天空島雙船記 A Tale of Two Skye Ferries - MV Glenachulish & MV Loch Fyne
本帖最後由 HZ8186 於 2023-3-22 22:28 編輯https://blogger.googleusercontent.com/img/b/R29vZ2xl/AVvXsEhuHZJbR8PKQrazJCdVLz4S5qJWkEiOyuPch40rlxkhsSBkzWEYhLJm1srCIvclQZL1-2Z6uiq6aIeko19Xj-rTd1aEya9X8bqdAOgi1GEio1FmMExsfprrhtiNUGbKSr_Q_bnpj-eld1HkowVxbZEPqwdwzJR8DmwkDaC6b9_T0caxKEF5Lhbzi1km/s4032/SKY00a.jpg
雖然小弟細細個就聽過 The Isle of Skye 擁有令人讚嘆不已既景觀，不過小弟於留學四年間一直未有機會拜訪呢個神奇既島嶼 - 趁小弟於二二年暑假有機會回到英國，小弟就決定同家人花幾天拜訪位呢個於蘇格蘭北部既天空島。
作為蘇格蘭北部既最大島嶼，天空島既基建同交通算係相當發達 - 除了有汽車渡輪連接島嶼同蘇格蘭大陸，天空島北部亦有 Skye Bridge 連結 Kyle of Lochalsh。同時，捷達旗下既 CityLink 亦有頻密既長途巴士路線前往 Inverness, Glasgow 等主要城市，而部份路線更會配合船期，方便旅人前往蘇格蘭各外島。
今次小弟會駕車來往呢個神奇既島嶼 - 去程會乘由 Caledonian MacBrayne (簡稱 CalMac) 營運既 Mallaig - Armadale 航線，而回程則會乘蘇格蘭既傳統轉檯汽車渡輪 (Turntable Ferry) MV Glenachulish 由 Kylerhea 前往 Glenelg，就等小弟同大家講述呢個 Tale of Two Ferries 啦。
https://blogger.googleusercontent.com/img/b/R29vZ2xl/AVvXsEibcYksO6y2RqtoUXdb2qd38J0aL7f2uUDgECLm6kYx2B6NOy7f3SlpLu87XMs--VkBqqQSd91T5WpZYAclwcU5mvtIiF3zAKU7w53myh8KIa63NK_RS3R6FA9QA32J0UJtPGrJILqUdOUjtLAIcbW3aAp-gdDwGpopRUYr53s8HaLEdvMAxL0dlEUQ/s4032/SKY01.jpg
小弟既旅程由蘇格蘭北部一個優雅寧靜既漁村 Mallaig 開始 - 小弟同家人花了半天由 Fort William 慢慢沿海岸線向 Mallaig 進發，遠觀 West Coast Railways 營辦既 The Jacobite 於 Glenfinnan Viaduct 上奔馳，食一頓海鮮餐同觀賞夕陽後，小弟一家便於一間旅館下榻，準備翌日乘船前往 Isle of Skye。
https://blogger.googleusercontent.com/img/b/R29vZ2xl/AVvXsEiM-C8HXaCppUFO7UrptbowyW76DXLngDw2TKlZbc5HSLcAoT7Bc0RtIMobwh8dwpoYWdHM5fsY4G6Iv8XX0k3O56Izq7fAy-C9zf4qz7GuwEm3v3V4fg_2v4Qa9TCJIdSonPCCNswr7VA3saYT4IoxFynU6Hdqc-9PzHg_quHBr9CpCW_p7zqFlAc4/s4032/SKY02.jpg
