極光航空 Aurora Airlines HZ4699 哈爾濱 > 南庫頁島
今個復活節假期去咗俄羅斯遠東地區旅行，不過就唔係一般人常去的海參崴一帶，而係先去庫頁島，再轉機去第二度（有機會再出 Post 分享。）咁買機票去庫頁島，首先所有正常的訂票網站係買唔到去俄羅斯的機票，只有中國的訂票網站（例如 C Trip）先可以買到。不過就算最近的中國深圳都冇飛機去俄羅斯，會建議你先到北京，轉機去海參崴，再轉多次飛機去庫頁島，非常不便同埋價錢昂貴。最後無意間發現原來每星期係有一班飛機由哈爾濱直飛庫頁島！雖然價錢都唔係平，單程索價 2600 人民幣，但勝在可以轉少次機，而且呢班機係用 Dash-8 Q400 螺旋漿飛機，所以揀咗搭呢班機啦。
哈爾濱太平國際機場，都係典型的中國式機場格局
國內線同國際線都係同一座 Terminal，不過搭國際線係最前面個入口，但其實你係 Terminal 入面都可以行到過去的 ;P
國際線要再行前少少，逐漸你會遠離人群的 ...
太平國際機場的國際航班水牌，你會發現一日只得 6 班國際線 ...
等待開放 Check in
食完早餐返嚟已經開咗，目測有唔少俄羅斯人，同埋有啲相信係阿伊努族面孔。
地勤人員係懂得流利的俄語。
南庫頁島，俄羅斯稱為「南薩哈林斯克」，不過好明顯佢出唔哂咁多字
極光航空 HZ4699，逢星期二會飛航南庫頁島
另外極光航空係哈爾濱又有飛航海參崴同伯力。
Check 完 in 入去，國際線有 6 個登機閘口，入面都係靜過鬼，得間便利店同麥當勞有開。
我班機係 1 號閘口，原來係要搭巴士的。
到達了
航班 HZ4699
用機 Dash-8 Q400（RA-67262）
編定起飛時間 10:05 (UTC+8)
編定到達時間 15:50 (UTC+11)
飛行時間約為 2 小時 45 分鐘
頭三排為 1 + 2 的商務座位，合共 ７ 個位（第一排只有 1A）。
我個座位係 4D，原來係經濟艙的第一排，屬於 Space + 的特闊座位，不過我係無加過任何錢，航空公司安排的。
安全卡
機上的自費飲品食品餐牌，以酒精飲品為主。
近 3 小時的機程，有一份簡單的三文治同飲品
係吞拿魚三文治，另見盒上係有寫係由哈爾濱製作的。
雖然係螺旋漿飛機，但極光航空有提供 Wi-Fi 機上娛樂，可以睇片聽歌同玩遊戲，當然係只有俄文。
沿住南庫頁島的大泊港降落了
係落機的過程，空姐會企係門口攞住部好重的紅外線相機，影住每一個落機的乘客。
至於樓梯下面迎接你的，相信有啲唔係單純的地勤人員 ;P
搭巴士期間見到同屬極光航空的 Dash-8 Q200
國際線客運大樓，其實即係原本的舊客運大樓，2023 年 8 月係隔離啟用咗個新的國內線客運大樓，變相只剩返國際線會用。
不過我上網見到，南庫頁島的國際線，只淨返飛哈爾濱的呢一條 ...
入境 Counter 係好傳統的蘇聯式果種，速度慢就一定，入境官係識睇香港特區護照的。香港特區護照入境俄羅斯有 14 日免簽。
入完境後第一個迎接你，就係 Covid-19 測試 ;P
都 2025 年了，都仲可以體驗到撩口同撩鼻的感覺，而且佢地只會揀遊客落手的，果然係中俄友好的優待。:handshake
當我出到去的時候，已經係當地時間下午 5 點 20 分
回望返南庫頁島機場的舊客運大樓／國際線客運大樓
於 2023 年 8 月落成的新國內線客運大樓，即刻現代化哂。
再坐巴士出返市區，班次頻密，唔使 10 分鐘內就有一班車。
- 完 - 比較好奇：哈爾濱出境果陣邊檢人員有無好奇你張回鄉卡？ 南薩哈林斯克係城市名唔係島名… 樓主呢個時勢仲去俄羅斯，真係好勇敢:lol:handshake
一般如果係 2 小時 45 分航程，用噴射機會快過螺旋槳機唔少，仲有機會坐到螺旋槳機飛咁耐都係相當難得。想知樓主坐呢個位，會唔會好嘈，同埋感受到幾大震幅？
S3BL100 發表於 2025-4-29 22:54
樓主呢個時勢仲去俄羅斯，真係好勇敢
一般如果係 2 小時 45 分航程，用噴射機會快過螺旋槳 ...
最勇係坐一架喺打仗時期、要跨海、冇保養嘅螺旋槳飛機:lol
雖然全國飛機都冇保養，冇話邊個好啲;P
kbh 發表於 2025-4-29 22:12
比較好奇：哈爾濱出境果陣邊檢人員有無好奇你張回鄉卡？
我試過喺中国其他機場坐國際線去其他國家, 最多係望多你兩眼, 或者認錯係「台胞證」
反而紅色嘅真.中国護照持有人俾人問話甚至拉入房嘅機會更加高
(24年1月喺廣州機場親眼見到, 排我前幾個嘅人俾海關大聲問「你為甚麼要去新加坡?」, 之後被邀請入房:shutup:)
魔雪巴士頻道 發表於 2025-4-30 08:39
我試過喺中国其他機場坐國際線去其他國家, 最多係望多你兩眼, 或者認錯係「台胞證」
反而紅色嘅真.中国護 ...
同樣情況較早前亦係福田見過，個大陸人被問為何要赴澳洲探女?
樓主係咪當年係u汪好搶口隻S3BL417 ?;P 疫情前去庫頁島，其中一個常見玩法好似係由北海道稚內搭船過去，毋須經大陸轉機；而家當然無咗呢枝歌仔唱
比較好奇俄羅斯而家受制裁，主流信用卡用唔到，近幾年網上資訊亦相對缺乏嘅情況下，點樣處理 book 酒店、國內交通、預訂各項行程 之類嘅旅程準備？
雖然叫極光航空，但想睇極光庫頁島應該唔夠北？
Covid test 都做埋，如果驗到 positive，駛唔駛拉去唔知邊到強制隔離 :_ S3BL100 發表於 2025-4-29 14:54
樓主呢個時勢仲去俄羅斯，真係好勇敢
一般如果係 2 小時 45 分航程，用噴射機會快過螺旋槳 ...
揸友好國家地區嘅護照會好D掛？
留意到有班深圳航空 經深圳往新加坡嘅航線
响得國際航廈出發，段估無得齋搭哈爾濱至深圳一段。
問題係哈爾濱至深圳一段幾乎同深圳到新加坡一段咁遠，
半吉機飛大半程計得掂數嗎？
頁:
[1]
2