西客發功落唔到車去投訴學校
本帖最後由 leo_8290 於 2024-3-22 13:27 編輯話說某條朝早有半個鐘班班超載嘅氹氹轉中途一間學校俾人投訴
一如既往部車企埋車頭黃線前面，有個阿伯插尖夾硬迫上前門
個阿伯想喺山上面第一個站落車，不過司機唔肯開前門，佢行唔到去中門，落唔到車搭到去學校就去投訴學校啲人搞到佢落唔到車
結果要放學之前特登開咪同全校講聽日開始要搵訓導跟車
條線係多人㗎啦，有時開唔到前門，落唔到車已經唔係第一次嘅事，部份佬都係長期躁底，有個仲要次次叫啲人踎低唔好阻住佢睇鏡
仲要D人係唔知前門點開，成日阻住道門開，係要捉住條扶手，挨喺塊玻璃，個佬都係驚開門嘅時候整親人所以先唔開門。
其實關學生咩事，就算去搵訓導跟車其實都冇乜用最多只不過係會有啲阻嚇力，行晒去車尾先會企中門，最後只不過係用多部車一個位
PS呢排成日聽到最尾嗰班車遲開或者冇開搞到有人遲到
22-3 更新 有幾個同車話冇聽過個阿伯話要落車
同埋今日個訓導只係推更多學生上車 冇解決過有人＂落唔到車＂
如果下一班車係密嘅話就等下一班，如果班次疏就盡量避免喺嗰個時段乘車，以免造成擠迫而導致落唔到車 所以成件事關學校乜嘢事， 咁都可以賴學校嘅話早知我當年咁玩啦 兆康友 發表於 2024-3-21 21:01
如果下一班車係密嘅話就等下一班，如果班次疏就盡量避免喺嗰個時段乘車，以免造成擠迫而導致落唔到車 ...
幾時呢條巴士線段時間淨係畀學生坐？ 唔係應該叫巴士公司加班咩 兆康友 發表於 2024-3-21 21:01
如果下一班車係密嘅話就等下一班，如果班次疏就盡量避免喺嗰個時段乘車，以免造成擠迫而導致落唔到車 ...
將你句嘢rephrase吓
班次疏仲避免嗰個時段乘車，咁係咪可以唔使返工返學？
擠迫落唔到車明顯係司機嘅問題，至少你同個司機講有落佢理應要等埋你落車
睇內容
學校只係揾訓導跟車
未去到未審先判一口咬定學生唔岩？
同埋落車問題唔同上車
唔可以話人多就有人落唔到車
不如諗點樣可以落到車
咁明顯係司機問題，定係個司機預期乘客可以強行衝撞，爆開哂其他人去中門落車? 兆康友 發表於 2024-3-21 21:01
如果下一班車係密嘅話就等下一班，如果班次疏就盡量避免喺嗰個時段乘車，以免造成擠迫而導致落唔到車 ...
朝早3-6分鐘一班
最密果幾班係一班上完下部繼續上
不過班次不均係幾嚴重
有時總站有3部車
有時5分鐘先到一部搞到好長龍
仲要未返曬學已經有兩部私走
咁如果巴士公司加班梗係好事啦，佢如果話盛載能力足夠唔加班嘅話，咁仲有咩辦法？ 如果嗰個班次係接近想返工返學嘅時間，就建議提早到巴士站候車或者乘搭上一班前往目的地都可以的， 但司機都要有責任確保車廂內嘅空間能夠充分利用，唔會因咁嘅情況而作出投訴 Fuk19805 發表於 2024-3-21 21:11
將你句嘢rephrase吓
班次疏仲避免嗰個時段乘車，咁係咪可以唔使返工返學？
啱啊，點計都要俾人落車先得㗎....