Mallaig 係蘇格蘭外島既重要交通樞紐之一 - CalMac 除左有頻密班次連結 Isle of Skye 既 Armadale 之外，船公司亦有提供每日至少一班連結 Small Isles 各個島嶼同蘇格蘭大陸既航期。同時，碼頭隔壁既火車站亦有一日四班火車前往 Fort William 及 Glasgow - 無論閣下係一個 Foot Passenger 定係一個駕駛者，閣下都會有唔少選擇前往蘇格蘭既外島既。 雖然小弟今次到訪 Mallaig 只係為借宿一宵及轉乘汽車渡輪，不過佢既漁業都非常旺盛 - 蘇格蘭海鮮價格未必係最平，不過當地出餐既蠔同青口既質素同鮮味係香港真係食唔翻。
https://blogger.googleusercontent.com/img/b/R29vZ2xl/AVvXsEgHawxAE6i4pAGBp4ydR6WCsRm_G84SQORWFEneRQe9q-xz_GhORkICVrumwBmjhC0tEGrtdbfo_hC33ZZITOtUwT3PBOYnHajwFlppuaeNjBYoCwx8_iYIgwelJhIqsBw1Uhrp_BRrvwrnx5R56xO1jTWpv64Ph_hFWMSr24o0CUcgD_yD7MmipAQh/s4032/SKY03.jpg
今日接載小弟前往 Armadale 既係呢部 MV Loch Fyne - 呢部渡輪於 1991 年落水，並可以搭載二百名乘客及三十六部私家車。渡輪落水後一直於蘇格蘭西部服務，並於 2017 年起聯同同公司既 MV Lord of the Isles 為 Mallaig - Armadale 航線提供每日多達十班來回航班。
https://blogger.googleusercontent.com/img/b/R29vZ2xl/AVvXsEjg8n8EUoAXEWlAuiZ-_-l4CXRgW-ZVlRWqO63gniiY6NhXKQD6uAryMHDIkCHSZr0DnR4_bogM8Go9meVlA5k20mt6Qc3j-G_d1W4qSuK2XcN1ugKzeuoBH-oOfZA1qpq4TmCnV-fGuyv9v_191GkTpZ3BTeEALdhRcf3tWDOGYRjJANFEZhxUE3_Z/s4032/SKY06.jpg
小弟都講下點樣為呢程船買飛啦 - 船飛係可以係 CalMac 網頁，或親身去 CalMac 既碼頭購買 - 不過由於渡輪空間有限 小弟係建議閣下提早到 CalMac 網頁購買船票以免失望。據小弟理解每班船都會有少量車位供候補，不過於旅遊旺季遊玩時都係買個安心會好d～～
(網頁購票時 網頁係會邀請閣下填寫車牌資料 不過如果閣下係租車而未有車牌資料既 呢項係可以於之後補上)
https://blogger.googleusercontent.com/img/b/R29vZ2xl/AVvXsEg2W24KA2JRAcLTmiQRPWAfnuEPRicgkvXapXCm4SHxOn2OGttohbdxlBip7jXpZo_zmb6yZ1hkzHylo_OClu32a_e3lln3mKG-O1o9DIVvnlO868Up4H-NOV6d73Fjtz-pgVYLJlLBZIbz7i1KS-kjQJBI8ldelMocr-4RnYSfTFv59PLUjO8uKgV5/s4032/SKY05.jpg
MV Loch Fyne 既乘客艙 - 雖然今日所有乘客都企係頂層欣賞風景，不過係正常既蘇格蘭天氣下 大部份乘客會選擇係呢個渡過半小時既航程既。
https://blogger.googleusercontent.com/img/b/R29vZ2xl/AVvXsEhwCzwnJdY_YQuHEhMgNAI9adn874O_dbltkGrWR9qh62Wy8YUd_kfk-Az82le_gC3olB98OrgbHVQkMLaP0ALjUSxcXk7bqN7X5ktL_2U663AL0AINbiKPGuopne9VQmHIMxjs4J2wXGy0n2_qNKskL1ssinTQVvfwGu3HBkZ0BDq4YWZtDwhH_oFI/s4032/SKY04e.jpg
小弟非常有幸遇上一個萬里無雲既蘇格蘭，不過更有幸見到海豚同船隻並肩而行 - 或者呢個係上天補償之前一個星期小弟不斷被取消既船期，航班同火車班次吧...
