你可能仲會覺得「乜A10沿線需求真係咁大咩？」，數據證明的確係，當早繁A10往機場都坐得滿，甚至企緊人嘅時候，已經反映緊沿線嘅機場巴士服務已經供不應求。
數據證明嘅嘢唔係全日需求
唯一 support 到其實係最近加果一班
果個時間坐嘅係返機場為主 咁點樣推論到其他時間都係旺先？
疫情前 A10 頭車雙層長期爆唔通又可以推論到全日都爆單層完全唔夠載咩
除此之外，據講城巴，作為該新發展區唯一中標巴士營辦商，將會喺不久嘅將來開辦A25來往啟德同機場，咁點解有多餘嘅資源開新線，而唔係做好現有嘅服務？ 唔好唔記得，城巴機場快線仲有大量用車喺各個巴士總站封車，曬緊太陽，係真係資源不足吖？定係跟本無心做？最大問題應該係無人唔係無車
呢個全行都係咁
UA2892 發表於 2023-3-18 17:46
其實A10冇必要開全日,其餘時間開E10就得
A10 都唔開仲開你架 E10? 城巴搞A線「守則」：路線越長，越唔敢開，所以最多機場線係距離最近的西九龍(深水埗區、油尖旺區)。佢開A25皆因佢經遊客區嘅尖沙咀。 本帖最後由 XE2082 於 2023-3-18 22:04 編輯
KE7066 發表於 2023-3-18 20:56
利申返先，覺得 A10 最少應該同 A12 全日 60 睇齊，不過論點唔多 buy
數據證明嘅嘢唔係全日需求
唯一 suppo ...
果個時間坐嘅係返機場為主 咁點樣推論到其他時間都係旺先？
疫情前 A10 頭車雙層長期爆唔通又可以推論到全日都爆單層完全唔夠載咩
確實早繁A10打爆未必代表全日都一定咁多人，但係亦都唔代表港島南區同西區喺日間其餘時間無前往機場/北大嶼山嘅需求。而家香港經機場出入境嘅人數已經回復返疫情前嘅一半，亦即係航班嘅數目已經大規模增加。
即係例如去歐洲嘅航班主要都係夜晚十一點左右嘅時間，但係喺呢段時間其實都係完全無A10，一邊喺度呻窮，又唔開返有客源嘅線，唔係求佢一次過恢復返疫情前嘅班次(而家亦都無可能)，但就算係喺日間其餘時間開一班都好吖。反而，作為巴士公司，城巴應該去研究各條機場A線嘅客流量同需求，而唔係無動於衷，坐喺度嗌窮，然後問政府攞錢。
同埋，每逢假日，青馬條R8龍都唔會短，可見由市區，經A/E線轉乘去迪士尼嘅乘客都唔少，而呢啲都係A10嘅客源之一，A10無需求呢點可以話係唔成立。
最大問題應該係無人唔係無車 呢個全行都係咁
雖然全行都係缺人啫，但都唔代表城巴可以用呢個藉口去決定開或者唔開一條線，唔係淨係城巴，其實全港巴士公司都面對緊呢個問題嘅時候，係咪可以去做啲嘢去改善呢個問題？
先唔好講改善巴士車長待遇呢啲因素，城巴係咪可以透過調整更表去令到呢個情況有改善呢？再或者，好似九巴咁，近月都不停招攬車長返B車加走，呢啲係咪都係城巴可以做嘅嘢呢？
另外，咁如果連A10都唔夠人開，又點解要開條新嘅A25呢，我唔係想「山頭主義」，但係巴士公司係咪可以喺呢啲問題上處理得好啲呢？
XE2082 發表於 2023-3-18 21:22
確實早繁A10打爆未必代表全日都一定咁多人，但係亦都唔代表港島南區同西區喺日間其餘時間無前往機場/北大 ...
依家屎水哲學就係有得插旗就唔好蝕插左先，之後話知你無人又好乜都好，每日開一班又好一個鐘一班又好，插左旗就係佢贏，跟住成區都係佢話事;P
本帖最後由 KE7066 於 2023-3-19 04:36 編輯
XE2082 發表於 2023-3-18 21:22
確實早繁A10打爆未必代表全日都一定咁多人，但係亦都唔代表港島南區同西區喺日間其餘時間無前往機場/北大 ...
搞清楚先，我唔係話無需求，係話你提出嘅數據無辦法證明呢樣嘢
你講依家僅餘果幾班車根本疫情早期已經知要留，咁坐滿其實代表唔到啲咩
同埋見你講咗幾次歐洲夜機
疫情前其實入咗夜啲 A 車客係明顯少一節，然後反映返係班次上面
我就唔見得呢個例子有咩好講
好彩就係城巴似乎無諗呢啲嘢，佢 A12 現況都開到 2045 先尾車，唔係好似 E33P 咁 1800 尾車入機場
雖然全行都係缺人啫，但都唔代表城巴可以用呢個藉口去決定開或者唔開一條線，唔係淨係城巴，其實全港巴士公司都面對緊呢個問題嘅時候，係咪可以去做啲嘢去改善呢個問題？ 全行無人諗到計走出呢個困局，可以做咩？
現實啲你唔接受呢個藉口都無用，港珠澳 + B3X + B7 成堆問題燒到埋身，A10 自然比人再拖多陣
再或者，好似九巴咁，近月都不停招攬車長返B車加走，呢啲係咪都係城巴可以做嘅嘢呢？
城巴人例返呢期唔係少，完。
頁:
1
[2]