屯門巴士客開手機勁大聲 司機報站屏幕突打「呢句」即收聲
本帖最後由 James116 於 2023-10-23 20:57 編輯屯門巴士客開手機勁大聲 司機報站屏幕突打「呢句」即收聲有網民在「屯門公路塞車關注組」FB專頁，分享近日在九巴259D上的奇遇。手提勁大聲 坐上層都聽到該路線巴士來往屯門及油塘，當日「下層有人應該電話開到勁大聲」，樓主坐在上層亦被噪音滋擾。結果司機竟透過「報站屏幕」出招，樓主形容：「唔講都唔知九巴呢個報站（屏幕）咁正，一撳，電話即刻收聲。」 巴士司機做了什麼？報站屏幕打出什麼「有力」句子？帖文引出不少網民分享親身經歷，指有巴士司機對付這類「爆咪式」播手機的缺德乘客，出手更加激，詳見以下圖輯：
樓主坐在上層亦被噪音滋擾。 最後司機竟透過「報站屏幕」出招。 樓主形容：「唔講都唔知九巴呢個報站（屏幕）咁正，一撳，電話即刻收聲。」 樓主拍下當日司機透過「報站屏幕」，打出的字句，如圖。 該司機竟可透過「報站屏幕」，打出：「調低電話聲量」，即時令有關無品客收聲。 網民奇怪司機竟可現場打字? 有朋友任職巴士司機的網民現身解畫。 原來巴士「報站屏幕」內有不同設定，今次「調低電話聲量」的字句亦已內置，並非由司機臨時輸入。 「每一部巴士都可以撳。」 有網民亦指除了字句，九巴亦已「內置咗嗰個調低電話聲量嘅特別報站」，透過廣播提醒乘客留意手機音量過大。巴士「報站屏幕」本身已內置多款字句，除今次使用的調低電話聲量」，還有「保持車廂清潔、緊握扶手、請盡量行入車廂、上層仍有座位」等等。 網民分享巴士「報站屏幕」其他字句 有網民指在「報站屏幕」上，打出警告字句，可能收效不大。 部分網民即表示，見過有司機採用「嗌咪」的方法，直接開咪，叫缺德乘客收細手機音量。 網民指見過巴士司機「嗌咪」 網民指長知識原來巴士上有咪。 網民解釋原來巴士上有咪 對於在巴士上大聲播手機乘客，不少網民都狠批這些人缺德。 網民批評在巴士上大聲播手機的缺德乘客。
網民紛紛批評這類大聲開手機的乘客缺德，「呢啲真係好乞人憎，用耳機唔得咩。」「咁咪响佢旁邊播大悲咒，肯定佢即刻收聲。」「最弊好多都唔知醜，仲要好厚面皮咁鬧我痴線。」網民又大讚巴士司機厲害，成功收伏這類缺德客，不少網民好奇巴士上的「報站屏幕」原來有如此用途。 認識朋友做巴士司機的網民解釋，「報站屏幕」內其實有不同設定，今次司機打出的字句，「每一部巴士都可以撳。」
睇完都唔知「呢句」係乜 可惜平時好多司機都冇咁做
EpicHan0119 發表於 2023-10-23 20:50
睇完都唔知「呢句」係乜
因為喺啲圖度， 已經補返圖片描述
James116 發表於 2023-10-23 20:58
可惜平時好多司機都冇咁做
見過幾次
不過當時樓下都冇人播嘢
其實來來縶都係廢老播埋啲抖音片
另外就係啲親建制的 yter
夜晚 102 上成日都有個中年大叔開到大大聲聽馬池看世界（因為我亞媽日日都響屋企 loop 藍絲 YTer） 有次坐87D返馬鞍山，喺油麻地有對老夫婦，咁上車就好大聲咁傾偈，之後司機係咁撳「請保持車廂安靜」，撳咗至少3次，之後佢哋就收咗陣聲啦；然後一陣間又大聲睇片，之後就係一輪嘅「請保持車廂安靜」，跟住先至肯收聲。最好笑係有對疑似情侶（？）喺太子上車啦，其實上車已經喺度一齊又影相又傾偈㗎啦，所以好肯定佢哋識嘅，但係個男嘅去到窩打老道喺度影獅子山，唔知點啦就個女嘅喺度好激動咁鬧個男無啦啦影佢，跟住個司機喺九龍塘站撳咗個「要處理乘客糾紛」就劈車上嚟上層分開佢哋兩個:L
有時就適當控制車廂聲浪當然好，但係有時啲司機咁敏感又係咪真係好呢？ 「上層不准企立」(or the like) 是沒用的。 昨日坐67X回屯門，過左欽州街，有對家人嘈到上層都聽到，最終在等燈位播左兩次「請保持車廂安靜」冇英文和普通話，只有中文，初頭以為係我地，原本係果一家人 ccicoltd 發表於 2023-10-23 23:40
「上層不准企立」(or the like) 是沒用的。
停車後唔開車loop到被眾人圍攻到敗走為止;P
遇過好多次播啲特別廣播 9成都係冇用尤其是話人嘈嗰個 因為佢自己都嘈到根本聽唔到 最後都係要”人手”做所以話 香港好多工都好難被AI取代
頁:
[1]
2