https://blogger.googleusercontent.com/img/b/R29vZ2xl/AVvXsEgfukSInOrKd8pa3gjuQHjezQc2rwiRHabYaweCjJRbz9dYknUJSeLPkUOo-NAD34DASDK7pqxWogtZZMO7vsPUo5vHl0OT5ppf8z6m3uy61GSAs4eSbA8MJhHy7KNWJFno4DZr1owJTjQWlT9TPoYSXyQLVj6bhs3JBwDTQsPTzNdzlk7P3EbuKaFq/s4032/SKY07.jpg
順帶一提 小弟最後都係用候補位置先上到船 - 雖然係 CalMac 既網絡入面 呢條線應該係最受歡迎既航線之一，不過由於天空島北部有陸路接駁本島，以及為確保其他島嶼有至少一日一班既船期，因此遇上人手或船隻機械問題時 CalMac 往往都係會先向呢條航線落手。當月 CalMac 有唔少水手因為肺炎而缺勤，因此 CalMac 宣布該星期 Mallaig - Glenelg 既班次將會減半，而本身小弟預訂既航班亦被取消，不過幸好小弟一家最後係成功候補一小時後既班次，有驚無險咁抵達天空島。
https://blogger.googleusercontent.com/img/b/R29vZ2xl/AVvXsEhjYZfptWcLnMhHYCTPRS0Ve5T_ApwjLocxD3Ni5BOFw4pFBA6c-vUeCsioRbjyLlkWOVkXCPMPKnh1jM45UsZ3Tf5FFghvKzXQCyEiBSO5XXSvwHTlVRCEZie1mjsR0JEFey-4SMKBvpE0iD01cCMZNppATnzqoPyOE7PM-0wsL3Nil1eheq9-0OZh/s4032/SKY08.jpg
船隻未停定，船員已經開始緩慢地降下呢個龐大既跳板 - MV Loch Fyne 係一隻 Ro-Ro (Roll-On, Roll-Off) Ferry， 意思係船隻係於船頭同船尾各有一個跳板，而車輛係無需要係船上掉頭或倒後落船。從航班時間表所見，車輛既裝卸係一個相當快既過程，船隻到達目的地後只需二十分鐘就可以返航。
https://blogger.googleusercontent.com/img/b/R29vZ2xl/AVvXsEjhN1MRYXLaa0VjKANgEKt5_bQRqovoITXtA7O--QooVNb-V1S_8Zn24tWl2mWUiuc17E_-UdrDHlITlMtteueNavKWmAj-MU2j8bgG2mSLiftZsShxM8kr6C9rgfuK1Qkz8VI0POwcUZrzGhpKlykD1ryDIxT_oH-IjPLsfL4HSK_c2sSArcuQP2f0/s4032/SKY10.jpg
經過三十分鐘既航行之後，船隻順利抵達到達天空島 - 小心翼翼將車輛駛過跳板後，小弟便展開一個期待四年有多既天空島之旅
https://blogger.googleusercontent.com/img/b/R29vZ2xl/AVvXsEg6DSjA612CloL-k1Webjr1BTFRg6Eoe2WuvEWHX7fZvAM6sfVhj0osz4VDl0p7jjwTXxCw1J-s0hbZie3ABbXNRaJfsF1d0nFyxaBXnOQTkTvhU2Yvf3DCmxONpIYXube1vHzH9OBp-fd5d4Z3CkIKPcXBYhq00oyHMB8lSNAsNTMI20-9YYT3NEQ2/s4032/SKY11.jpg
天空島既景觀果然令人嘆為觀止，流連忘返... 雖然島上天氣非常不穩定，不過千變萬化既雲層配上綿綿山谷只有為天空島添上一股神秘感，待旅人進入揭開面紗。
圖中係天空島西北部既港口 Uig - CalMac 每日會提供三班渡輪連接 Uig 與位於 Outer Hebrides 島群既 Harris & North Uist。
