浸鹹水遇溺記 | gWr Night Riviera | Penzance - London
https://blogger.googleusercontent.com/img/b/R29vZ2xl/AVvXsEg7i8k9-uu4OWKATgU-DKcW7fgy0-KsGcqNu7THgT7K-B5AoykZUL3zPc0LqPT39puCC-PfOtzo4RlzZ9kT9gXn0R5LgEQG5JZmDO7pBdnHQg9n8vesK0vL52RTAeylSXh-B2tE1c0EZty4075nNY67-1EZatq8rNd_eyiNFPTjtzx6RJqmE6TZzLXXGNQ/s4032/GWR00a.jpg喺英國西南部 Cornwall 遊玩數天後，小弟係時候前往倫敦繼續小弟既旅程 - 小弟今晚會搭上 GWR 嘅 Night Riviera 通宵火車服務，由 Penzance (PNZ) 前往 London Paddington (PAD)。
Night Riviera 為英國鐵道上僅餘既通宵火車班次之一 (另外兩班分別係 Caledonian Sleeper 既 Lowlander & Highlander 服務) 除左星期六晚之外，呢個火車班次晚晚都會連接倫敦同 Devon, Cornwall 各個城市。
https://blogger.googleusercontent.com/img/b/R29vZ2xl/AVvXsEj22yf-7Eng_8JIi2CtYxgjbcRa9j3bOjc13QbGmtpST6wVjXbjMvscQkO_-9O0sBRz4YeiyyB45F4lbqqVAxevk0VNyJDV5PMvWPp9WVZq-PBUP4u_6X9sSMDDup0LGWgUpTqmAUs7LKG9A9RnikNu6lQlSP4hcgcb9WSFBqrh6zMQxJzA4N6Y4v_pWF4/s4032/GWR01.jpg
今次既 Cornwall 之行係相當豐富 - 除左去 Land’s End 同 St. Michael's Mount 之外，亦去埋一海之隔既 Isles of Scilly。 雖然呢個星期既天氣都係不似預期，不過陰天下既 Cornwall 亦有自己獨特既風味喺度既~~
https://blogger.googleusercontent.com/img/b/R29vZ2xl/AVvXsEiJ52Y655VOgaJbl7LBTLVnzf3Z5V_1AOm5QZmUmy8WH6jVQg8zqImqnpXMjveYNyqXw3l7BN4QNr7AkTALkcs91wpWOC9LjzEywoLFO5vgzr0eaptvw1Rx7CLbuGrdCWeQujXx2lmE2Kd0TPH8LMdXk86h-zc_hB7fFRBqj0478fu4BNdMEnmPw4IxQ38/s4032/GWR03.jpg
小弟係 St. Ives 遊覽半天後，於晚上八點左右到達 Penzance 火車站 - 雖然 Night Rivieria 於 21:45 才開出，不過持有 Berth Reservation 既乘客係可以於八點後使用該站既 First Class Lounge 既~~ 有見及此，小弟就先前往貴賓室稍休片刻，等候登車。
https://blogger.googleusercontent.com/img/b/R29vZ2xl/AVvXsEiZtX7uRQ9TOxqOLYnwjavZh9-ZRq00-ysBoETNXDnyq_IK5swr709AbAbYqtQbk2PQ8rAmDC8ljWtRR54rwrHdrPUs38bvEUHoH9yJ1GxNjWmzfJul2BaTuU5k9IHxv_4uS5U3IsnB1mcY6MixoXpZVabB3dzxsnemdEDVBSb1HCS_Ti8_AOwM37zC-Nc/s4032/GWR04.jpg
Night Rivieria 係一部 “Proper Train” - 由多卡 BR Mark 3a 客卡組成，並由一部 Class 57 柴油機車牽引~~ gWr 係擁有自家既 Class 57/6 車隊，唯今晚 Night Riviera 既 Traction 就黎自呢部 GBRf 既 57305。
