建議合併中環站同香港站（自thread-2187717-1-1）
果邊個post（https://www.hkitalk.net/HKiTalk2/thread-2187717-1-1.html）兩三日就沉咗，反正統一車站名稱事宜都值得係呢度討論。原文：
都仲係好唔明，點解同一個站(閘內可轉乘)要分兩個名？
不如叫晒做中環站好過……
合併所有出入口編號同埋月台編號，避免混淆，
仲可以令港鐵成為全國少數擁有兩個四線轉車站既地鐵系統 一舉兩得
1. 閘內可轉乘就當同一個站係邊個定義？放眼世界，大把地鐵系統轉乘車站每條線都可以有自己個名
2. 我想問下宜家邊度產生混淆先？ 本帖最後由 AVBWU291 於 2024-3-10 11:32 編輯
不過出入口編號的確有改善空間。尖東站同尖沙咀站出入口編號係冇重疊，反而中環同香港站就有重覆編號，尤其係香港站 C 出口都幾近中環站，而佢嘅地面出口同中環站 B 出口好近下，亦都同中環站 C 出口唔算遠。 自欺欺人，有意思咩？ 爭咩吖，兩個站溝埋變做香港中環站啦，笨 合併做乜，無嘢搵嘢嚟搞
284 發表於 2024-3-10 11:45
爭咩吖，兩個站溝埋變做香港中環站啦，笨
起LAR的時候原本計劃真係叫香港中環Hong Kong Central (HKC)。 人地國家一個相連站唔出閘步行距離仲近過中環、香港可以有兩三個名都未混淆，請問中環、香港兩個站又有幾混淆？
廿幾年前都仲有得講下，今時今日呢個數碼年代，只要google map無混淆就唔會話去錯出口架啦
最多咪就係上面師兄所講咁，個別一個出口編號易出問題
但咁多年嚟有幾多個出名麻煩又鍾意投訴嘅香港人真係嘈過呢個問題？連我地自己咁麻煩都唔嘈佢嘅時候又可以有幾混淆？
同埋同埋，個post沉咗姐係代表討論完或者無討論價值，去第二個區攞返上嚟講都唔會改變到呢個事實
頁:
[1]