https://blogger.googleusercontent.com/img/b/R29vZ2xl/AVvXsEghPKdWpCBQB8MNIQnGyGL8GOWG_i1LhPEf2djvGDyJ-VCdTFwaqsPG-a3NmR4y6Iy-CEKJ4Y5_AgqjhQYTCgPrnxJYJu773i8EtkpvJmC-wIqp50dtHieE05mrYHDm_Bi8l-jWZZzUsRQQdPDajXvKz0qJVTjdGnZOzAHrFXEWtuxsAZtCzrEo6NzC/s4032/SKY31.jpg
於 Sligachan 既旅館借宿一晚後，小弟同家人便啟程回蘇格蘭本島。今次小弟會於 Kylerhea 乘汽車渡輪跨越 Kyle Rhea 海峽前往 Glenelg，而今日既渡輪並非一個普通既汽車渡輪，而係已經服務五十載，世上僅餘既轉台汽車渡輪 MV Glenachulish。
https://blogger.googleusercontent.com/img/b/R29vZ2xl/AVvXsEi78aGNzG4SNZm-tM66euNGPeCa7J4net7icE7jx3ia7DlFoDyTqNKh9zqb6jz1PMyEIwzz36TIt1NnUIA1DYlZl1U3QDbn8x-Xlh5ZQhE-39fBYKp8u4_NX-JeWtLuPZ5AaWhAkIyv4m8ZZfdjthQPQSiVkWzHFvLtteLIn5ek8HNCG1gpADjtjoXg/s4032/SKY12.jpg
小弟於回蘇格蘭本島既路上遇上 MV Hallaig - 呢部渡輪服務 Sconser, Skye - Raasay 航線，而小弟後來翻查資料得知 原來呢部渡輪係由兩套 Diesel-Electric 系統同電池系統推動，係一部已經服役超逾十年既混動船隻。
https://blogger.googleusercontent.com/img/b/R29vZ2xl/AVvXsEjj-kp8l_lvnV5_EI8FybWNjU4CqFttS-1XCK5zC3wJYS9PUvFO0Wpy3sonqZ5-2qUfhksM_TQoJI5rcrWl9bAxz8r112ME06O9lRsBNfM9kMBYm1KUKGbt1ftiNvUZKRfpCTe081gruSXQGzfpgplfr24v4n_UQ-ystsGcaFsmeVUFsMx1teXLCyAc/s4032/SKY32.jpg
蘇格蘭大陸同 Isle of Skye 之間擁有三條渡輪航線，分別係 Kyle of Lochlaish - Kyleakin, Glenelg - Kylerhea 以及 Mallaig - Armadale，而由於 Glenelg - Kylerhea 係位於兩者距離最近既地方，呢個係天空島對外歷史最悠久既航線 - 根據歷史文件既記載，呢度自 1934 年已經有汽車渡輪服務連接兩地。
https://blogger.googleusercontent.com/img/b/R29vZ2xl/AVvXsEiVT6ExK_YAP8_W97OaDMxV6UT3mqCYCAFhDPRShretLX4frk6bSQoqK4j0u_7PHPCLKI2tSXg4imJ0GBTBUS1rJiTxdvEoUAhnStBYqS2mnNHrU9uxO0nkfQopc7T09eLFZ7YuzbHwuZNIV-5jANIPkoGzmrmtd14ZPPbtJ0f27pUqgUOZ5Oc7dqbK/s4032/SKY33.jpg
雖然呢條航線論歷史係最悠久，不過呢條航線既使用量現時亦係三者之間最低 - 由於另外兩條航線既碼頭皆有火車接駁，以及 CalMac 船隻既載客量高，大部份旅客都會選擇經 Kyle of Lochlaish & Mallaig 登陸蘇格蘭本島。而 Skye Bridge 於九十年代興建好，用陸路將天空島接連蘇格蘭大陸後 (Kyle of Lochlaish 既汽車渡輪亦同年取消) ，選擇使用 Kylerhea - Glenelg 航線渡海既乘客可以話係少之有少。
