cyrcheung 發表於 2025-9-18 09:24
東薈城個新起既巴士總站，試完車之後都大執過至開放投入使用架。去停車灣、中間牆角望下就知會見到改動的 ...
巴士總站我會認同有試車的必要性﹐始終入面會有大灣位﹑有柱位.....。
真係需要睇轉灣是否順暢﹑邊個位可以長時間擺車﹑邊個位要安全提示﹑反光鏡.....﹐甚至乎要大執路面/行人路。
但係高速幹道﹐一條大直路﹐灣位幅度細﹐行車線又夠晒闊﹐派巴士試路的需要真係極低 (我指係條路的路況問題)。
反而係比巴士公司影定幾張相/影片﹐為巴士線製作 "天書"﹐供相關司機預先了解行車路線。
同埋﹐地盤/政府可以借巴士這一類大車﹐睇下地面劃線仲有無優化的地方。
本帖最後由 Qwertyad32 於 2025-9-19 14:18 編輯
【城巴中九龍繞道全新路線準備就緒💨】
期待已久嘅中九龍繞道（油麻地段）即將完工喇🚧！
城巴除咗喺今個星期完成咗中九龍繞道（油麻地段）嘅路線測試之外，同時間亦都積極準備緊開辦來往將軍澳及機場嘅全新城巴機場快線路線A28X🚌。
路線由日出康城前往機場嘅車程預計可大幅縮減約40分鐘⬇️，讓將軍澳、調景嶺以及日出康城嘅居民有更直接、快捷嘅方法前往機場。
待中九龍繞道全面啟用之後，有機會有更多嘅路線會途經中全新路段，預計來往將軍澳及九龍市區車程會顯著縮短。目前正在研究當中，有好消息小編即刻同大家share🫱🏻🫲🏼！
#城巴 #Citybus #中九龍幹線 #路線測試 #將軍澳來往機場 #城巴路線資訊 #城巴機場快線A28X
城巴 Citybus - 【城巴中九龍繞道全新路線準備就緒💨】 期待已久嘅中九龍繞道（油麻地段）即將完工喇🚧！... | Facebook
kei_hk 發表於 2025-9-18 10:00
巴士總站我會認同有試車的必要性﹐始終入面會有大灣位﹑有柱位.....。
真係需要睇轉灣是否順暢﹑邊個位 ...
就算條路夠晒闊，但劃線有無甩漏、有無路牌裝到阻住視線之類，都係要實地司機+巡邏車視角，先至了解清楚，點都要有實地試車
【中九龍繞道（油麻地段）🚌巴士順利完成首次道路測試✅】... - 路政署 Highways Department | Facebook
【中九龍繞道（油麻地段）🚌巴士順利完成首次道路測試✅】
中九龍繞道（油麻地段）的建造工程已進入最後衝刺階段🛣️。兩間專營巴士營辦商已於本周三（9月17日）試行多條經繞道往返九龍東西的路線，順利完成首次道路測試，為正式通車做好準備💪。
今次測試標誌著項目邁向正式通車的一個重要里程碑。繞道開通後，繁忙時間來往油麻地與九龍灣的車程將由現時的30分鐘⏱️大減至約5分鐘⚡，顯著提升九龍區整體交通效率🚗⬆️，為公眾出行帶來嶄新體驗🎉。
#中九龍繞道油麻地段 #交通新里程 #巴士測試 #道路測試
HV7025 發表於 2025-9-19 14:28
就算條路夠晒闊，但劃線有無甩漏、有無路牌裝到阻住視線之類，都係要實地司機+巡邏車視角，先至了解清楚 ...
你講的2樣野﹐派部私家車 + 大貨車已經做到﹐而且做得更全面。巴士的視角﹐介乎私家車及重型貨車之間﹐單靠巴士唔夠全面。
唔通﹐其他車會受視線受阻﹐巴士就唔會 (反之亦言)?:L
本帖最後由 Pendolino 於 2025-9-19 15:09 編輯
非繁搵架車每個方向每條支路行一次會無咗忽肉咩？
kei_hk 發表於 2025-9-19 14:56
你講的2樣野﹐派部私家車 + 大貨車已經做到﹐而且做得更全面。巴士的視角﹐介乎私家車及重型貨車之間﹐單 ...
巴士、貨櫃車、私家車係三種唔同嘅車型
唔存在跟據車輛長度有重型車輛>雙層巴士>私家車，有高低之分
私家車勉強可以話真係短好多唔使試
但巴士同貨櫃車嘅盲點、操控、車輛高度、入彎角度、擺尾等完全唔同，現實世界係立體嘅唔係圖紙嘅平面，唔能夠一種完全代替另一種。當然貨櫃車無問題，雙層巴士好大機會都冇問題，不過唔落場試又點肯定？
ccchhhuuunnn 發表於 2025-9-19 15:18
巴士、貨櫃車、私家車係三種唔同嘅車型
唔存在跟據車輛長度有重型車輛>雙層巴士>私家車，有高低之分
私家 ...
算啦，你同磚家講嘢都嘥氣，試一試條路真係咁大問題嗎？
kei_hk 發表於 2025-9-19 14:56
你講的2樣野﹐派部私家車 + 大貨車已經做到﹐而且做得更全面。巴士的視角﹐介乎私家車及重型貨車之間﹐單 ...
香港路面上，非掛接車輛／特別用途車輛，最長係12.8米巴士，雙層巴士亦都高過絕大部份貨車
掛接車輛（貨櫃車）同12.8米巴士，睇位方法相當唔同，實際運作都有唔少情況係貨櫃車轉得輕鬆過巴士，唔可能拎架貨櫃車試完當係
其實前面咁多回文講咁多做乜？
一日12.8米巴士係要運輸署批咗先可以行得的路段，任何新路想要行12.8米巴士都係要巴士公司咗試車先交報告等批？