反而前排 輕鐵二期last day又冇乜人打尖，係咪因為港鐵派員管理得好定係鐵路迷質素俾巴士迷高？但係明明當日部分（應該有過半？）鐵路迷身兼巴士迷
打尖固然唔啱
但係送得殯應該都預左七國咁亂......
加上為左坐尾車排幾個鐘其實都無乜必要
如果用三個鐘等尾車，7M坐到唔坐啦
幾年前ADS farewell 已經體驗過班人點打尖，搞到我排咗幾個鐘都上唔到車
所以之後都冇再去送殯， 費事谷氣
本帖最後由 SWR 於 2023-3-9 20:45 編輯
對上一次大型送殯已經係10 年前熱狗最後一日，今次送短豬真係冇眼睇我琴日同樓主情況差不多大約19:00 開始排隊， 其實當時前面得60-80 人左右！途中有巴迷肚餓食飯廁所輪流交換換人都理解，到左大約22:00前面開始有多小雞生排係著名巴士迷約翰黎（ 應該唔關約翰黎事）前面，越攝越多，有個灰衫爆炸頭肥仔見着佢打尖，其實識人帶1 個半個情有可原，但係一黎10幾個，仲有隊頭我知你五點幾排咗隊，但嗰陣時得兩個人，之後又十幾個又係著名巴迷陳R浩你可唔可以唔好咁過分？你坐完尾單7M之後走過去坐11D,你仲要排隊頭帶埋條囡肆無忌憚喺隊頭post ig 係人都見到你啦好啦去到11D臨開，19:00 落到去前面都成班人冇得上！可能你會話你 坐咩尾單，但係都係想留個回憶比自己？唔通咁都有錯？安分守己變相上唔到車
呢件事仲有幾個問題
第一， 九巴你哋開賣巴士模型就識派籌，官方尾單你就吾派籌？
第二， 琴晚好多督察到場，但係now 有缐出場你地先扮維持11D坑秩序
第三，琴晚開左正規班次青bb,之後加班車開係短豬上客前5 分鐘，好啦！有大批人一齊賽跑追的士！其實以前九巴有類似做法，好似70 last day 咁假設短豬上滿閂頭閘，加班車開始上，載滿之後一次過2 架一齊開！
今次人數比熱狗可能比熱狗只係少一點值得一讃， kmb 安排行7M回車快可以令到啲人坐到！就算今轉坐唔到，下一轉一定坐到！第二，陳政邦督察車長不停叫人哋行入啲，令唔同人上到車！盡量俾啲巴士迷上車！令人嘆息嘅就係呢家啲巴迷小學生甚至已經出咗嚟社會工作著名巴士迷，唔會知道自己行為係錯！
本帖最後由 12Lane 於 2023-3-9 21:01 編輯
老實講，當時又唔搞大佢，事後喺道怨有咩意思，同佢講呀嘛.jpg。賴落職員道就仲好笑，車就得一部，下次巴迷半夜開始排唔通又要搵班職員同你癲咩。巴膠個名一早就臭晒，連當場指正都唔去做，冇人制衡班友，就註定比呢班人惡晒，劣幣驅良幣，唔想出聲嘅咪慳番啖氣下次唔好再去盞谷氣。
咪由得佢繼續癲，總有一日個party會玩爛，一拍兩散，班友咪番去玩手指。
本帖最後由 SWR 於 2023-3-9 21:38 編輯
12Lane 發表於 2023-3-9 20:52
老實講，當時又唔搞大佢，事後喺道怨有咩意思，同佢講呀嘛.jpg。賴落職員道就仲好笑，車就得一部，下次巴迷 ...
其實琴日有人出聲 不過此終利益者多
冇人制衡到
只怪自己思想仲係以前巴迷
busplastic58 發表於 2023-3-9 20:23
幾年前ADS farewell 已經體驗過班人點打尖，搞到我排咗幾個鐘都上唔到車
所以之後都冇再去送殯， 費事谷氣 ...
當年我都仲記得有人排完都係上唔到，
我當年拍條片起晒格都佢地好癲．．．:Q
https://www.youtube.com/watch?v=C_VgPelkFTQ
SWR 發表於 2023-3-9 21:37
其實琴日有人出聲 不過此終利益者多
冇人制衡到
只怪自己思想仲係以前巴迷 ...
以前係守秩序有得搭，依家係唔守秩序有得搭
其實行多2班7m好過整班咁既11d啦
shakugan2005 發表於 2023-3-10 11:44
以前係守秩序有得搭，依家係唔守秩序有得搭
其實行多2班7m好過整班咁既11d啦
都係會有人排係7M條隊唔上車等最後果班
都係會有人為左坐最後果班打尖
行11D有個好處, 觀碼唔係住宅
點嘈都無乜投訴;P
busplastic58 發表於 2023-3-9 20:23
幾年前ADS farewell 已經體驗過班人點打尖，搞到我排咗幾個鐘都上唔到車
所以之後都冇再去送殯， 費事谷氣 ...
ADS 嗰次都唔知做乜，明明有兩部車，另一部仲要已經出埋嚟standby，但係就係唔開 :L不過嗰次我本身都無打算搭，都係影完相全世界一齊行去九龍站 :lol
但九龍站唔係送殯尾班嘅好地方，個抽風系統設計無預過咁多人，焗暈咁滯