻新一併更新，但比較意外嘅係座位保養係得宜，備品只有一小枕頭，依家仲係疫情關係取消曬所有機上雜誌，情有可原…座椅控制面板、電源、閱讀燈、遙控，Video in全部集中曬喺一個位置，好唔好就見人見智，但我個人就比較喜歡收埋會好睇啲，尤其係我成日唔覺意撞到USB充電位耳機收埋喺櫃入面，耳機本身無降噪功能，耳機插座本身都有問題，不停有電流聲同一時時只有一邊有聲，研究咗一陣結論係根本無辦法插實，改用自己耳機亦無補於事。儲物空間都足夠使用。扶手就真係扶手，唔似中華航空咁係另一個儲物空間。機上娛樂系統跟隨經濟艙翻新一併更換，內容一直都係國泰嘅強項，有中文字幕亦有香港無上映嘅日本電影，亦有近半年內嘅新片。餐檯唔係特別大張，夠13吋手提電腦用，但如果好似我咁用類似Surface平板電腦咁就會嫌張檯唔夠深。餐飲方面就沒有期望就沒有失望，先睇餐單，呢班係早機所以供應早餐，中西式比例係2:1，我依然選擇西式為求穩打穩扎。是日早餐紅椒芝士烘蛋餅配香腸煙肉及蕃茄，一如意料完全無芝士味，但紅椒甜味確實有令蛋餅好吃啲機艙燈都隨住用善完畢調整顏色，靠窗嘅就維持粉紅色不變。
結論：
無期望就沒有失望，機上服務同餐飲相比長榮相差太多，如果真金白銀畀錢坐可能我以後都唔再坐Oneworld航班，但嚟緊仲有一次機會，到時再講
想問下日航 downgrade 係 Business Class overbooking, downgrade 落 PEY / Y Class?
CX 77W 硬體略為殘舊，個遙控唔知係幾多年前的產物...
同樣香港飛東京，其實會唔會揀 A350 執飛班次，去 NRT 較好? Waiyin12 發表於 2023-2-23 02:24
想問下日航 downgrade 係 Business Class overbooking, downgrade 落 PEY / Y Class?
CX 77W 硬體略為殘 ...
原先去程嗰張係PEY，換機型之後downgrade 落Y
至於CX我一向都係留意住幾時用A350執飛，只係換機票唔係咁容易捕到，CX 飛NRT無頭等嘅航𦂥又好容易換機型執飛，唔出其他773假J已經偷笑
頁:
[1]