https://blogger.googleusercontent.com/img/b/R29vZ2xl/AVvXsEhezBCAQ8131ou3VEe8riuAhN_ZKJLQauYvE0-v8OuqahPgoZ9z3mh0gRkRpUUCqUQLfBuPR8z6zcfSdfvrZ80fboJhQttCH071fG8NIqyMvFcHIjHsNQXuVEP5Nqpa5a5VwUqQlTPdTRdABJd2W7lyioj__Hef8XQHKpssWdCsN3rBb06T4AaN_Hbqhfk/s4032/GWR05.jpg
Night Riveria 係 21:15 開始登車 - 如果閣下係有 Berth Reservation 既，閣下上車前必須同圖中呢位職員進行登記手續。基本上，呢位職員就係今晚 “火車酒店” 上既管家 - 旅途途中遇到咩大小二事都可以搵佢幫手~~
由於今次係小弟第一次搭呢一個火車，同職員登記時 職員係要求小弟先去房間進行房間簡介以及講解安全需知 順便安排埋翌日抵達倫敦之後嘅早餐同貴賓室安排。
https://blogger.googleusercontent.com/img/b/R29vZ2xl/AVvXsEirve_c-FzXXJr459Lt6tCj1TrqtpXDcsak8Hf_ElYF_Rx9_wMzk5K2zWCKXccSvZZsVuO4xQWhufrpi7H3Hs5bllJbvRZ6Ss4VzcIpL_okAYYMKZocN9jqVPoQPkpNnDvncosqL2OTGJo82elIKYPzLq0U7QGW1R9S_BKoRQBzRdIXaCHMtQws8AvG4kc/s4032/GWR06.jpg
呢部 Mk.3 既車門係相當特別 - 由於呢個 Slam Door 只於外面設有手柄，抵達目的地落車時，乘客係要先把車窗拉下，把身體伸出車外，再拉動手柄把門打開~~
https://blogger.googleusercontent.com/img/b/R29vZ2xl/AVvXsEguozryLCJFDOQywgFbfNwaGPY8h-4Y4KBtpVibp5T90PSel0V7Fo9oZ1wc9FMHCH9_lponOyKTjaD_FYAlVOQNLza-9QeM4kXUbY2SOFCARTiI2_x-xbD7-NvnWWuhxcInHXUBHdi9MJrQH2QJZAc2YcFUA3tJ_wp6DbzQ8AzLmsS1meSHh9YCWcFHyws/s4032/GWR07.jpg
基於安全考量，大部份配有 Slam Door 既 Mk.3 車卡已被改裝成趟門設計或退役 - 而於 Night Rivieria 上服務既 Mk. 3 則被裝上 Window Locks，防止乘客於行車期間開窗 把身體伸出車外。
https://blogger.googleusercontent.com/img/b/R29vZ2xl/AVvXsEj83o__P_YAJktIq15TyD01b1jIC69dtHtmPkqocDV5u5A5BmAGxCamE4uLqhCODptA9mQPsgfmPM0Sg3c2atbJk2Cd09LeuhIMCvvbI_SmRG6q3L69OLCbgZE4rcU0s5aaGnhoqsnUqbeUb0c2SpufPFikdYka9QPpVrYdnh5ilmZ3ntX_ODdpUn61_I8/s4032/GWR08.jpg
First Impressions - Cozy, comfy but slightly cramped.
雖然今晚服務 Night Rivieria 既 Mk.3 車卡全部已經過左四十大壽，不過今晚房間係非常企理 同整潔。雖然空間方面係稍為淺窄，不過呢個標準雙人房設計亦係相當實用 - 每個床頭各自有三腳插 & USB 插頭 同燈光開關，而除左有衣櫃 鏡子 同洗手盤之外，床底亦有空間擺放行李。
https://blogger.googleusercontent.com/img/b/R29vZ2xl/AVvXsEhHPDs_0IVT2WuJ19qjXvc07Em3077iO8e7WqSVRjOn8xB3p8QJ9moQwxCXtVvzWb2sygelMVeJiLmaewZhh4qclu_X116aowJesndQh99zt8NdCeBzxQAZftb5QYHWk-yjEzoW4jAcvafzp7TkktkRxECpoau2kSM78_zLnVswaNk6x9HrCjpkSo0FW1I/s4032/GWR16.jpg
通過走廊既時候 見到呢個打開晒兩格床嘅標準雙人房 - 相信兩個旅人要相當有默契先可以係一個咁有限既空間內走動~~
順帶一提 - 唔知係咪小弟錯覺 - 感覺上 上格床好似係寬闊過下格床?
