【轉載】八達通今日(12/9)起推出八達通全國通銷售版咭
本帖最後由 Danny.lin 於 2024-9-23 17:36 編輯八達通於今日「2024年9月12日」推出八達通·全國通銷售版咭，售價為港幣68元，平咗$20，實體咭如下圖：
1.本次八達通全國通「銷售版」咭同「首創版」一齊繼續沿用交通部TU（China T-Union）協議，使用交通部 3104 8500 0200 **** ***號段，其中3104 8500為香港特別行政區號段；0200為八達通全國通卡對應號段；後邊**** ***為隨機生成，係當前八達通全國通卡自己嘅ID Number。本次八達通銷售版自編咭號為2001*****(*)開頭！非延續首創版嘅2004*****(*)-2005*****(*)後嘅2006*****(*)打頭！！！即係話，銷售版咭發行範圍喺2001*****(*)到2003*****(*)之間
2.因為內地已冇增值八達通嘅設備，故返大陸時應配合八達通App使用，以免冇錢入閘。:L
3.卡種為01，非其他種類，表示大部分卡機支持碌該咭。
4.現在仲有啲城市嘅交通閘機未必支持呢張卡，大致都喺西部以及東北地區，少部分分佈喺沿海省份，所以使用時千祈要注意機器是否支持，若機器唔支持記得打當地交通服務電話投訴「服務電話可從車上以及《全國一卡通互聯互通手冊》得知」，有啲地方同佛山一樣，一定要打電話鬧一餐先做嘢嘅:@ 。
附上《全國交通一卡通互聯互通服務手冊 2022年1月版》PDF版下載地址：https://www.szsmk.com/uploads/attachment/20220127/8675792f77ebf0fc0e02163eca3ebeff.pdf
5.繼續唔支持澳門，係因為 澳門通入住建部CU（City Union）協議標準，唔似上海紫卡噉兩個標準都用。:dizzy:
銷售場地以及時間：
[*]指定港鐵客務中心「紅磡、金鐘、落馬洲、上水、粉嶺、荃灣、九龍塘」 9月12日起公開發售
[*]7-eleven全綫分店 9月12日上午7時起公開發售
[*]Circle K全綫分店 9月12日上午7時起公開發售
[*]八達通網上商店 9月12日上午7時起公開發售
link：https://www.octopus.com.hk/tc/consumer/octopus-cards/products/cross-border/china-t-union.html
呢張野:L水魚卡一張(國內使用):L
回應#1:
攪得八達通apps 做增值﹐真係順便開埋八達通張銀聯卡。
再裝埋個云閃付apps﹐啟用云閃付apps的乘車碼﹐在適合的場景用云閃付乘車好過。;P
最少﹐唔使蝕八達通卡海外交易手續費。
** 云閃付apps 無需實名﹐直接綁銀聯卡即可使用。
** 八達通銀聯卡免海外交易手續費推廣﹐去到本年年底﹐估計佢會再延長。 本帖最後由 Danny.lin 於 2024-10-24 14:30 編輯
kei_hk 發表於 2024-9-12 09:52
呢張野水魚卡一張(國內使用)
不過我睇WhatsApp、小紅書、微信都有人需代購該咭，:lol有幾種情況：
一係內地客，一部分係啲內地車迷同集咭人士，用於收藏同測試，現時仲有好多地方票機仍無法支持八達通一卡通咭，佢哋可以買來用於測試，其次$68價格其實比深港一卡通「￥68」、羊城通·嶺南通·八達通·全國一卡通「首發、量產版￥70（量產版現時仲有得賣），3月限量特惠版￥45（咭外表質數唔太好，但用得嘅咭，限量200張，已售罄）」呢兩個咭仲平，有啲集咭愛好者亦會趁機買落來玩；另外一部分係已經註冊八達通app，喺好耐之前已經開通並實名認證好轉數易，且有本港銀行卡嘅人，至於點解佢哋要呢個咭嘞？咁應該係不為人知嘅秘密喇。
二係在外港人，大部分係移民到外阜嘅港人，佢哋要咭方便搭本港及大陸鄉下嘅巴士，尤其部分人係「數碼白癡」，唔熟悉點用付款應用程序嘅，可以用咭，到時靠同行嘅後生仔幫手增值同更新匯率。我屋企就係噉操作嘅，唔係話大陸度度都可以靠回鄉證就保證老人免費\半價搭車㗎！有啲地方要到當地申請老人咭，嘟特定老人咭种先优惠:L，同本港嘅樂悠咭一個情況。
三係外國車迷，其實買來就得過玩，用完就擺入收藏夾，唔知幾多年後再攞出來用咯！
kei_hk 發表於 2024-9-12 09:52
呢張野水魚卡一張(國內使用)
你越講越裝得多app, 簡單都變麻煩 圓頂 發表於 2024-9-12 14:33
你越講越裝得多app, 簡單都變麻煩
在國內用這張卡，本身都係麻煩事。
淨係卡內的匯率係有時限，過期就國內用唔到，都係要靠apps更新才可繼續用。
Danny.lin 發表於 2024-9-12 14:28
不過我睇WhatsApp、小紅書、微信都有人需代購該咭，有幾種情況：
一係內地客，一部分係啲內地車迷同 ...
求代購嘅係為收藏
本帖最後由 Danny.lin 於 2024-9-23 18:11 編輯
路邊社信息：:$澳門通都話要整交通聯合咭，:'(不過唔知道用乜玩法？？
來源：澳門殷皇子大馬路路邊坑渠蓋
有可能係八達通嗰個玩法：一咭雙晶片加埋轉換模塊，搞即時匯率；屆時Mpay度需要NFC嘟澳門通全國通咭獲取及時匯率；不過現時八達通咁搞法，睇嚟弊大於利:'(
也有可能係住建部CU（City Union）協議套玩法放到交通部TU（China T-Union）協議度：即係TU系統內部增加葡幣結算功能，澳門通加入TU協議，类似羊城通噉發行嶺南通+交通聯合雙模式咭；增值方面，出咗澳門，只能靠Mpay加值；同時澳門巴士輕軌啲機器接入TU系統，系統按即時匯率扣錢；此時唔理你乜地方，係乜交通聯合咭，嘟一嘟就直接扣，但需要改造全國咭機系統；:dizzy:上次內地嘅TU支持八達通·全國通咭改造都整到一鑊泡喇……
仲有可能同羊城通、深圳通一樣：雙荷包模式；若係，澳門通全國通咭交通聯合荷包加值比八達通全國通咭荷包增值方便啲，至少喺內地都可以有几处鋪頭、機器增值；:L咁就唔知交通聯合模塊部分係用邊個卡源咯？「 澳門通模塊+嶺南通·羊城通全國一卡通荷包模塊？？？澳門通模塊+深圳通全國一卡通荷包模塊？？？」:dizzy:
不過具體澳門通公司點做，要睇日後新聞報道喇……
頁:
[1]