與天氣對賭之旅：伊豆諸島開発 八丈島 > 青島村
本帖最後由 S3BL417 於 2023-10-27 00:34 編輯面積只有 8.75 平方公里的青島村（青ヶ島, Aogashima）位於伊豆群島的最南端，距離八丈島約 60 多公里，屬於東京都，人口只有 170 人，係日本所有市町村中入面人口最少的。
青島村上擁有迷人的雙火山口景觀，在電影《你的名字》中亦有參考青島村火山口的場景。
不過要前往青島村本身就要過五關斬六將，先撇除你要識日文先可以打電話去預訂青島村上的民宿（網絡上係完全冇任何途徑預訂），交通問題亦係一個因素。來往青島村的交通就只有由八丈島出發的直昇機和渡船，直昇機每日一班只可以載 9 人，有 8-9 成的就航率。至於渡船方面雖然表列上一星期會開 4-5 班，但因為青島村的港口有一定危險性，就航率只有 5-6 成的，基本上如果你冇訂到來回青島村的直昇機票的話，就要有心理準備唔使去。亦因為需要提早一個月去搶直升機票的關係，所以能夠成功到訪青島村的遊客少之又少，2022 年的數字就只得三百幾人。
而我，就只能夠搶到回程返八丈島的機票，所以成個青島村的行程就只有抱住僥倖的心態，去唔到就算啦。
自己本身 Plan 咗會係 10 月 11 日出發，可以事先分享一下該個星期青島村的渡船出席率：
10 月 8 日（星期日）：運休日
10 月 9 日（星期一）：受海嘯影響停航
10 月 10 日（星期二）：受大風影響停航
10 月 11 日（星期三）：出發當日
10 月 12 日（星期四）：運休日
10 月 13 日（星期五）：受颱風影響停航
10 月 14 日（星期六）：受颱風影響停航
而結果就只有出發果日能夠順利開船，所以話呢啲運氣係唔知點嚟 ...
八丈島的底土港，現時八丈島的渡船都只會停泊係底土港，而另一個港口八重根港就應該已經停用咗。
係八丈島逗留咗 4 日，有 2 日嚟到呢度都係寫住「欠航」 ... 而去青島村的船飛只能夠出發當日先可以買，係冇得預訂的
八丈島去青島村的船費為 2990 日圓，而直昇機的單程票價約 11000 日圓。
10 月 11 日出發當日，天氣尚好，終於都唔再係欠航了！！
不過就係條件航行，意思即係即使你上到船、出到發、見到青島村，都有機會因為青島港口欠佳而需原路折返 ...
船飛好靚
當日早上 8:50 泊岸的「橘丸」，前一晚從東京出發。
泊係橘丸的旁邊就係今日的主角：黑潮丸
船隻準時係早上 9:30 出發，航程需時 3 個鐘
順帶一提，乘坐直昇機則只需 20 分鐘。
上船
船上面設有升降機，不過係航行期間就唔會運作。
一樓全為座席空間，坐地下的
二樓則為座椅空間
設有差電位，座椅角度亦可調較，算唔錯的了
本來係一樓個行李區擺放行李時
被職員叫我話放二樓好啲
後來終於明白
係因為青島村的上落船位設係二樓
而八丈島則設係一樓。
船公司伊豆諸島開発的航綫圖
船上有電視播放航行地圖
以及前面展望的畫面
本船「黑潮丸」於 2021 年投入服務
最頂層設有展望的空間。
八丈島逐漸遠離
講返呢程船的乘客數量，係只有 3 人
當中已經包含我同友人在內
船隻就航的不穩定性或多或少係會影響客量的。
坐咗兩個幾鐘後，差唔多到達青島村了
電視畫面亦見到青島越來越近
青島村唯一運作中的港口：三宝港
成功泊岸了！
落船後本打算係港口影幾張相
但被職員表示港口極度危險要儘快離開
後來在 Youtube 見到天氣惡劣時青島港口的泊岸影片
確實係非常危險的
青島當地的電視係可以睇到所有港口／機場的實時畫面
當船隻同直昇機順利到達後
民宿的主人就會出發去接送佢地 ~
最後送上幾張青島村的火山口美景：
謝謝點閱 原來小弟既八丈島之旅只係遲你兩日
好欣賞樓主既勇氣 - 呢啲時間去呢個島隨時一去就去一個月 - 因為真係無得走。不過呢種勇氣換黎既就係迷人既景色 - 日間有清澈蔚藍既海洋，晚間有星光閃閃既銀河 - 如果小弟無 work committment 既話都會想試黎呢度探索~~
好好奇問 最後師兄係搭直升機定船走 (定係仲係個島上面 OAO) Aogashima is definitely on my travel bucket list, especially after watching a few YT videos introducing this island.
HZ8186 發表於 2023-10-27 07:49
原來小弟既八丈島之旅只係遲你兩日
好欣賞樓主既勇氣 - 呢啲時間去呢個島隨時一去就去一個月 - 因為真係無 ...
回程坐直升機走呀，成個旅程我一開始就係訂直升機票，可惜已經係出發前一個月訂，都只能搶到回程八丈島的機票
青島村睇星同埋影銀河真係好正，仲要係肉眼都可以望得到，其實八丈島睇星都唔差，我自己住果間酒店（遠離市區望到太平洋果間）有大大個天台畀人影星，冇乜光污染都睇到好靚 青之島有一間應該係受外國人住宿，可以去youtube PM果位vlogger安排嘅。
同埋若果輪船連續多日停航，有機會會有臨時直升機班次下午做一單來回，但訂咗outbound機票先再諗inbound係好合理
頁:
[1]