「當年小事」探古尋源 – 城巴901
本帖最後由 flpboris 於 2023-8-16 01:14 編輯上次簡略講過DA83一些小佚事，更加覺得每一部巴士切切實實背後都有一個屬於它的歷史故事，而我的分享就希望把我還記得的一點回憶記憶去拼貼上一塊又一塊砌圖。
城巴在九十年代在中巴手上接下第二批專利路線，嚴格上是第三次，同時為適合部分港島區崎嶇路線，城巴在95年接手「新十四」路線之後就著手正式訂購11米巴士去營運該批路線，於是就誕生了富豪奧林比安(Volvo Olympian)11米巴士，訂單50部，編號901-950。城巴901，車牌GU8600，底盤編號YV3YNF21XTC026588，1996年6月12日，一出牌城巴馬上把頭幾部車派往70號，之前巨龍(Dennis Dragon)車系都有類似做法，後來慢慢就把它們派往更適合行走的路線，包括「新十四」路線37系、40、40M、85、103等。這時期的富豪巴士底盤「出世紙」(銘牌build plate)，我都是習慣叫出世紙，一直沿用利蘭(Leyland)款式格式設計，跟後期款式最大分別就是把底盤型號和新車裝上的引擎款式和波箱(VIN中)列出來，縱使本少爺適丁點decode，但一目了然當然更perfect，其中901-925這25部是城巴唯一一批舊型號奧林比安11米底盤YN3RV18V3，而901更是繼利蘭105後第一部車裝上KONVEKTA空調機組的新車，不過聞說對冷氣佬來說唔算好做。後期頭十兄弟(901-910)更索性成為85號的常配自軌車，說起85號又有一些故事日後再分享。
城巴有個習慣，雖然車隊編號跟底盤編號次序好編列，但去運吉登記出牌卻不一定順編號次序，這一點又跟九巴「順車牌」有所不同。901最後於2013年9月退役後拆毀。
感謝分享。不過好奇想問，城仔喺90年代從中巴接手經營一批路線，但點解嚴格來講會係第三批而唔係第二批？ s20131417 發表於 2023-8-16 17:08
感謝分享。不過好奇想問，城仔喺90年代從中巴接手經營一批路線，但點解嚴格來講會係第三批而唔係第二批？ ...
12A重辦，雖然非政府削線得來，但也算從港島中巴網絡中爭取回來
頭批 9 頭出咗幾架, 之後一出牌就比 5B (最細 Number 唔記得邊架開始, 911 就搭過幾次), 當時 5B 字軌坡柴突然有堆新車好正, 而每架唔係行好耐日子就甩返出嚟比南區, 記得出到 93x 都係比 5B 新車開齋. 只記得批東區9頭豪好似tune得比南區差...
同埋當年仲係好有神心開post報告邊架翻新左未
頁:
[1]