https://blogger.googleusercontent.com/img/b/R29vZ2xl/AVvXsEhpVKWLTKlXV7bJcf0YpOkpHn-WmZbmnPLJX_v8wAzlXosHbO8x1LJ1AA73buAYhh0wuS0qei-GpB8FljHb7AQdBYhlMKGZd7EHipFRZSAKE8aYmG8Alr25NgnwfMT2AraD8IV3Ttcq-zuCY-DT6_GsP1VqSa0H5lRHraFASsAegIYu_zG-IL9CCtcH/s4032/SKY34%60.jpg
亦都係咁既關係，前往 Kylerhea 既道路可以話係唔簡單 - 小弟當日沿 A87 公路行駛到一個叫 Ashaig 既小鎮後，就離開大路 抄一條狹小既鄉郊小徑前往 Kylerhea。呢個路口只有一個細小既路牌顯示該渡輪今日有否提供服務，而由於呢個鄉郊小徑既闊度只夠一部車過，因此小弟一家由 Ashaig 前往 Kylerhea 既路上係不斷地同剛剛下船，正向天空島中心進發既車輛避車。
https://blogger.googleusercontent.com/img/b/R29vZ2xl/AVvXsEjiIWzr4ZH6qtGQC0DPteGVl034sxd3w2h6ZMACNhhMDE2m8JdTywK9UWAO5cPm4Fx8tADH6n0lKyH6lCI2q0EK6NCUy2yRjCKcL1KDwwOq0Y1f6Ho-scQmNKMpOjuDMc9veonwGsqbXi4cvJg4r1E3fGfoEFPU848kizAy6xF0J8-YX9L7YrairRQS/s4032/SKY36.jpg
經過二十分鐘既鄉郊山路之後，小弟終於到達 Kylerhea - 碼頭設備其實非常簡單 - 有一個電話亭，一個供員工使用既車庫，以及一個售賣紀念品既燈塔。
https://blogger.googleusercontent.com/img/b/R29vZ2xl/AVvXsEiEZpafTVxOE2rwZxNrGTgnAucOzl7JFluTByT8cZ0_o9tIfWmHk2bylaQQui-7L7ArUF_MW7NnFy7mHeBydZ6ZHGcB-Px7aO3V_o548p5ywhOVHVNOujD_ZJv434AWP6-MYfDq_k1QzxmjaIr4jnnWJrplVYc2GEddFtre5kCPI5kPKvU7TOjzc4G9/s4032/SKY35e.jpg
由於 Kyle Rhea 既水流非常急速，因此渡輪有唔少時間都係要向水流方向逆行 - 即使圖中既 MV Glenachulish 貌似向小弟既右方前進，不過實際上渡輪係向小弟方向直線航行既。
P.S. 係咪突然間覺得中學學既 trigonometry 好有用呢?
https://blogger.googleusercontent.com/img/b/R29vZ2xl/AVvXsEiwQzNMp5G82f9NANAehIfNVNS9Mxae7dSt6LKrZoRhV_u71WgZJS0c1--qqKjLhxOGQKLqX3DuQh_6TgKtuIH68gjCnirnChyX06iMTx3zDcRkEfneI6kguITts53ZCvkwuwMvVvszPLqpRLdPEm-vzLiyR0MORI0jmKGh8GfQM2cQmUlGxhZxLgG6/s4032/SKY38e.jpg
MV Glenachulish 係世上僅餘既 Turntable Ferry - 顧名思義，呢個一隻擁有轉檯既渡輪 - 車輛同乘客係會由碼頭直接駛上呢個轉檯，而渡輪航行前會將轉檯旋轉及固定，待渡輪到達目的地後再將轉檯打橫 讓車輛由轉檯直接駛落船。曾幾何時蘇格蘭係有多條由轉檯渡輪服務既航線，而 Glenachulish 於 1969 年投入服務時係服務而上述提到既 Kyle of Lochlaish - Kyleakin 航線，並於 1981 年轉到現時既 Glenelg - Kylerhea 航線。
https://blogger.googleusercontent.com/img/b/R29vZ2xl/AVvXsEjfO9_W6nGiyE6tEuFcgyLh_anjilN0HjCl5hn49IAzxfwpEV5kduJDWMQ4soW2KU4b82fjGGiRe52vdiAJVKzaUEdQMvCWiaDy7uaSEDlGnsZgsEIfvSPv6UVRu0nSJczKXX6w54StFHfvxTxAF8_Bggh7oiaffEGsFcRQQklaWrnUhNGoQ-_ONMyc/s4032/SKY39.jpg
