機場快綫市佔率低原因
本帖最後由 petershum0711 於 2025-6-17 18:49 編輯https://www.facebook.com/share/p/12LzYCbwZfx/
如題，個post 講得好詳細，始終車票太貴而且覆蓋率低。
本港居民知道太多代替方法
(較便宜/較便捷)
本身都有一群嘅機場職員撐場
但用員工價搭
對票價收入幫助有限
再者訪客抵港
通常到訪一個城市
用鐵路機會率大過巴士/的士
但除非入住機鐵站上蓋嘅酒店
嗰啲都唔係經濟之選
隨時連酒店給予訂房者嘅
交通建議 都係搭機場A線
本帖最後由 DIH 於 2025-6-17 13:09 編輯
篇文完全唔提的士，可能佢真係唔搭的士，其實對遊客或居民而言，想快及直接都可以搭的士，推行李車去到機場的士站有職員協助，好快上到車。
我住鑽石山，想畀錢搭機鐵都無得搭，又費事同將軍們爭A車，一丁友照搭$300的士。唔搭網約車係因為始終暫時仍然係灰色地帶，而我樓下有的士站好易截到車，反之網約我要專登去等佢。
坐機鐵除非住上蓋
否則轉嚟轉去
倒不如坐巴士/ 的士好過
巴士勝在平，又「區區有A線」
的士就快
就算員工價都貴過巴士一截
唔順路就真係搵鬼坐 DIH 發表於 2025-6-17 13:07
篇文完全唔提的士，可能佢真係唔搭的士，其實對遊客或居民而言，想快及直接都可以搭的士，推行李車去到機場 ...
去機場拎住咁多行李，最好「一程車搞掂」。但無論係啲對價錢好敏感嘅人，定係唔係咁介意錢嘅人，都會諗「點解要搭機鐵呢？」對價格敏感嘅乘客而言，機場快綫太貴，機場巴士性價比高。唔介意洗多少少錢嘅乘客，不如叫車直接由屋企去機場，全家大細除返開分分鐘平過搭機鐵。
對價錢敏感嘅旅客嚟講，機場巴士比機鐵更抵搭。雖然機場巴士行車路線未必最直接，但勝在能夠一程車去到機場客運大樓門口。近年巴士公司積極擴展機場巴士網絡，開辦多條主要覆蓋住宅區嘅A線，實有一條喺你左近。呢啲路線嘅班次雖然無行經旅遊區嘅A線咁密，但每半/一小時一班，數字上好容易計，加埋電話App又可以睇到架車幾時到站，整體嚟講性價比高過機鐵好多。
另一班去旅行去到盡嘅朋友，就唔會太介意價錢。倒不如直接叫車連埋行李送去機場。近年網約平台興起，開App揀好地點就可以搵到車由屋企直達機場，最適合一家大細出門。人均車費跟機場快綫都係差唔多，點解唔「一程車搞掂」？真係無提的士？🤔
本帖最後由 DIH 於 2025-6-17 14:12 編輯
aaron 發表於 2025-6-17 13:32
真係無提的士？🤔
佢講「叫車」，自己call的士當然可以包括在內，但真係冇講直接搭的士喎，我自己出入機場都唔使預先叫車，當我捉字蝨啦。
題外話，以前屋企唔太多錢，去旅行都係搭E22，直至有一次去完返香港，遇着博覽館有活動，成架E22滿晒，我地要企到黃大仙，自此之後我同屋企人講一定搭的士去機場（或親戚開車）。
講返機鐵，去完外地旅行都想返屋企可以搭「空港特急」，但佢真係唔當我係目標乘客，咁無計啦。
首先 去新界同九龍東嘅 機鐵唔啱路 去九龍西市區亦都冇方便嘅轉車方法 青衣同九龍站都要轉兩次先去到紅線 轉屯馬都唔係方便 DIH 發表於 2025-6-17 14:06
佢講「叫車」，自己call的士當然可以包括在內，但真係冇講直接搭的士喎，我自己出入機場都唔使預先叫車， ...
九龍東/ 將軍澳根本唔會考慮機鐵（以前未有A29年代返機場站有免費飛另計）
以現時網絡去睇，想平一定係A29，想快一定係call車
（不論uber定的士）
都係嗰句，機鐵接駁做得太差
一駁腳就輸哂（不論時間定金錢）
基本上係永遠都解決唔到
本帖最後由 petershum0711 於 2025-6-17 15:40 編輯
JX9097 發表於 2025-6-17 15:20
九龍東/ 將軍澳根本唔會考慮機鐵（以前未有A29年代返機場站有免費飛另計）
以現時網絡去睇，想平一定係A2 ...
其實解決到，只要發神經規劃多條機場快綫去九龍新界主要地方或者機鐵延伸到太古站咪得囉。當然呢個係最極端最後手段既方法;P petershum0711 發表於 2025-6-17 15:29
其實解決到，只要發神經規劃多條機場快綫去九龍新界主要地方或者機鐵延伸到太古站咪得囉。當然呢個係最極 ...
政府有錢都輪唔到佢
又北都會、明日大愚