https://blogger.googleusercontent.com/img/b/R29vZ2xl/AVvXsEg8n8prCMCm6ZHI5m-TWVXJxacCJEoBsFuAwlYEDAW2sIN2-ezCvP3EAUeU2WgFbhrxvEsHP48Sj9FP4CV1ENNkJ4lQpvtBPvbOeOIyJCltAP46niluq_lO5RqbiOHSij1zZdZZIhznKxIYWFfL9205grz3_GPjWc0bVGUWXa-5kTTOxUg7KI8yFeSr9Hg/s4032/GWR11.jpg
呢個衣櫃亦唔係太大個， 基本上只係裝到兩件厚褸咁大把~~ 不過衣櫃左邊既門就比較特別 - 呢個門係通往另一個房間 - 如果你同相熟嘅人一齊搭火車，並預約相鄰既房間 (例如一家四口咁) 車上職員係解鎖呢度門，並將兩間房間打通。 (不過相信使用通宵火車既人較多都係一人或二人成行 - 唔知呢個功能咁耐以黎 用過幾多次呢？)
https://blogger.googleusercontent.com/img/b/R29vZ2xl/AVvXsEjRXgOA6sGyQ1ApWDrP-EeRf4P7NjlsuEtuCaxqL4d5mPiDDXw1-fnez6OqOdNtJDc02z8VhGhIb77X1s0oN6zoagFNwLA0-E0YXOp-p_oUive1T6VL8ZkyZwWiVF-6eax9zx9-DFJVGbhpdo_cdUpqTivZkAGoTVSUKTqyQUivhm6sAH6ZQFgNAbCzj1g/s4032/GWR10.jpg
今日小弟係買左一張 £87 PZE > PAD 既 Super Off Peak Advance Single 以及一個 £79 Berth Reservation - 據小弟理解， Berth Reservation 既價錢係會按季節浮動，而如果閣下有 Railcard 既話，PZE > PAD 既部份係可以獲 33% off 既~~
不過留意翻 - 今日既車票並唔係一張頭等車票，而係一個另外附加房間既 Second Class Ticket - 因此，正常既 First Class Lounge Access Rules 係並不適用 - 使用貴賓室時必須留意 gWr 另外為 “Sleeper Passengers with Sleeper Berth Reservations” 而設既限制。
https://blogger.googleusercontent.com/img/b/R29vZ2xl/AVvXsEj9u_OchIAav8mbDVuCjb3aS_UGFpXFU3c11mR83lz17e7HmgXN_xN2jj8CJgQ29iQyjx9mnPQsSt4tUYGFWLpYw8wkAJvx5kXaUIMzYCgy8JEJhi-H6TThAwgXMiE_1J3M0RhO8U5uRt26y_PxIeAqhg_LYdYTkw8jvTU1hJy18PUhflQ6t-wf7-NRanM/s4032/GWR13.jpg
車上職員為小弟安排好翌日既早餐安排之後，小弟便前往 Lounge Car 參觀 - 同房間設計一樣，呢個空間亦係同樣舒適 - 小弟幾鍾意呢個 angled seats - 惟乘客於呢個座位放鬆時，乘客既腳部絕對係一個 tripping hazard 黎~~
https://blogger.googleusercontent.com/img/b/R29vZ2xl/AVvXsEg1IBMYN35FFGf1z8JDFMCmKhaX9vZNSp1A5M-KvVZmcwQeCvqzUwYhUJCXkVy934okuRvO8uC9-_aDhBQwJ7ddy8TGKp4cp7w2P0wxgzUoRui0loxeSDWPBlz8K5mYpCA0mKWoB9eMbrD2GJtSahDUFE3OBZreBvKGTtS5jpGdZ1lr_CAM67iu0ECIGQM/s4032/GWR12.jpg
持有 Berth Reservation 既乘客係可以優先使用呢一個空間，並可享有 complimentary 既熱飲同小食，而只持有 Seat Reservation 既乘客亦可以於 22:45 後使用呢個 Lounge Car，惟所有飲品同小食則須自費。
