DL734 SFO – ATL & DL 2952 ATL-IND 扶老携幼，八個人的旅程
本帖最後由 yuenpo 於 2023-6-26 22:00 編輯今次 Trip Report 會較多文字，較少圖片
上年收到中學同學的紅色炸彈(喜帖)，邀請前往今年五月佢喺辛辛那提 (Cincinnati/CVG) 的婚禮，做伴郎。
呢次婚禮也邀請了另一個也住在三藩市的同學一家六口，兩大人兩識少少英文的老人加兩個未坐過飛機的小孩。他們對呢次旅程全無頭緒，唔知從何入手。
我的同學從香港移居美國後，未曾試過一家坐飛機去旅行，美國中西部對佢弟黎講係陌生的。幸好我曾在中西部居住，對當地也較熟悉，於是便幫他們訂機票和一起規劃行程。自己兼做導遊。
飛去辛辛那提的機票超貴，最平的，沒手提行李的 Spirit航空機票也要每人超過五百美金。本想飛去較平的芝加哥，再揸六個鐘車去辛辛那提，但係咁會在路上花好多時間，對大家黎講都係好辛苦的幸好找到辛辛那提兩小時車程外的另一城市印弟安納波里斯 (也曾是我四年大學生涯的 homebase airport) 的達美機票只是每人三百美金，但不可劃位(劃位每人加一百)。於是和同學商討後，決定飛往 Indy 再揸車去辛辛那提。
之後和另一位也會出席婚禮的同學討論，他也被辛辛那提的機票價格嚇壞了，他由費城飛辛辛那提，一小時的機程竟也要索價一人六百美金!
---
Flight 1: DL 734, SFO-ATL (info from Flightradar24)
之前一日線上 check-in，沒想到 SFO-ATL 和 ATL-IND 兩程也派了八個中間位。天阿！小朋友怎可以和父母分開坐呢，打去CS，CS表示他們無權改位，但去到登機口的Agent會改到，並叫我不用擔心，一般他們也會安排到小孩和至少一位父母坐在一起的。那只好早些到機場啦
到了機場，我和同學的老婆先去搞check-in，航空公司讓我們免費托運手提行李，於是我們把一行六個拉喼都寄了，部self check-in機吐出十六張登機証和六條行李標籖之後再去櫃枱安排將汽車兒童座位同埋六隻喼寄艙 就喺我第手忙腳亂搬行李時，達美的地勤竟已經拿出兩架玩具飛機，走埋去小朋友旁，送俾小朋友，並且幫我們將行李和汽車兒童座椅寄妥去IND。沒想到美國的航空公可竟然還有送玩具的!
在這時，我手上合共有16張登機証和 8 條寄艙行李收條，逐張核對後給了大家去過安檢 Security check，我和内助有特快安檢，唔駛除鞋除皮帶話咁快搞掂。至於同學一家當然要慢慢過安檢啦，但估唔到 SFO TSA 送了小朋友一人一塊波板糖。
又大又小，都係快快去登機口安頓大家等上機 孩子唔坐stroller 時大家就用黎擺手提包
去到登機閘口，同地勤提出小孩換位要求，他很快就將父母安排和小朋友坐在一起，至於其他人就繼續坐中間位。
上機啦，由於太多人圍住上機的閘口，我們跟在小朋友後面，確保小朋友唔會同父母走失 之後我弟也上機了，達美的座距幾好又夠闊，鄰座問我會不會太逼，我話 better than United，大家都會心微笑一下
安全咭
唉，我果排少咗隻窗
達美的航班不僅有芒，也有免費高速上網，看YouTube 無問題，只是不能做語音通訊。
起飛了 夜航正常都係飲杯果汁快D訓，聽日仲有好多地方去
訓醒，差不多到了 當日ATL天氣唔好，結果要復飛第二次降落先成功，但班機也早到了
平安到達
---轉機---
要接駁的航班幸好在同一大樓，不用轉大樓跑上跑落 兩位老人家被地勤接走，不是圖中的電瓶車，而是一個地勤將兩張輪椅推到下班機的閘口，父母也打䦕BB車推小朋友去下班機的閘口 ATL貴為全球最繁忙機場，航班資訊密麻麻的 我們這一程 gate agent 也順利改到小孩和家長坐在一起
