有關巴士司機一問
小弟頭先喺沙市搭798返將軍澳，上車個陣前面有個客問司機有無「欣明苑」呢個站，咁我本身就唔諗住出聲答嘅，因為呢啲野正常係司機答返個客，但係當個客問嘅時侯，個司機竟然要走去撳機，嗰一刻我真係睇唔過眼，就即刻同個客講「有欣明苑呢個站」，咩而家啲司機咁唔專業架咩，首先「欣明苑」又唔係咩奇怪地方，第二司機唔係應該有責任記熟行車路線同停站架咩？就算係第一日揸都唔應該係咁，又或者「一時三刻唔記得左」都唔係一個合理嘅理由 將軍澳「X 明苑」居屋有極多條，798 本身已經有煜明和欣明兩站，查清楚才答有何問題。 本帖最後由 lewisli123abc 於 2024-8-18 01:33 編輯你去揸啦不如，加入城巴展所長💪 本帖最後由 rex0749 於 2024-8-18 01:38 編輯
十幾廿條線，點記？仲未計新市鎮咁多X乜X乜呢啲共通字眼
大把人入天水圍坐705 706都未分得清邊度打邊度:shutup:
本帖最後由 KMBAP1 於 2024-8-18 01:55 編輯
1) 司機冇義務背誦每一個巴士站嘅官方名稱
2) 司機冇呼遣乘客，仲肯花時間為個乘客尋找答案，值得欣賞
3) 既然呢家係暑假時間，咁你就不妨多啲搭巴士，幫助下多啲乘客尋找正確嘅巴士站名稱 ;P
巴士公司收到你嘅車費會多謝你嘅
而家既香港人係唔係要靠記得個站名去獲取優越感 ;P;P;P 司機基本要求只係渣部巴士係指定巴士站上落客
無站名都唔係問題停得岩就得
其實依家開個APP都搵到答案
既然司機都係APP搵搵
個客都可以自己APP度搵
呢個年代就算服務比以前倒退
但多左方法自己serve自己 笑死，你知唔知依家城巴車長行緊跳飛機制度，即係一日可能要揸超過一條線以上
你咁叻你咪自己去揸 你覺得車長要識 我覺得候車乘客既然有咁多等候時間 點解唔自己查？ 追車嘅就試下唔好追 又唔係限時限刻線