https://blogger.googleusercontent.com/img/b/R29vZ2xl/AVvXsEhw5qa4DmMz2qr7O1O2XHzAZcN_1XYY4fPQWLJ26nYAlvz0XTsklN5XLTCiAl3Krae3OzHxCSX6CHO1vQkjqbekGnX5srqteBRfEgbNr2_WLgumIc9HAEJzIbv_oKQUl1iyU1fKJ2uKrfmEm9T3UimnNTo-NKFxfqpvhDTuId1cRLIzJWFSBozQdKhq_KU/s4032/GWR14.jpg
Lounge Car 後方就係 Seating Carriage - 同英國鐵路一般既 Second Class 一樣，座位都係用一個 2+2 既 layout - 座位會比日間列車 (例如 Class 800 IET) 上既座位稍為舒服，惟比唔上使用 1+2 Seat Layout 既 Caledonian Sleeper~~
https://blogger.googleusercontent.com/img/b/R29vZ2xl/AVvXsEj5WXhH4qJogPohQtq5naAsoS3AyIqcul7RWiF7aqHxRT8DWCD4HuvOKowRT5iKiPDtZZg1JHXM5owVO3q-i4tAyvXcM4rrhYWzvbtr4k2e82gxmuIw_IVu8U5mphLrzdZSzAoflzWgJai4sM3B0eZuqd5HbJiJuOtLDTPwzmOiMFxG3RgKHUFkAKHlZB0/s4032/GWR17.jpg
瞓先，聽朝見~~
https://blogger.googleusercontent.com/img/b/R29vZ2xl/AVvXsEj7oodCSwlWwQfXHvPoGh0XYuGWDwifYMUysZSisik4XDU9EnwmNYYbHuMxXRI1sR-Mq20aes9H4oFPUuDtOMn2TRs7FSAj3c5g00_620F4Rfw7Tcxa-fTvSd4Dz67dtIPAko9ow9lNVW3RmIM4o_cwJ8nX0W51YUNPADlJ1Cl6n4-2YM246KVnEYg321k/s4032/GWR18.jpg
只相信有日 雲霞萬里 風中吹散 朝陽極燦爛
白蘭樹不知道 那芬芳也 越來越淡
夜闌人靜 moon tang
https://blogger.googleusercontent.com/img/b/R29vZ2xl/AVvXsEjYFDRC7UbDGa-90jnadLPwRNYHvjqa8w-KG2fEABnk7KZBMXu_6pN01A7O3FWUI8PBxYm5ahCegXU0HG33GTLCDmbRx8tdkGCyl5vqjE5xsxgAMKmQBg5cPpDSVlgpotswr1z5jitB9bdsSVqVhYZwjHoEMpvartBXgH80QTdd5gHVuEdKd094fQgV97I/s4032/GWR19.jpg
Good Morning London Paddington！
雖然小弟好少評論 Ride Quality (好多時候呢個係關乎路軌保養多過關乎火車性能) 不過由於呢個直接影響睡眠質數同乘車體驗，所以小弟都係呢度淺評兩句啦~~
呢度要先讚一讚 gWr 先 - 小弟係訓得 ok 既 - 床氈軟硬適中，而車廂內溫度亦保持係一個非常舒適既 24 度左右。雖然每個房間都設有車窗，不過窗口布簾係可以擋走 100% 光線 - 當所有燈光都係關上既時候，房間入面真係漆黑一片~~
為減少車廂震動，Night Rivieria 係特意減慢車速行走呢個多彎 Cornish Main Line 既 - 日間時段既 Penzance - Paddington 班次只需五個鐘就行完整段幹線，而 Night Rivieria 會用上接近七個半小時往來倫敦。可惜既係 今日班次共有十四個中途站 - 不停既加速 減速同停頓 都會影響睡眠質素 - 小弟當晚係火車抵達 Plymouth 時 亦被煞車聲嘈醒。
