CR400BF AS 優選一等全接觸 下集 圖片集
本帖最後由 WM-ateu12 於 2025-12-27 20:48 編輯上集講完候車室，終於到上車
由於早走既關係，自動捨棄左帶位服務，所以商務候車室職員就比左我呢張receipt，用來交比檢票口職員（呢一part唔需要再出示證件），
然後就可以提早上車（大約係開檢前5-7分鐘可以落月台），商務/優選一等專用入口係最右手邊，唔洗同人逼。
**************
車廂外部，留意車外標示只係寫上「一等」，無特別標示，不過車窗就比先前既CR400BFZ一等改良，可以享受一座一窗，但係面壁情況係部分座位仍會出現，只能話略有改善。
車內環境： 始終係新車，下線一個禮拜都冇，基本冇挑剔既地方。
車廂同時提供拖鞋，藍色，質感不俗，類似迪士尼酒店提供個種質地。（上圖）
座位提供衣帽鈎。按下，彈出。不過呢····塑膠做，希望佢夠實淨，可能好快爛··（·上圖）
座椅控制器。後三個指定仰臥角度有保護裝置，要連續按2下先有反應
而前4個制就可以比乘客自由搭配仰臥角度，無保護裝置 （上圖）
閱讀燈，就個人而言，日頭黎講，車內燈光都已經夠用。
膠管唔臭味，可以上下180度調節，向左/右90度調節。（上圖）
上圖：無調節下既狀態
下圖；最大仰角
復位狀態下legroom 大約有近1米，最大仰臥角度下legroom就有大約80cm，除非你係姚明，否則一定夠用。（上圖）
小桌板，新車設計同以前既復興號有唔同，好重！，建議用既時候2隻手一起拉出黎。
左手：拉住圖（上圖）中間個皮（上圖）
右手：可以拉住小桌板表面。（下圖）
：
同時，每個1座椅前方有一張小茶几，不過似乎legroom大得滯，用手未必店到前面既水杯。
個人認為放手機播YouTube會比較啱用。（下圖）
窗簾關上既狀態，只係純粹一塊布，無採用返類似380A/ 400AF-AE 既淺間山床簾。（上圖）
一排一窗（上圖）
*******************
最後講一下廁所，都係個句，新車。
都係比較乾淨，設計用返CR400BF-設計，唯一分別係取消香囊，而係該做係抽風口放香味劑，較美觀。
廁所都係用返商務座尊屬既虹吸馬桶。
********************
全程車程（深圳北-惠陽）大約28分鐘。
近半年深圳坪山-深圳北一段有車速限制，長期壓係200kph以下，如果唔係車程應該可以縮短3-5分鐘。
15:50 抵達惠陽，旅程結束。
終結：
服務唔錯，車廂整潔度都幾好（尤其國內車迷所提及既甲醛味，聞唔到），
車內光線充足。
美中不足既係（其實都是各鐵路局既通病，
杭福深鐵路隧道都唔少，其實真系應該activate返車廂之間既自動門，不論一等、二等又好，
可以提升返乘客既耳膜舒適度先······
仲有，智能動車組，話明之物，其實有冇考慮過好似CRH1咁，水龍頭用返自動感應呢？
起碼可以保障衛生先。
現階段國鐵嘅硬技能就做到啦，不過軟技能就仲有相當大既進步嘅空間！
頁:
[1]