s3n370 發表於 2023-7-5 00:57
呢板supposed係口味近似同對巴士總站較熟悉嘅巴迷，
都可以對路線牌顯示嘅地方名有唔同嘅聯想及解讀時，
...
西客要自行解讀，長沙灣西skip咗個西字去睇都得，解讀成經長沙灣（市中心）先去長沙灣西又得
用118個例子，要去海達邨附近嘅自然知咩係海達邨
用海達同經深水埗/旺角轉頁，其實已滿足到最主要target audience，長沙灣或長沙灣西根本唔需要更唔會引起誤會
反而36A同286C就適合用長沙灣同海達轉頁
104用咁咗咁多年都唔使深水埗白田
南昌都唔使深水埗南昌
海達去長沙灣道或南昌去長沙灣道都成1km，已經超出唔少香港人要行嘅合理步行範圍
同樣道理104唔使區名，238X亦唔使區名，因為離大眾認知嘅該區最旺嘅地方頗遠亦唔會途經
本帖最後由 ccchhhuuunnn 於 2023-7-5 02:59 編輯
12Lane 發表於 2023-7-5 00:31
轉頁唔係萬能，但塞晒所有字入去都唔見得係好事，正如你所講發生過嘅深水埗白田，自己就覺得都幾矯枉過正 ...
咁呢啲從來冇清晰界線
如果962X叫擲界，咁54區線停新墟條界仲遠咗又點計？
屯門呢個區名比較特別，因為幅員實在太大，幾乎有成個九龍咁大
如果九公嚟講，經屯門轉車站轉頁已經有埋區名個意思，根本就唔需要加屯門呢個區名
（就連58X都有經屯門市廣場轉頁，另外如果設計個轉車站logo（e.g.雙層巴士加兩個螺旋箭咀），logo+屯門已經代表到經屯門轉車站6隻字嘅意思）
支持轉頁精簡，前題係是但睇一頁都唔會有太大誤會，但屯門咁大好容易引起誤會
962X/54區線都叫擲界可接受，但例如952/B3A都冇屯門轉頁
地點牌精簡易明係必要
269C得一條線東九龍去曬成個天水圍，唔要市中心淨係出天水圍不為過
而69C都可以出天水圍北/天恩轉頁
296C經過曬深水埗鬧市，當年出深水埗已經足夠
講人性化，其實睇紅小同村巴就知
係巴士公司鍾意簡單複雜化，特別係90年嗰間
12Lane 發表於 2023-7-4 22:44
拿, 你用呢點講我反而覺得勉強講得通。下次就唔好自己EDIT左個POST頭咁鬼祟，個POST開左四個鐘，前面講完 ...
而家連海麗都加咗長沙灣西轉頁，一個名三個總站🤡
「長沙灣」你識, 「西」你識
點解「長沙灣西」你就唔識
ricky 發表於 2023-7-4 22:01
嘥氣，問當地居民，大部分都話自己住「南昌」，直頭跟九巴叫「海達邨」咪算囉，城巴硬要兩個名，反令人誤 ...
香港人依家好多都當鐵路站名做地名架啦！佢地去到台北都一樣用兩條路交介命名車站當地區叫
你見太子、佐敦都變咗區名，如果當日旺角、油麻地維持 Argyle, Walterloo 的話，結果可想而知
長沙灣西係地方名, 大角咀西係地方名, 旺角西係地方名, 尖沙咀東係地方名, 灣仔北係地方名.
呢幾個地方都係因為填海而得來, 新填地的叫法用上附近原有地方名加方位表達, 可追溯至上世紀.
富昌邨當初規劃時名叫長沙灣西邨, 就是說屋邨位於「長沙灣西」, 而不是要區分出與長沙灣邨的分別.
簡而言之, 只係巴士公司簡化左地區名, 去方位化, 但用上陌生的「長沙灣西」, 反令人產生誤會和奇怪.
個人認為城巴出「長沙灣西」沒有問題, 只係如實反映路線去到的地方, 不顯示「西」或「長沙灣西」亦無傷大雅, 因為一帶發展已漸見成熟, 可直接顯示新建築物名稱代替加入地區名.
要嘈都係嘈邊忽西應該要叫長沙灣南就真
kp3011 發表於 2023-7-5 10:53
要嘈都係嘈邊忽西應該要叫長沙灣南就真
那裡是「西九龍填海區」, 所有新地名都係XX西.
EX-TL 發表於 2023-7-5 10:56
那裡是「西九龍填海區」, 所有新地名都係XX西.
明明美孚先係長沙灣西
kp3011 發表於 2023-7-5 11:02
明明美孚先係長沙灣西
美孚係荔枝角灣, 以前有泳棚.