呢個就係因為車廂隔音欠奉 - 小弟房間雖然位於車卡中間，不過都會清楚聽到車卡既 Slam Door 每次開關，而兩側房間既乘客既談話內容都會被小弟聽到。相信 gWr 係知道車廂隔音既問題 - 為減少柴油發動機既影響，gWr 亦特意安排一個吉既 Mk.3 車卡放係 Class 57 後面，減少噪音影響~~
https://blogger.googleusercontent.com/img/b/R29vZ2xl/AVvXsEg1oYqrMSssfym2OAqE68XWvsQ0I-rUhRkGPDiAlB5J-fB2uvFX1vlTyyh3pd_hcWFrH8ZhC4axJzDWGV_fUxbpc10nJgP9M9C2KwH2VW-KptA1RCap9gUZNTtjM4G08pIJvkAxQYbptzd6OkUXjQrffNt2PzE3F3VtLy3IooQvSyKFydCL5CX-l7RhHyU/s4032/GWR20.jpg
有 Berth Reservation 既乘客係可以享有一個 light complimentary breakfast - 乘客可以選擇於 05:15 於房間內享用一個 “Breakfast In Bed”，或於 05:45 得到一個外賣包裝既早餐。雖然兩者既份量係一樣 (煙肉三文治, 餅乾 & 茶/啡)，不過前者就會連 陶瓷杯碟, 鐵餐具 將早餐送到府上，而選擇後者既乘客可以訓多半個鐘之外，亦可以將早餐帶走 到貴賓室慢慢享用 ~~
https://blogger.googleusercontent.com/img/b/R29vZ2xl/AVvXsEhK_O1bPgBn8zYONqv5no3wcd6zGv-TELxG7Azb6HRyQZZRV-gOaHVbVOns_GxotnVezXKgrW3V63YST3IznZDjQqNwUa8KHpDtAU5pSeRknbvZZ26pu_OBxAjcVJ0NQJLzKl8XTOETmDV-Ox-HDaDApN_O54NlcbokP-52FyFgnA7h2yr_yRSvrgpNXos/s4032/GWR23.jpg
火車經過 Reading 時 會於車尾附上另一部 Class 57，為方便 Night Rivieria 到達 Paddington 後 將車卡送回 Reading 既車廠進行簡單清潔及保養。呢部 57604 黎自 gWr 既自家車隊，並命名 Pendennis Castle。
https://blogger.googleusercontent.com/img/b/R29vZ2xl/AVvXsEjZnXIVSIEpkcT6406OroAXsIdhAQbl9HcKHUXN-t0tFnEkvbTdM_4ClAXkLDPt7bDH1J6LOtkCyrnf0Di80V4cvN6yHheu02etDP4kl5Kj4fIGO9TylgUmkNRrORpCLH7eEUdI06MlBX0DUPROT45zAXAebJeFuU41A4k6ggb7ix8CsEUy8FYWYRvqvio/s4032/GWR22.jpg
Night Rivieria 其實早於 04:50 已經到達倫敦，唯乘客係毋須即時落車 - 為增加乘客既睡眠時間，gWr 會特意安排列車於月台上停泊多數小時 - 而車上乘客只需於 06:45 前退房便可。
另外，持有 Berth Reservation 既乘客亦可以於 09:00 前使用 Paddington 既貴賓室 - 除左一般既茶啡同小時之外，呢個貴賓室係有三個淋浴空間可供乘客使用，並提供毛巾等 amenities 。
https://blogger.googleusercontent.com/img/b/R29vZ2xl/AVvXsEhq-59HgbLXCoOdl4DDvGbXZkvBwObytC1Zt6YNa7-HLXY0u2s4GCrEz5c7ZQnAzaZjPHEdptKS_aRLdcbwDT5FL_p8DY69c6K8LFy1uwM78PS-Z1l9gBSDEFtNblVU-xf6TPu_oBczCrXA-TXN-GsQklTVvI2wKcGH7WXh7PjRhjK6Xxh-ioEfAc2qPYo/s4032/GWR21.jpg