Turntable Ferry 獨特之處在於此船種於無碼頭設施下營運既能力 - 一般情況下，轉檯渡輪會於 slipway 旁停泊，並把轉檯及跳板旋轉至 slipway 上，容許船上車輛輕易駛回岸上。呢個意味住呢種渡輪能於零基建既情況下提供服務，而航班服務亦唔會因為潮漲潮退而受到大幅影響。
https://blogger.googleusercontent.com/img/b/R29vZ2xl/AVvXsEgLKvIHerIYTPyDSRBog8IaGp6dy0k26bOzAfF5UHAzThBqPYlDzc_2M-BssHv8xmVNhj0JEmMbtERSDQDi7tiITiTlW_EfoVg782LCkytZpSYjDRsvpKFn9SvzA92LgRdg3kearIm7He4OY7dCa9aAdmRsCQV7sXCk8P1XDQst2mihJLxVNT3a6px1/s4032/SKY42.jpg
呢度順便介紹埋呢個渡輪既背景啦 - 自 2006 年起，呢個渡輪係由一個當地居民合資既公司營辦，而渡輪現時只會於當地既旅遊旺季 (大概四月至十月左右) 提供服務。渡輪服務雖然沒有固定班次，不過由於渡海時間短，連車輛裝卸既時間，渡輪大概可以做到每二十分鐘一班。有時工作人員更會於其中一邊稍作休息，見到有客人光顧後再放低茶杯，慢慢招待~~
https://blogger.googleusercontent.com/img/b/R29vZ2xl/AVvXsEgoXtn-xNG_qxJmXWiHnpjk1c-VoZxHtsjdM57WMVBNIvnVkyOU28aGMRYPBCE6tRVhUt6tKpDkR9Jxk_G-AOxiU8M8UUA0oesBL4hXsvB8hVu_crmOBdV0P9FcV3T-9R2bBlvNiGgXoUHrLEmWInFRN_9jYh16CPuwN2B1K1YblBfcoGvFuAlc1zvx/s4032/SKY43.jpg
//And all the winds are like a kissAnd all the years are nemesisAnd all the moments fall in mistAnd all is dust, remember this//Enya - The Humming
https://blogger.googleusercontent.com/img/b/R29vZ2xl/AVvXsEjvJyIFlGhaFM4Eav0vDq5FfUVYIpoY2WMTvJKuCwKfWK4IIXHoVh-4qrxb5JADcll3VmJ5M9mhGCHj5Rh8oWwFnp_eM5Szn9FwPoxXmaVMH1RzMSoFeebAOH1r6aoFvuNSZf6bC40YM73MHzU9Rce9_EH8IKpVc0qHjTBZNfcli6k66q8FgRf4XR3t/s4032/SKY41.jpg
同較早前介紹既 Mallaig - Armadale 航線一樣，乘客渡海時亦會有海瀨同海獅陪伴 - 船員表示呢個海域間中會見到海豚於海峽中暢泳，可惜今日就見唔到啦~~
https://blogger.googleusercontent.com/img/b/R29vZ2xl/AVvXsEjLJY0Gietd3RqX8NA8BhIsr6btqsNAAsGBNiXjF0N6pZOg4WDSq0qYLSjvBEq6xONf5AhsWW0zx55RgAN8Nq9XKJLtYhz8447NWr1SYxav7M2VO2RTDLuHECxMaIL_Ycfl_PeCrRXOjziUIBz5xye4KgwYs8p9IlZhAczTALlxYYugUui7pgvw-OVo/s4032/SKY44.jpg
How the turntables…Manually. They turn manually.
