F1 版瀏覽權限數問
點解現時版面要規定已註冊的會員才可以瀏覽? 點解要唔聲唔聲就轉咗佢嘅瀏覽權限? 用意何在?如果呢板係咁嘅話, 將來會唔會擴展到本站方所有版面?
呢個安排係唔係想迫人註冊做會員去博高你哋落廣告個收視率?
就板友對F1板的查詢，現獲站長授權回覆：
本站不時收到相關人士反映，縱使F1板的作用是站友自創建議供大家討論，卻被不少非板友的街坊誤以為是官方提出的建議，結果為第三方惹來不必要的誤會和麻煩，亦令人誤以為本站站友發放假消息。
為了解決問題，現試行更改閱讀權限，令不熟悉本站討論範圍的非站友不會直接觀看到內容。有關調整不會影響現有站友閱讀及回文討論的權利。我們想特別指出上述措施不但不會「提高收視率」，更因為限制了讀者群，直接減少了非站友的閱覽次數，因此屬於非不得已的做法，站方亦目前無計劃擴展到其他分板。站方會觀察試行措施成效作出適當調整，亦歡迎站友提出其他能解決上述問題的建議。
admin69
F1 版瀏覽權限追問
本帖最後由 SV3077 於 2025-6-11 22:35 編輯因站方經常唔回應版友係同一版追問佢的問題，所以唯有喺度開新一版繼續問，屬迫不得已的做法
上一版: https://www.hkitalk.net/HKiTalk2/thread-2217874-1-1.html
先多謝站方的回覆, 但本人仍有數條問題要追問。
首先我同意呢個版面的建議係會有人誤以為是官方提出的建議，亦見站方有採取措施去減少這種情況發生。但其實呢啲網上吹水區好多人諗請楚少少都知道呢度唔係官方頻道，再加上每個標題都寫明話標明係 '建議xxx'，都已經夠清楚明示每一篇係個人建議並不是官方頻道。引起其他人不必要的麻煩嗰啲街坊明明呢個係佢哋責任，點解要硬食佢？
你話限人睇係迫不得已嘅做法，其實點解唔喺呢版加多條規定係每位板友出post前都要加返句disclaimer 話 '呢度唔係官方頻道， 所有建議純屬個人意見'，唔遵從指示的就罰佢停板幾星期去做到殺雞警猴的效果; 或者喺每個板友出post前份草稿都自動 gen 一句唔可以被人del走的聲明。而係因為要遷就少部分人的誤會，而限死大部分人 (包括非版友: general public ) 的閱讀權限？咁咪違背咗呢個網頁創起嘅頻道嘅原意: "互相分享交通資訊" ？
站方無法漠視在網絡世界以外第三方持續地因本站討論遇到的麻煩及誤會，目前方案暫時可能是最好地平衡第三方利益及站友討論空間的方法。不過站方會研究閣下建議的技術可行性。
admin69
頁:
[1]