總結呢個體驗， Night Rivieria 絕對唔只係一個七小時既火車車程，而係一個十三小時既享受。
雖然今晚班次只需七小時便抵達目的地 (如果閣下係中途站上落既話 呢個時數會更加少) ，不過 gWr 係用盡一切辦法將乘客既休息時間最大化 - 除左可以於旅途前後於 Paddington, Penzance 同 Truro 使用貴賓室之外，gWr 亦特意安排車廂於月台停留，增加乘客可於車廂內睡覺既時間。
同時，熱情既 gWr 職員亦令呢個通宵旅程非常舒適 - 位於 Penzance 同 London Paddington 既貴賓室職員都好有禮貌同對同行既小朋友多加照料之外，車上職員更好似酒店職員咁為各個旅客提供服務 - 除左協助乘客前往房間同安排膳食之外，亦有介紹火車車上唔同既設施同房間設備。
最後，如果閣下日後乘搭 Night Rivieria，小弟一定會推薦閣下購買一個 Berth Reservation - 除左可以避開現有既 2+2 座位 於自己既私人空間安睡之外，購買 Berth Reservation 時附送既早餐同 Lounge Access 亦令到呢 £80 真係絕對唔可以慳~~
https://blogger.googleusercontent.com/img/b/R29vZ2xl/AVvXsEjJ6v1r7bNhY_ghE2C4hisr1gHUoFky55UMUm8IMGvzWP3OvjUgSt0OpD5s78lyGQiy43lafU2iab7FwMtBElY868mZpIXA95sbmyCOYndXWmt2QAvTX_a2NB_liQ7LEHzRFrwWuHJVnN-MhI97ExIIvHoh1kIE8yLSQVqAHXqCC3IVdSHnb2v9Bw0fluY/s4032/PXL_20250614_061905425.jpg
That was fun!
小弟落車後便趕往 London King’s Cross，轉乘一部另一部前往 Skegness 既 “Proper Train” - 今日寫住咁多先 - KGX SKG 呢部份容許小弟日後再介紹啦~~
-- 1A50 2145 Penzance to London Paddington --
57305 to Plymouth (set PZ88)
Penzance (PNZ) dep. 2145 (=)
Plymouth (PLY) dep. 0014 (+2)
Exeter St. Davids (EXD) dep. 0125 (+6)
Taunton (TAU) dep. 0158 (+8)
Reading (RDG) arr. 0400 (+2)
57305 + 57604 to London Paddington (set PZ88)
Reading (RDG) dep. 0418 (-2)
Paddington (PAD) arr. 0450 (-17)
Data courtesy of realtimetrains.co.uk
-- Socials --
小弟開咗個 IG 專頁啊~~ Follow along my adventures at @bombe_de_terre
如果閣下鐘意小弟既旅行報告既話, 不妨睇埋之前寫落既其他旅行報告~~
一個一分三十秒既故事
[*]浸鹹水遇溺記 第三十回 LM711 KOI-PPW-WRY-KOI The World’s Shortest Scheduled Flight
一個尋找 BAe Jetstream 41 的故事
[*]浸鹹水遇溺記 第七回 flyBE (Opby. Eastern Airways) BE7671 NCL-BHD-IOM
一個初嘗 East Midlands Trains HST 頭等座既故事
[*]East Midlands Trains Nottingham > London St. Pancras
當年為咗慳錢將啲陳年class 47改做就當新車用，根本就係一個錯誤決定
而家Class 57都經常壞車，時不時就聽到壞車導致Night Riviera被cut short跟住堆乘客就無得休息，要改坐801落終點 :L 我果陣坐未換新車前既Caledonian Sleeper都係呢款車箱，但係冇鎖窗
頁:
[1]