kei_hk 發表於 2023-12-28 14:27
用QRcode 做車票唔係唔得﹐而係背後牽涉的保安問題。
你想想幾條友用whatsapp交換車票QRcode﹐係一件幾容 ...
咁又係喔。我見過嘅世界上已經用QR單程票嘅公共交通系統，網絡無咁大，車程同車程之間係車費差異無咁大，無太大誘因去交換個code來呃錢。
本帖最後由 DIH 於 2023-12-28 17:56 編輯
kei_hk 發表於 2023-12-28 14:27
用QRcode 做車票唔係唔得﹐而係背後牽涉的保安問題。
你想想幾條友用whatsapp交換車票QRcode﹐係一件幾容 ...
如果單程票QR Code包含日期及車費資料，用一次就失效（入閘後不可再入閘、出閘後不可再入或出閘），得唔得呢？
QR Code的複雜程度，應可數以年計不重複？
假設由甲君買給身處另一位置的乙君，只使用一次，對港鐵無損失，這種交換應該冇問題。
其實我唔知現時單程票技術上可唔可以A站買去B站入閘（搭返同等車費的車程），以及是否必須即日用。
港鐵自己係話「單程票可於購票當日使用一次前往預先選定之車站，車費按車程距離釐定。」
https://www.mtr.com.hk/ch/customer/tickets/about_sj.html
我之前抽過機鐵免費車程，即使經whatsapp傳送QR Code，都係一用即失效。
一早有用八達通信用卡....:victory:
本帖最後由 kei_hk 於 2023-12-28 22:56 編輯
DIH 發表於 2023-12-28 17:46
如果單程票QR Code包含日期及車費資料，用一次就失效（入閘後不可再入閘、出閘後不可再入或出閘），得唔得 ...
主要問題在於驗證車票是否有效﹐單純一個code上面的資料﹐可知道車票有無過期而失效﹑車票的面額等資料。
但係﹐無法得知車票是否已經使用﹐以及在那一個車站入閘(出閘時計算車費是否足夠)。
因此要online進行驗證﹐要花多少時間去完成﹐是否有條件在短時間內完成﹐放乘客過閘就係關鍵。
機場快線人流低﹐要花一兩秒去驗證都不是大問題。
普通路線如果做唔到0.5秒內放行﹐情況大家可預計到。
除非﹐用apps去gen出動態code。
在gen code 時已經做了一部份的驗證程序﹐例如加上入閘紀錄。
出閘機就可以offline處理﹐即時計到相關車費是否足夠 & 有無超時出閘....。
假設由甲君買給身處另一位置的乙君，只使用一次，對港鐵無損失，這種交換應該冇問題。
好似你咁誠實﹐MTR當然無損失啦。
但係交換車票問題﹐其實係逃票方法之一。
假設有2個人﹐大家每日固定來回兩個車站(例如荃灣>佐敦 & 尖沙咀>大窩口)﹐而且大家出門的時間又相約。
大家為左慳錢﹐於是荃灣出發的人就買大窩口的車票﹐TST出發的人就買佐敦的車票﹐大家相約在中間某個車站見面交換車票。
結果﹐荃灣出發的人就會換到TST>佐敦的車票﹐另一人就取到去荃灣>大窩口的車票﹐大家都可以用1個車站的車費去到好多個站的車程並且順利出閘。
用實體車票﹐起碼2個人都要見面才做到﹐增加麻煩性﹐降低誘因去做這件事。
但係用QRCode﹐又唔係動態code﹐2個人見面都唔需要﹐直接影相send給對方便可。
大家出行時間更靈活(只要對方入閘﹐自己就可以出到閘)﹐大大增加便利性﹐交換車票的誘因就大增。
甚至乎﹐直接叫目的地的人買一個站的車票﹐再做 "假入閘" 製造入閘紀錄﹐人就唔入閘。
將車票code交給乘車人﹐當同站出入。
在長程車程﹐2張1個站最平的車票﹐都有利可圖。
其實港鐵想省錢，就不如直頭取消晒D單程(弱)智能車票，用輕鐵既紙質票,出入閘行人工通道(類似JR)零件都省番!
HU6455 發表於 2024-1-2 16:25
其實港鐵想省錢，就不如直頭取消晒D單程(弱)智能車票，用輕鐵既紙質票,出入閘行人工通道(類似JR)零件都省番 ...
點去處理都會票運作?
用家點去選擇 用/不用 都會票作為支付車費?
kei_hk 發表於 2024-1-2 16:54
點去處理都會票運作?
用家點去選擇 用/不用 都會票作為支付車費?
如果好似樓上咁講搞人工通道，都會票派張類似印花卡嘅物體咪得，每次搭就吸一個印仔，吸滿40個就買張新
不過依家人工咁貴又請唔到人，人工通道就嘥氣啦
kei_hk 發表於 2024-1-2 16:54
點去處理都會票運作?
用家點去選擇 用/不用 都會票作為支付車費?
都會票就改為過海全月通好過啦！
clivetock 發表於 2024-1-2 20:04
如果好似樓上咁講搞人工通道，都會票派張類似印花卡嘅物體咪得，每次搭就吸一個印仔，吸滿40個就買張新
...
唔好忘記仲有尖沙咀/尖東站的轉乘﹐人手蓋印點玩?
人力物力已經不成正比﹐又易出錯﹐唔會做這樣的事。
即係﹐未有解決方法。
點解支付寶同信用卡會連同公司轉乘優惠（輕鐵、西北鐵巴、機鐵、尖沙咀／尖東）都冇嘅？