本帖最後由 TYChow 於 2024-4-27 20:19 編輯
kei_hk 發表於 2024-4-22 10:27
根本答案﹐與用什麼車唔係最大重點。
反正之前都傳過用動車取代批客車﹐當時講緊係疫情之前。
以前去到紅磡舊月台，成日有種感覺，就係如果由紅磡搭火車，最遠可以去到「西伯利亞」，甚至可以穿過俄羅斯，「去到」巴黎或者倫敦，現實中以前真係會有人咁樣搭！
所以其實我覺得城際直通車服務仍然都應該要繼續存在，不過目光就唔可以只係去到中國大陸，而係要配合「一帶一路」，而不是前往北京、上海、廣州。
現時中國鐵路系統嘅覆蓋範圍，已經延伸去到老撾，將來亦都會延伸去到泰國、同中亞國家（例如中吉烏鐵路），越南都想中國協助起標准軌高速鐵路，（香港有些到越南的旅行團，其實都係搭G417/G418去南寧東，再轉車去越南河內）
所以未來嘅「城際直通車」，差在「邊度搭」、「去邊度」以及「點樣開」！
1)是否應該繼續用紅磡開？還是羅湖開？
（必須要有C、I、Q設施，如果用羅湖，便亦可同時服務深圳，但如何編配東鐵「本地線」電氣化列車及「城際直通車」的月台編配？）
2)「城際直通車」在香港境外的服務城市......
如果從現時嘅情況來講，廣州、北京、上海直通車其實無必要，因為西九龍站已經有一地兩檢，只要內地的高鐵列車能夠每日營運時限內（約15小時），以及符合動車「一級修」的指定時間、距離（每48小時、運行5000公里）
九鐵城際客貨運總經理李慧貞，曾經就直通車實施電腦聯網售票，喺2002年5月開過記招，佢曾經講過話九鐵聯同南昌鐵路局合辦「九江至九龍直通車」，全程行車時間約18小時，每星期對開一班，曾經打算喺2002年之內開行。
此外，佢當時又提到九鐵亦正與內地有關部門商討開辦香港至桂林、香港至西安兩條直通車的服務。咁如果當時真係有「西安直通車」，下一個站又會去到邊度呢？（新疆烏魯木齊？邊是其他？）又如果當時有「桂林直通車」，咁下一個站又會唔會去到東南亞國家呢？（例如：越南、泰國、大馬？）此外，又如何處理邊境管制呢？
如果大家幻想到「廣州局」懂得參考「港穗直通車」模式，去開「廣州東 - 磨丁」動車組列車（登車前辦理出境手續、落車後進行入境手續）的話，咁似乎香港終有一日都係要開返「城際直通車」，但係就會係去西安、中亞或者東南亞國家嘅「旅遊列車」，每星期一班。如有需要，就要考慮埋紅磡站嘅月台分配同車站佈局喇！
不過我都想「站見鐵路展」做多一段時間先，（因為真係好爆同好難Book），直到紅磡直通車可以跨出中國內地，去到東南亞或者中亞國家，終有一日去到歐洲先至值得再改動展覽佈局，或者紅磡站嘅車站功能。