Flight 2: DL 2952, ATL-IND (info from Flightradar24)
上機，今程又係 737，不過窗口位的小姐非常樂意借位俾我影相
這程機很短，話咁快就到 亞特蘭大果日好大霧，一起飛已經睇唔到外面
快快整杯咖啡提神
快到了，窗外景色，天氣幾好 降落了
新的客運大樓，當年睇住佢起的
落機，老人家有地勤推去行李帶，我們陪小孩先去洗手間
到了印弟安納波里斯，賽車之都了
取行李，我們七件行李順利抵達
總結，和老人與小孩飛一定要預鬆時間，航班整體平淡，小孩在夜航没哭鬧已感恩，達美送玩具實屬錦上添花
DL SFO 地勤咁好死畀你地免費將行李寄艙？:o
喺美國，飛中小型城巿通常比起大城巿貴，如果係小城飛小城就更貴，當然 CVG 係另一個 level。如果係中小型城巿飛去鄰近 hub，好多時亦貴過經同一個 hub 飛去其他大城巿目的地
之前住新墨西哥州果陣，就聽過有同事飛歐洲探親，揸六粒鐘車去 Denver，機票即時由 $1400 變成 $700；如果一家幾口一齊，條數就好襟計，就算計埋來回 DEN 住多晚酒店都係。就算而家我住果頭，亦聽聞有人揸三粒鐘車去 Nashville，或者揸三粒鐘落 Atlanta 坐飛機，選擇多好多。當然時間都係成本，如果得自己一個人，分別未必真係咁大
我自己暫時唔夠膽連續揸多過一粒鐘，所以都係乖乖地直接由 TYS 飛就算啦，反正 business trip 可以全數 claim。之前有新入職同事出 trip，想幫老細慳錢，見到 ATL 飛比較平，印象中好似來回慳二百美金，諗住揸車落去，我叫佢唔好咁傻:lol
路過 ATL，時間充裕既話，可以去 Concourse D 既 Chicken and Beer，水準遠勝一般 airport food
同埋移民過來美國，但未試過一家人坐飛機旅行，真係有點兒那個:L
S3BL100 發表於 2023-6-27 22:03
DL SFO 地勤咁好死畀你地免費將行李寄艙？
喺美國，飛中小型城巿通常比起大城巿貴，如果係小城飛小城就 ...
overhead bin預計會打爆，所以一早俾班客免費寄艙？
好多移民美加嘅港人隨時返香港仲多過搭飛機去內陸／另一邊海岸，未搭過國內航班其實唔出奇
美國國內旅行應該更流行自駕吧 CVG 出名貴:D (以前delta hub 年代更離譜)。美國大城市飛去歐洲仲平過內陸機係唔出奇
但樓上有人講係真, 移民港人真係飛香港機會仲多過內陸機 (我之前中學時都係), 由其住SF / LA 等返香港非常方便 S3BL100 發表於 2023-6-27 06:03
DL SFO 地勤咁好死畀你地免費將行李寄艙？
喺美國，飛中小型城巿通常比起大城巿貴，如果係小城飛小城就 ...
地勤當然唔會主動送你免費寄行李啦
係系統見班機爆，在 self check-in 時主動叫你免費寄左手提行李，
好過去到登機口先慢慢拉人弟D行李去 gate check 寄艙
地勤只負責秤重和將行李送上運輸帶
呢種操作 AA, AS 也有的
至於朋友一家都係在疫症前移民美國，之後就被疫情所困，
期間迎來家中小孩，所以到今時今日先開始一家到處旅行
不過對於多數美國華人黎講，美國中部真心無乜借口去的
如果唔係工作讀書和婚禮都不會無啦啦去呢D地方
去旅行三藩市華人多數去 LA，紐約，Hawaii, Orlando , 溫哥華, Cancun 等地
後生的多去日本台灣新加玻歐洲
年紀大的有唔少都成日返港
頁:
[1]