星期日檔案報導紅van的沒落
https://news.tvb.com/tc/local/6649484821ab152bae725fb4?utm_source=newsappshare&utm_medium=referral過去10年間，街上已經少左好多紅色小巴縱影
在14年尾西港島線通車後已經好明顯 根本由西鐵通紅磡的時候﹐已經展開紅van沒落的序曲。
每多一條新鐵路線/延線開通﹐紅van又會少一批客。
在發展新路線上有限制的情況下﹐差不多可以講開唔到有盈利的新線。
就算肯守幾年﹐去到開始有盈利﹐亦代表有一定乘客需求。
到時又會隨時有巴士線打入市場﹐仲邊有有心人去發掘新線。:L
kei_hk 發表於 2024-5-20 13:57
根本由西鐵通紅磡的時候﹐已經展開紅van沒落的序曲。
每多一條新鐵路線/延線開通﹐紅van又會少一批客。
我覺得西鐵去紅磡都未開始沒落，畢竟得荃灣西同元朗先多紅van，況且晚歸嘅時候有班紅van擁躉
鐵路大影響嘅我覺得係西港島、南港島、屯馬、東鐵過海
西港島以前係巴士小巴獨市，巴士主要落中環銅鑼灣，過開就紅van最快，金雞KongU線已經係表表者
南港島之前又有香港仔、海洋公園嘅紅van都一直有得做
屯馬線影響最嚴重就係土瓜灣同新蒲崗呢啲過往冇鐵區，紅van過往都憑忘命速度跑贏其他交通工具，有鐵已經死死哋
最後東鐵過海，差不多真係殺死所有過海紅van，去到金鐘轉鐵基本上真係過海最快，紅van冇得打
不過最後最關鍵嘅問題而且冇討論到嘅始終係夜晚不在繽紛，紅van一向最吃香嘅作用係深宵冇鐵嘅特快交通，而家條街10點已經好似以前2-3點咁，啲人又使乜搭紅van呢
其實都係好事，最後旺角果炸阻街紅小消失哂，還路於民 Fuk19805 發表於 2024-5-20 14:47
我覺得西鐵去紅磡都未開始沒落，畢竟得荃灣西同元朗先多紅van，況且晚歸嘅時候有班紅van擁躉
鐵路大影響 ...
你講呢D全部係表象。維持營運本身，未必需要在佢服務到嘅OD有幾高市占率。無專營權保障，無論幾盡力都隨時淪落為幫其他人養客，呢個先係紅van沒落嘅根本原因。
Fuk19805 發表於 2024-5-20 14:47
我覺得西鐵去紅磡都未開始沒落，畢竟得荃灣西同元朗先多紅van，況且晚歸嘅時候有班紅van擁躉
鐵路大影響 ...
留意番我用詞﹐係序曲。即係由此時開始。
當時﹐已經觀塘延線及西港島線已經興建。
即係當時開始﹐紅VAN 已經好明確講出有2個殺手準備出場。
如果當時睇得通透的小巴車主﹐那時係時候放手﹐賣車賣牌收錢養老。
西鐵通紅磡﹐第一條即死的紅van線就係 土瓜灣/紅磡<>美孚。
當年我仲在紅磡返工﹐真係睇住佢開線﹐睇住佢慢慢做大﹐最後係睇住佢被打殘。
同一時期﹐青山道及荃灣線都受到打擊﹐已經無以前咁多客及車。
之後2條鐵路延線﹐你都識講情況。
2019 及之後3年疫情﹐只係加速紅van沒落的速度。
kei_hk 發表於 2024-5-20 15:07
留意番我用詞﹐係序曲。即係由此時開始。
當時﹐已經觀塘延線及西港島線已經興建。
即係當時開始﹐紅VAN...
我就認為紅van面對鐵路擴展還算有得應對，大不了我唔做同你重叠嘅OD，轉做第個OD，而鐵路再次擴展都需時數年。
連巴士都踩入我一向做緊嘅OD搶埋一份，先係紅van營運最大挑戰，最難以應對。
其實小弟隨時都可以講出以現時紅van可營運路網，仲有邊D OD係有潛力發掘到新客嘅。但問題係即使有人落力去做，除非係巴士行唔到嘅路，一旦做起左話唔定邊日就會有巴士來爭客，真係白費心機。 sunhoo 發表於 2024-5-20 15:22
我就認為紅van面對鐵路擴展還算有得應對，大不了我唔做同你重叠嘅OD，轉做第個OD，而鐵路再次擴展都需時 ...
所以﹐我上面一早已經講左。
未有新鐵路之前﹐仲會有人有心去搵新路線。
就算有其實競爭者加入﹐都代表緊這個市場有得做。
最緊要的係當年紅van仲有條件透過密密有車及靈活走線﹐在巴士等對手之中﹐取到一批固定客源。
但是疫情之後﹐有營運的紅van的數目已經少了很多﹐好難再做到密密有車。
變相﹐與其他對手打成平手﹐做乘客就自然見車就上﹐紅van就越來越難維生﹐只會越做越縮。
有營運的車輛減少的同時﹐亦間接令到開新線的機會更難。
難在要搵足夠的車去營運新線﹐話晒要開線起碼要蝕一兩年。
現今仲邊有人肯冒險?
就算肯冒險﹐再睇埋專利巴士近年的開線策略﹐多了很多跨區的直通快線。
紅van的資源﹐點會夠專利巴士﹐即係儲完客就維生之後﹐好大機會就會被巴士擊倒。
紅van沒落﹐根本係無得避免。
只係近5-6年開始步伐加快﹐疫情就進一步加速。
以現時整個香港的環境﹐仲有紅van的生存區域﹐但這些區域真係唔多﹐而且只能死守。
一旦有社區大規模重建﹐就係這些區域的生死存亡的時候﹐到時真係睇造化了。
kei_hk 發表於 2024-5-20 15:38
所以﹐我上面一早已經講左。
未有新鐵路之前﹐仲會有人有心去搵新路線。
似乎我地目前嘅討論仲停留在固定或半固定路綫服務。紅van做呢類服務，無專營權就係天生嘅劣勢。
記得AN BUS老闆講過，需求定制服務先係紅van出路。我就覺得佢睇得非常透徹，做到需求定制先係你嘅獨特之處，係呢門生意嘅“護城河”。唔係話需求定制市場足夠養起現存嘅剩餘紅van，而係做呢個市場無咁容易被人搶客。