[我想影飛機] UA5275 UA1093 ICT > DEN > LAX
本帖最後由 MA4745@85A 於 2024-6-25 20:39 編輯承接上一篇小弟去到威奇托比賽，感恩一切十分順利，並以學校有史記錄以來最好成績完成比賽，懷着興奮愉快嘅心情展開下一個旅程！
日期：22/04/2024航班：UA5275 表定時間：06:05 (GMT-5) - 06:43 (GMT-6)實際時間：06:10 (GMT-5) - 06:41 (GMT-6)機型：CRJ-701ER (N779SK)
話說本身唔想咁早起身坐飛機，但係由於同行有人唔想坐737 Max，結果為咗避開唔坐，而揀咗另一個方法去LA，不過就要咁早去到機場，但係亦都為小弟帶嚟一個唔知有冇下一次嘅旅程，想知係咩就繼續睇落去啦！
6:00起飛，再加上本身我哋一行人有好多行李，所以我哋四點前已經去到機場，當時 counter 仲未開門，原來個 counter 準時起飛前兩個鐘先會開，早去到都係要等。
雖然威奇托又名 air capital，但係個機場都唔大，只有大概十多個閘口同埋幾間商舖。
諗住幫飛機影吓相，點知個閘口原來都係影唔到佢嘅全貌。由於呢班機前一晚已經嚟到，所以冇乜 delay 就好準時起飛，準備前往 Denver，全美最大嘅機場！
航程只有大概一個半鐘，所以沿途都以較低嘅高度飛行，可以欣賞到美洲內陸嘅景色。
終於嚟到全美國最大嘅機場！
————————
日期：22/04/2024航班：UA1093 表定時間：07:50 (GMT-6) - 09:22 (GMT-7)實際時間：08:49 (GMT-6) - 10:01 (GMT-7)機型：757-224 (N13113)
呢程機先至係成個旅程我最期待嘅一部份(雖然有啲更加驚喜嘅事發生，下一篇再講)，就係去坐一次757，話說香港已經冇晒757客機飛，淨係偶爾會有757貨機嚟，再加上757已經年事已高，所以如果今次唔錯都唔知幾時有機會再坐，早啲起身就算啦！
抵達 Denver 之後，隨即前往閘口準備轉機，點知又 delay。。。
既然 delay 就喺機場行吓尋找嘢食之餘，影吓飛機。
既然咁難得可以坐757當然好想為佢留下倩影，點知原來呢個閘口都係影唔到飛機嘅，結果只可以隔住餐廳睇到自己坐嘅嗰一架飛機。。。
由於上一程機 delay，結果骨牌式影響到我哋一程機都 delay，大概等咗一個鐘左右終於可以上機！
今日執飛嘅757原來已經有29年有多嘅歷史，從佢隻窗已經可以睇到同新一代嘅飛機比真係細好多！
不過估唔到咁舊嘅飛機United竟然有幫佢翻新 IFE System，唔單止螢幕解像度較高，更可以連接藍牙耳機 (點解CX有啲機仲未有呢個 function？)
可能太早起身，結果一起飛就瞓着覺，除咗 drinking service 之外，直到差唔多降落先起身，連套《靈魂奇遇記》都冇睇到。
既然咁難得坐757 ，降落之後我膽粗粗走去問空姐可唔可以俾我去駕駛室影相，然後空姐問咗機長批准之後，就帶咗我去駕駛室影相，終於有機會一覽上一代飛機嘅駕駛室，實在十分難得！
諗住落機之後可以搵到位補影飛機全貌，點知都係影唔到，實在為呢一程757旅程留下一啲遺憾。。。
經歷完兩個鐘左右嘅旅程，終於嚟到洛杉磯，正式開始幾日嘅假期！！
—(暫告一段落)—
本帖最後由 S3BL100 於 2024-6-25 21:46 編輯
樓主坐到 757 之餘仲可以入駕駛室影相，真係相當幸運。我坐咁多次 757 都係用 2L 門上落，連路過駕駛艙門口機會都無:Q
美國應該係現時最容易坐到 757 既國家，UA 全數 757-200 同 DL 全數 757-200/300 都已經完成翻新，各自都已經有一定數目逾 30 年機齡。DL 今年開始似乎只要過 30 年兼夠期 heavy check 就會退，但基本上應該都會用到盡。當然如果好似你，千里迢迢到訪，就梗係要把握機會坐，因為真係唔知幾時先有下次
但其實 757 隻窗，大小應該同 737 一樣，只係 UA 翻新期間無換內壁傍板，可能帶來錯覺
唔想坐 737 MAX 係人之常情，我自己都會可避則避。諗返起一月有朋友初次到訪美國，本來 book 左 UA HKG-SFO-IAD，當中 SFO-IAD 用 737-9 MAX（即係我同另一位朋友分別飛去 DC 聚會果次）。點知出發前兩星期就發生 Alaska Airlines 機艙穿窿事件，737-9 MAX 全線停飛，朋友喺我建議下，一見到 travel waiver 涵蓋自己出發果日，就即刻改左做 HKG-LAX-IAD，當中第二程為自己帶來一次難得 757-300 體驗。對方結果連 737-8 MAX 都唔敢坐，索性回程都 DCA-SFO-HKG 改埋做 BWI-IAH-SFO-HKG，點知 IAH-SFO 延誤，搞到 UA 賠一晚酒店 SFO 過夜:dizzy:
S3BL100 發表於 2024-6-25 21:44
樓主坐到 757 之餘仲可以入駕駛室影相，真係相當幸運。我坐咁多次 757 都係用 2L 門上落，連路過駕駛艙門口 ...
其實我今次都係用2L門上落機，不過覺得既然咁難得嚟到美國，點都好想入去睇一睇，結果問完又真係入到去，可以順便參觀埋前面嘅First Class，自己都覺得幾好彩，或許都要多謝唔想坐737 Max嘅朋友，先可以成全小弟想坐757嘅心願:lol
頁:
[1]