本帖最後由 s3n370 於 2023-12-12 13:13 編輯
12Lane 發表於 2023-12-12 01:36
有寫但唔執行嘅咪當灰色地帶，呢個世界好多野冇絕對嘅。
人地良景邨上去成日都開晒閘，而果一帶沙化嚴重 ...
灰乜鬼色，官方認證清清楚楚。
咁係咪可以話“政府推介軍事禁區景點涉嫌煽惑公眾犯法”、
“警隊業餘活動涉嫌煽惑休班時犯法”？
不過清唔清楚都係講唔埋。
當“官媒有報唔等於唔可以告你”、
唔投唔犯法，13年前大搖大擺杯葛無事兼且有埋高官加持，今日居然被捕或被通緝。
我都好想清楚知道乜嘢係做得？
本帖最後由 12Lane 於 2023-12-12 21:56 編輯
s3n370 發表於 2023-12-12 20:51
灰乜鬼色，官方認證清清楚楚。
咁係咪可以話“政府推介軍事禁區景點涉嫌煽惑公眾犯法”、
“警隊業餘活動 ...
#13咪講得清清楚楚。
所謂官字咪又係兩把口，條紅線喺邊、幾時會收緊無人會知，佢中意可以將以往嘅慣例推翻又得，當咩咩咩做歷史文件又得。呢啲無結論嘅水晶球問題，行山網站好多都有提到呢條規例，實際執唔執行咪大家自行衡量風險，冇咩好拗。反而操炮時段會影響登山者安全，呢點值得關心過啲咩規例。
如果係純參觀行山，事先申請許可進入應該無問題卦，講到個地方好神秘咁.....
呢度係良景邨行上去，順路行落下白泥，係熱門行山路線，難度唔算大
好心唔好樣樣都小題大做啦，驚咪唔好行囉
先唔講果度係唔係禁區，但本人已行過這條路線很多次，
所謂＂軍事禁區＂裏面一D軍事設施都無，仲好多人去行山～
真正有軍事設施既地方，你都唔會咁樣行山行到入去，
一定好多圍牆包圍，並且有大量軍人嚴格看守～
好明顯係個＂軍事禁區＂既法例，97之後無更新過，
包括政府人員，都無人認為該處是禁區（因沒有任何設施）～
至於有無人會因為你入左＂軍事禁區＂而＂拉你＂？
我想講，該處荒山野嶺咩都無，部份路段連車路都無，
＂拉人＂要行幾個鐘入去，又要行幾個鐘出黎，
真係有人咁神心去＂捉你＂？
就算有人咁神心，幾個鐘喎，你都行完走左啦！
本帖最後由 s3n370 於 2023-12-13 14:03 編輯
註：新增例子以貼合本板主題
12Lane 發表於 2023-12-12 13:48
#13咪講得清清楚楚。
所謂官字咪又係兩把口，條紅線喺邊、幾時會收緊無人會知，佢中意可以將以往嘅慣例推 ...
1. 本想再寫下#13入面嘅通告，不過你既已回應，就响度講埋
2. #13入邊嘅通告雖然無乜灰色地帶，但係明文針對非法耕種---
未經許可响官地非法耕種，本身就係明文禁止架啦。
3. 就算唔明文禁止，耕種可以作為霸佔嘅行為，
霸得夠耐地主又唔理，隨時可以逆權侵佔，
唔犯法都大條道理趕佢走啦。
4. 咁要拉得行山客，個重點係未經許可進入。
要留意“許可”可以係一般認知嘅主動申請，
但亦有無禁止就自動有許可。
5. 進入/通過權，兩個情況都可以有。
例如有閘口嘅就多數需要申請。
以往各大專院校無閘口自出自入，大概係屬於後者。
又例如巴士車廠同某D巴士顧客服務中心都係巴士公司嘅用地，進入車廠嘅許可要主動申請，進入後者係by default有，除非休息時間拉佐閘或者明令禁止
6. 青山操炮區，又或者必需路過軍事禁區先至入到嘅鄉村係屬於何者，我搵唔到資料啦。
7. 按個人認知，地權有個原則right of access / public right of way。
就係如果某塊地係必經之路，咁地主就有責任去俾條生/山路人行。
有需要的話應讓公眾無害通行。
通往鄉村嘅軍事禁區，應該就係用呢個原則。
8. 至於青山操炮區，唔似係必經之路。
從官方操炮時間嘅電台警告字句、有多項官方認證、再加上事實上從未真正禁止過响無練習嘅時間上山，又或者拘捕响該區嘅行山客，
邏輯上只有“唔禁止就有許可”先至成立。
9. 回正題，官字幾時都有兩把口，咁之不過處理手法都有高低嘅。
既然大眾嘅理解可以有唔同，咁寫清楚係咪好D呢？
10. 青山嘅山徑同操炮區“自古已有”，
咁不如睇下成立青山練靶場嘅前宗主國，今日係點處理嘅。
隨手Google就搵到官方網站，寫清楚平民進入軍方用地可以做乜同有乜要注意。
甚至劃埋條路，俾公眾有得跟住行：https://www.gov.uk/government/collections/public-access-to-military-areas
11. 咁當然，任何地主都有權力隨時收番呢D權力。
之前唔告唔等於以後唔告。咁過往係點做嘅呢？
12. 例如最近加強檢控違例過馬路咁，條例响度又一路都有執法。
按你嘅說法直頭唔存在紅線唔知响邊嘅問題添啦，
咁點解每逢加強檢控會大鑼大鼓呢？
13. 另一個條例响度但係未/遲執法嘅例子，係唔同形式嘅僭建。
本身無批准嘅建築就係僭建，一路無/慢執法，
到真係拆之前點都會事先張揚。
例如最近郁到招牌，事先張揚咪可以打咭留念。
14. 按呢項原則，從咁多事例再加數十年嘅習慣，
要establish操炮區唔可以行山，就算唔做諮詢，
起碼都要大鑼大鼓明言禁止甚至有寬限期吧？
15. 呢D只係從醜陋舊香港嘅角度睇。
美麗新香港下，最正確就梗係紧跟进步文明威武之師啦！
s3n370 發表於 2023-12-13 08:17
1. 本想再寫下#13入面嘅通告，不過你既已回應，就响度講埋
2. #13入邊嘅通告雖然無乜灰色地帶，但係明文 ...
唔，大致同意，多謝分享。
本帖最後由 12Lane 於 2023-12-13 09:02 編輯
kingprowm 發表於 2023-12-12 22:51
呢度係良景邨行上去，順路行落下白泥，係熱門行山路線，難度唔算大
好心唔好樣樣都小題大做啦，驚咪唔好行 ...
提醒人操炮時段唔入得就點都要做嘅，冇人覺係因為大多數人都係假日去，所以未見過佢刪閘，摸門釘，不過實情係側邊都有地方照穿入去，本身成個區九成九地方都係冇圍欄。
不過唔覺得城巴喺呢件事上有咩野特別責任，純粹係敏感度略有不足，有啲野係可以作出適當提醒。
最後黃鬼有無把影片下架？
此post煽惑他人仇恨城巴