香港快運 UO894 香港>靜岡 體驗
https://i.imgur.com/jlQaZmL.jpeg*本來諗住今年2025年飛行報告已經全部完晒，無諗過一年一度睇演唱會又會解鎖新航點。
一年一度睇演唱會嘅時間又嚟啦，今年同朋友商量過後決定唔再去神戶而係其他地方嘅細場，可以配合到名自行程又唔貴嘅地方就只係得返靜岡，正好係香港快運獨家航點之一，開箱同時亦係關箱呢條航線點解對香港人而言並唔吸引。吸引
日期：16OCT2025
時間：08:55(08:59)-14:00(13:59)
航班：UO894
機型：A320neo B-LCN
https://i.imgur.com/jeyepbP.jpeg
今日安排喺中場客運廊登機，但飛機實際位置係要坐接駁車去outer bay上機。問題唔係坐接駁車，而係買咗U-First變相少咗優先登機，變咗優先登車。
https://i.imgur.com/Lju9MEH.jpeg
香港機場傳統問題係大部份登機梯車係無上蓋，呢部仲要係機管局自己嘅，咁其實睇得出幾有心解決問題。今日坐呢架係A320neo，多得PW引擎令呢款機成為一代廠長，總算畀我坐到呢款機型。
https://i.imgur.com/v6Xrb17.jpeg
https://i.imgur.com/F50bKtJ.jpeg
安全指示卡。
https://i.imgur.com/bBG1ODE.jpeg
你話人少我就唔係好覺，但因為本身同朋友分開坐佢話前半付費區少人，而我自己都一個霸三個位。
https://i.imgur.com/iVRmohb.jpeg
https://i.imgur.com/xJhuZhO.jpeg
到咗指定高度之後就開始出售餐飲，呢個迷你漢堡配薯條網上預訂會比較平，談不上好食但夠果腹而已，哈根大師雪糕係唯一正常嘅食物。
https://i.imgur.com/blRjIJV.jpeg
身體缺少咖啡因所以想飲咖啡，呢個時候無意外就會係即將發生意外嘅時候。話說機艙服務員推車嚟到附近時我示意要點餐，佢哋示意先處理其他客人，輪到我時佢哋已經準備好收錢，結果佢哋以為我檯面上嘅餐點係啱啱點嘅就收咗$68，另一位機艙服務員先醒起我點咗咖啡而檯面上嘅餐點係預訂嘅，因為唔可以當場退款所以只好攞出 manual 請我揀多一樣零食補返，以為呢件事就咁結束？錯啦。
佢哋計錯第二次，因為有訂餐/機上購買餐點加購飲品有折扣，計埋零食都係都係$68，咁只好再攞 manual 出嚟問我可唔可以再揀多一樣嘢補返，由於差額只係$8最接近就已經係樽裝水，於是又要再額外畀多$2補足，多多少少感覺上會有強迫消費。本來都打算喺機上買航空公司週邊，不過因為呢件事放棄咗。好死唔死事後聽朋友講佢都係被收錯錢，你話巧合而非故意我真係唔信啦。
https://i.imgur.com/j0s5XWw.jpeg
航程唔長，睇曬iPad上預先下載嘅影集就到靜岡，時間上會偏晏少少，對於想用盡時間嘅遊客嚟講唔太吸引，單純作為出入口機場亦有問題非不可取代。
https://i.imgur.com/II6tpn2.jpeg
細機場入境出關前行李申報櫃檯會比大機場無效率，太得閒無嘢做就同旅客做啲簡單問答，基本上能清楚告訴來訪目的地同目的就可以，簡單英文對答無問題，同行友人提醒無毋須講太多，否則就會請你去入房傾幾個鐘。
https://i.imgur.com/2FaLoNE.jpeg
靜岡機場嘅硬傷係地理位置同交通，所以位置非靜岡市，機場出入全靠班次不多嘅高速巴士同JR接駁巴士先可以出市區，租車自駕亦係一個選擇，要做出入口大可以揀東京或名古屋，咁點解要去靜岡？呢啲三線航點仲有條香港<>長崎未復飛，講白啲係唔適合嗰啲要求多多想去三線城市但要有一線城市交通配套嘅香港人，於是乎香港快運喺10月已經正式結束呢條航線營運，相信呢啲三線航點連季節限定服務都會好困難。
靜岡一定傷㗎，要去靜岡嘅話有新幹線，半個鐘一班こだま再加每個鐘一班ひかり，呢班機時間又唔係話好靚好啱chur盡嘅人 咁樣收錯人錢都得:L 不過你自己唔記得你 prepaid 左？:o
飛機上面真係唔好叫薯條，好容易變到軟瀨瀨:L
落靜岡都係做跳板上返去富士山同箱根,本身無乜吸引力
反而我覺得UO冬季可以試做長野松本 S3BL100 發表於 2025-11-19 23:19
咁樣收錯人錢都得 不過你自己唔記得你 prepaid 左？
飛機上面真係唔好叫薯條，好容易變到軟瀨瀨
我自己都無留意佢一嚟當咗我係機上買餐，因為通常都會再同個客confirm 一次要買啲咩
薯條夠熱無事，係硬同痴埋一舊，食得快就得 Fuk19805 發表於 2025-11-19 21:33
靜岡一定傷㗎，要去靜岡嘅話有新幹線，半個鐘一班こだま再加每個鐘一班ひかり，呢班機時間又唔係話好靚好啱 ...
出到市區都差唔4點無咗大半日，真係不如去其他機場飛早啲
頁:
[1]