https://blogger.googleusercontent.com/img/b/R29vZ2xl/AVvXsEhSPy2gxiQBKJmzNJ4bAJb0HkuvAWhhF1vlnurCTjh7li62jFQpXNskTV1-tMVAmcoL2zdlxara0d0jhADv1cWA_P-jkLNqUgvbTUKgNww1LBp3smFAgUjx1YRizoighgvyRsSuh3O2MRVm79vJ8M9ArNEQH17KC8cwEZF8jkWfvX3_DXC4SSUyEz7H/s4032/SKY45.jpg
短短五分鐘既航程之後，渡輪好快去到對面海。由於工作人員於啟航前已經將轉檯 180° 旋轉，因此到達後 工作人員只需將轉檯旋轉至 slipway 上方放下跳板，車輛可以直接駛走，並唔需要倒後落船。(後記: 所以原則上 MV Glenachulish 都係一部 Ro-Ro Ferry? :0)
https://blogger.googleusercontent.com/img/b/R29vZ2xl/AVvXsEiOuGpt88RZ40vGiJRl7OkMmuDULGmVEw9ZUtvAn_PSgJ3nFuLiFBegGEtj4RPPBJAjXzg9rnEN374mmggglUHXVS7Tkoezw4DzpxiYOn2nv3u68hcbWf-GTqYI0cHaKMHC3OPXT76JZ3Kq_3jx4f00vwKUkgIo7drG3_J6EkpfZ4fOb1rES7_-6xS7/s4032/SKY46.jpg
順帶一提，渡輪收費絕對唔係平 - 小弟一家為呢個五分鐘既橫水渡俾左 £18，而如果閣下係一位 Foot Passenger，呢程船則須 £3。 相比起不收費既 Skye Bridge，昂貴既船票或會令駕駛人士卻步，不過今日既渡輪服務亦有唔少行山人士支持 - 蘇格蘭北部以及海峽兩旁不乏行山經同 BnB 既選擇，而以步行欣賞天空島亦係一個好既方法~~ (不過由於船公司係一間慈善機構既關係，如果閣下係英國居民既話，船飛收據係可以拎去扣稅)
https://blogger.googleusercontent.com/img/b/R29vZ2xl/AVvXsEgKR_I7aCX-bGbMjhgf-wmjclqnzawGlyAxumP8zJXEXMUcQFEmHC4xouoJFrnbnUvc8qGEp2PfzhG6UNMUC4Iy1r5JSR-Ooq19tmzooALuvnhUvjy6KAWVyy2n2ML7KMOwHmdBP6T1YkIbzLO2u82Wb4GKHfin-ZEBSW5sA_JHhQZj40tjgWbxthEd/s4032/SKY47.jpg
小弟於 Glenelg 登陸後，小弟係依然要行多二十分鐘既單線鄉郊山路才能抵達大路 - 呢條路係 Shiel Bridge 重逢 A87 公路，而到達後小弟沿 A87 向南駕駛，向 Invergarry, Glasgow & Edinburgh 進發，為呢個天空島之旅畫上句號。
https://blogger.googleusercontent.com/img/b/R29vZ2xl/AVvXsEizcnIUw5Jc8T6FgYBYRyv2k8zAKEMHcqKf9NXr4KycX2z7WaZdKTpSx35u25TdgHlSrPnKNy6MXawshaQBy-0efZhLj4s8aBMCcaBDayTskH98XYa2xp4BhNGjh2TOilLceAcCo1XaJVVPTjboBmdCJXCwC5BINRJS5KMDDVJDMxSgWvL1d7EslScp/s4032/SKY48.jpg
And that wraps up my Tale of Two Skye ferries! 天空島絕對係一個值得去既島嶼，而可以係一個山明水秀既地方體驗一個咁獨特既交通工具，相信會係一個畢生難忘既特別體驗 - 如果閣下日後駕車前往天空島，不妨繞道體驗下呢兩個傳統汽車渡輪服務啦~~
下一篇 遇溺記小弟會由愛丁堡前往蘇格蘭北部既 Orkneys 島嶼，希望係HKADB & C2 航空版 見到大家~~
