九巴2+2 AS/AV/3AV中門閂門問題
雖然話最後一架2+2 AV都退咗役8年有多，而2+2 AS退晒役更耐，但有個中門問題一直想知道眾所周知，2+2 AS/AV/3AV中門嘅閂門，係拉咗門掣之後，中門警告聲會連響幾秒（如果係早期3AV或者AS一下一下響嘅，或者換咗金巴款嘅叮叮叮，就響兩三下），然後停半秒，再警告聲響嘅時候中門先會開始閂。
但實際上，其實拉門掣響嗰一下已經係發出咗閂門信號（有啲車見到拉咗門掣對門會郁一下再彈開），只係似乎有舊嘢頂返開度門，然後係停半秒嗰下先再發閂門信號。尤其換咗叮叮叮嘅聽得出，停完半秒係重新叮叮叮過（因為叮叮叮開始係連叮兩下）。
依家想知，上面講嘅「似乎有舊嘢頂返開度門」係一件咩嘢嚟，同埋佢嘅操作原理係點？
頁:
[1]