chowchi 發表於 2023-11-5 07:20
良景原本都好似係 scope = 良景＋田景 = 良田邨?
屯門西當時有湖景 山景, 用良田村為藍本拆開做田景 良景, 其實幾聰明, 而寶田就係用附近地方名寶塘下個寶字, 其實繼續用寶字頭, 或者用附近康寶路/兆康個康字, 已經唔會同其他區撞, 話晒呢個54區加埋新慶村嗰頭仲未起完, 呢個田字唔知仲要配幾多個邨名樓名.
本帖最後由 Gary_B 於 2023-11-6 18:26 編輯
chowchi 發表於 2023-11-5 07:20
良景原本都好似係 scope = 良景＋田景 = 良田邨?
係
因為條邨太大 所以分兩條去管理
當然 當時未有打算改幾座Y型倣居屋
本帖最後由 chowchi 於 2023-11-6 18:51 編輯
翻查資料 (i.e. wiki)，湖景邨都係由蝴蝶邨拆出來 "方便管理"
"蝴蝶邨分作六期發展，原本合共有24座不同建築設計之樓宇，並且一律為出租公屋。為了方便管理，房委會於1981年將蝴蝶邨第一至六期分拆成三個屋邨或屋苑，項目東面的第一及三期成爲湖景邨，北面的第五期則獲甄選撥作居屋發售，成爲兆山苑。剩餘的第二、四、六期為現時的蝴蝶邨。"
AVBWU291 發表於 2023-11-2 09:47
業權問題。寶田其實係中轉屋；良景應該好多戶都已經買咗變租者置其屋，班業主唔會肯整幢新樓入嚟自己邨度 ...
良景除咗公屋，商場都賣咗畀領展，所以新屋邨唔可以咁簡單塞落良景
叫滿田邨好怪，叫良寶邨感觀好好多
AVBWU291 發表於 2023-11-2 09:47
業權問題。寶田其實係中轉屋；良景應該好多戶都已經買咗變租者置其屋，班業主唔會肯整幢新樓入嚟自己邨度 ...
咁點解要叫「滿田邨滿田樓」，而唔可以就咁叫「滿田樓」？
以往單棟式居屋都都係得「XX苑」，唔會有「XX苑YY閣」
吳宗錡 發表於 2023-12-25 15:38
咁點解要叫「滿田邨滿田樓」，而唔可以就咁叫「滿田樓」？
以往單棟式居屋都都係得「XX苑」，唔會有「XX ...
呢個問題 要由顯耀邨顯耀樓講起
美東邨美東樓耐d
lrv1092 發表於 2023-11-2 03:31
雋翔＝進場！
滿田邨：滿田樓
雋東邨雋永樓呢個命名係有問題，「雋永」係中文既有詞語，正確讀音係「syun5永」
如果全邨統一讀「俊」就有讀錯音問題
如果只有雋永樓一座採用「syun5 」呢個讀音就出現邨名同座名同字不同音問題，同其他座樓唔同讀音亦十分奇怪
如果全邨統一讀「syun5」就有採用罕有讀音嘅問題
Ref:https://humanum.arts.cuhk.edu.hk/Lexis/lexi-can/search.php?q=%B9m
吳宗錡 發表於 2023-12-25 15:38
咁點解要叫「滿田邨滿田樓」，而唔可以就咁叫「滿田樓」？
以往單棟式居屋都都係得「XX苑」，唔會有「XX ...
房委會公屋係用「邨」做單位, 所以即使得一棟樓都係會用邨字尾, 上述例子只會叫「滿田邨」, 並唔會單叫滿田樓.
在一條出租屋邨有增建新樓宇的機會下, 只得一座樓時, 如果得屋邨名, 呢棟樓的居民的通訊地址(或其他需要詳細地址的單位/機構)由一入伙起就會係, 例如: 新界屯門滿田邨22樓2288室.
假以時日側邊有一座新樓落成, 就可以直接歸入呢條出租屋邨, 畀個樓名佢就搞掂, 唔會麻煩到舊有樓宇要加樓名的問題, 除非你認為新樓宇可以另開一個邨名.
樓上提及的美東邨美東樓, 最初係沒有樓名, 只有座號, 後來都畀一個樓名佢, 同美寶樓睇齊用「樓」.
至於租置屋邨內/旁的新建大廈, 部份歸入舊有屋邨及剔除在出售名單外(如華貴邨華愛樓), 部份則用上新邨名+樓名(如翠灣邨旁的翠樂邨翠祿樓)
參考翠樂邨翠祿樓的案例, 由始至今仍然得一座樓, 如果當初不設邨名, 就咁叫「翠祿樓」, 未必人人知道呢棟貼住翠灣邨起嘅樓原來不屬翠灣邨一部份, 就好容易引起連串誤會.
滿田邨滿田樓(屯門) 連翠邨連翠樓(柴灣) 顯耀邨顯耀樓(沙田)
華廈邨華欣樓(柴灣) 康東邨康瑞樓(西灣河) 翠樂邨翠祿樓(柴灣)
以上六條邨都係單棟屋邨, 其中三條邨名同樓名相同, 但同屬東區的連翠邨就冇跟同區的華廈 康東 翠樂去另改樓名, 只用邨名做樓名, 呢方面似乎沒有準則可言, 個人意見: 邨名同樓名應該用不同名字以作區分.
最後, 居屋涉及業權, 首次出售前係要決定好晒屋苑名稱 座號/樓名各樣嘢, 基本上旁邊有新廈落成, 都唔會歸到入舊有屋苑, 所以單棟居屋唔加樓名並冇出租屋邨同類情況的顧慮.
換句話講, 居屋的例子並不能套用到出租屋邨上.