981撞的士
下午17:55城巴981行96往利東方向途中撞的士
剛好我坐車頭..
當981想駛離鵝頸橋底時,1架的士突然從左插入,當時981車速好低,但都收唔切制,結果車頭左面碰到的士 bumper,981只係刮花小小,不過搞左成3-4個字,鵝頸橋底塞死哂,最後981同架的士駛到跑馬地馬場巴士站前停低,而96乘客過車846行97
撞既時候,981司機即告爆左句4字"成語"出黎,跟住就打上控制中心,其後同的士司機交涉,以我所見2個司機都心平氣和,係我心到諗起..香港人真係好...點知...96車內數名乘客不斷爆粗,係咁係到鬧個的士司機,而且過車時非常唔禮讓,甚至推撞,頭先果種香港人自豪感覺冇左...而且覺得好失禮...
另外想問同類情況係咪1定會過車?唔知係因為個司機未撞過定係點,佢問控制中心繼續行定過車
過車後981係咪會返廠?幾時會出返黎?
謝 如果只係輕微意外，巴士冇損毀，咁登記完雙方資料後巴士可以繼續行駛，唔駛一定返廠。
咁如果部的士係咁離譜，亂咁插入來，咁畀人鬧下都係抵佢死...佢阻左人好多時間，成條路畀佢玩晒。趕時間有重要事做既乘客畀佢玩死... 爆粗都可以理解 我自己有時趕時間突然遇倒塞車塞死晒都會係咁... 今晚見到981 行99... 無論如何都要打返控制中心，按照車輛損毀程度同對方反應，
會衡量繼續行車、等待稽查、定報警
頁:
[1]