------------------------Key Info & Further Reading
Skye Ferries (April - October only)Website Link
Caledonian MacBrayneWebsite Link------------------------
如果閣下鐘意小弟既天空島雙船記 既話, 不妨睇埋小弟之前寫落既浸鹹水遇溺記~~
第一回 LX139 LX460 HKG-ZRH-LCY 巧遇 Avro RJ100 的故事第二回 BE1429 SOU-EMA 一個乘搭 Repositioning Flight 的故事第三回 KL888 KL1515 HKG-AMS-NWI 尋找 Fokker 70 的故事第四回 KL1426 KL887 BHX-AMS-HKG 被 Avro RJ 尋找的故事第五回 OS58 OS455 HKG-VIE-LHR 不怕神一般的對手, 只怕鹹魚般的乘客?第六回 探訪退役協和號 G-BOAF 的故事番外篇 CX416 HKG-ICN 商務艙 冬日拜訪漢城記第七回 BE7671 NCL-BHD-IOM 尋找 Jetstream 41 的故事 - 不日推出第八回 BA3287 IOM-LCY 一個避完稅走去翻學既故事 - 不日推出第九回 LX467 LX138 LCY-ZRH-HKG 尋找 CSeries 的故事番外篇 HX690 HKG-CTS 一個唔搭因航遭天譴的故事第十回 LH797 LH926 HKG-FRA-LCY 初嘗漢莎航空第十一回 AF1781 AF188 LHR-CDG-HKG 商務艙第十二回 AF185 BM1882 HKG-CDG-BRS 尋找 Embraer 145 的故事第十三回 BE7615 VLY-CWL 重逢 Jetstream 41 的故事第十四回 BT652 LGW-RIX 被 Airbus A220 尋找的故事第十五回 AY1072 AY99 RIX-HEL-HKG 尋找 ATR72 既故事番外篇 KC930 HKG-ALA 尋找 757 的故事番外篇 Z92101 ALA-TSE 一個尋找 Fokker 100 的故事 番外篇 KC992 KC929 TSE-ALA-HKG 一個歸家的故事第十六回 AY100 AY1301 HKG-HEL-AMS 阿姆斯特丹夜機第十七回 拜訪荷蘭航空博物館 Aviodrome第十八回 BE1094 AMS-EMA 重逢 Dash 8 的故事第十九回(上) 拜訪協和號試驗機 - IWM Duxford第十九回(中) 拜訪英製民航機古董 - IWM Duxford第十九回(下) IWM Duxford Mini Airshow第二十回 拜訪 RAF Museum - Cosford第二十一回 拜訪協和號試驗機 - Brooklands - 不日推出第二十二回 LS205 LBA-AMS 尋找 737 Classic 的故事第二十三回 SN2093 BRU-LHR 初嘗布魯塞爾航空 第二十四回 EI283 LCY-DUB 尋找 Avro RJ 的故事第二十五回 FR534 DUB-EMA 初嘗瑞恩航空的故事第二十六回 CX252 LHR-HKG 一個歸家的故事第二十七回 CX255 HKG-LHR 回到最初的起點- 不日推出第二十八回 BA1470 LHR-INV 北上的步伐- 不日推出第二十九回 LM391 LM398 EDI-KOI-EDI A Study of Tartans- 不日推出第三十回 LM711 KOI-PPW-WRY-KOI 全球最短航班- 不日推出第三十一回 LX425 WK348 BHX-ZRH-HER 青出於藍的雪絨花- 不日推出第三十二回 BUC8336 HER-LNZ McDonnell Madness- 不日推出第三十三回 EN8043 LNZ-FRA Air Dolomiti & 法蘭克福半日遊- 不日推出第三十四回 LH796 FRA-HKG 再一個歸家的故事
頁:
[1]