汶萊皇家航空 香港<>新加坡體驗
本帖最後由 szeto993 於 2026-1-2 22:10 編輯汶萊皇家航空 香港<>新加坡體驗
*本來2025年嘅飛行報告真係喺六月時已經完結，無諗過除咗十月靜岡名古屋外仲多咗一個汶萊航空開箱
突如其來嘅一次睇演唱會，亞巡地點分別喺新加坡、韓國、台北及鄰近經濟強國，如果考慮到環境熟悉語言溝通咁韓國係第一個出局，台北不用估都知道會同鄰近經濟強國一樣買唔到，咁剩低嘅新加坡可能會係最好嘅選擇。經過一大輪分析之後計漏咗兩點，其中一點係機票比預期中的貴咗好幾倍，酷航先唔講本身係廉航但價錢亦唔平時間亦比較差，轉機係相對較好嘅選擇。呢個時候喺各大旅行社同Google Flight中搵到一個比酷航更平嘅傳統航空公司～汶萊航空。
時間：14:40（14:53）-17:45（17:51）日期：04DEC2025航班：BI636機型：Boeing 787-8 V8-DLA
https://i.imgur.com/G3BzUF4.jpeg習慣性會喺起飛時間前150分鐘到機場，作為緩衝時間或休息時間，只係無諗到今次真係有啲誇張，東南亞人嘅行李跟人數每次都會被震撼到，以至於每組客人處理時間比平時用多幾倍時間，如果你已經完成online check in咁另一條隊人數雖然比較少了都排咗四十分鐘左右。https://i.imgur.com/COMxdHk.jpeg主要去亞洲地方所以無論去邊度我大多都係帶一個背囊同手提登機箱，汶萊航空對手提行李件數及重量捉得比較緊，經濟艙check in時嚴格執行一人一件手提行李（登機前買拌手信係例外），本來都諗住坐大機會無問題，結果行李箱要托運並相信行李會跟到轉機。https://i.imgur.com/RGrgdKc.jpeg呢日登機閘口喺67雖然未到最尾，亦只能去最近嘅環亞貴賓室。指示只有寫美國運通信用卡貴賓室同美國聯合航空公司貴賓室，要到電梯口先會見到環亞個名。https://i.imgur.com/bT6ZUFT.jpeg感覺係三個環亞貴賓室中坐位數中最多嘅，由於係更上一層樓所以會更開揚。https://i.imgur.com/0FdPiSR.jpeghttps://i.imgur.com/TLbAxfM.jpeghttps://i.imgur.com/ZMvPBJ1.jpeg喺呢邊會更容易影到飛機。https://i.imgur.com/tBRYjne.jpeghttps://i.imgur.com/YegkmyL.jpeg吃就係佢哋嘅弱項，就只有魚蛋河粉一款特色熱食，其他就非常普通。https://i.imgur.com/VuiU0H4.jpeg吃飽飲醉就等待上飛機，揀汶萊航空嘅其中一個原因係有787可以坐，幸好無改機型。https://i.imgur.com/cUjZncP.jpeg汶萊航空登機順序係按座位排數分的，我坐喺靠前嘅區域所以比較先登機。https://i.imgur.com/hVv1OC3.jpeg今次坐經濟艙第一排，系統編排嘅無加錢，我覺得可以方便落機所以無改。https://i.imgur.com/Dw7hw7Z.jpeg前方嘅儲存空間都夠用。https://i.imgur.com/CiRERSQ.jpeg耳機會由機艙服務員派發，入耳式但呢啲耳機有聲音就夠啦。https://i.imgur.com/vM1KrkB.jpeg汶萊航空其中一個特色係會喺安全示範影片前播放一段可蘭經，唔討厭反正就係無咩感覺，順便看下汶萊嘅景點。https://i.imgur.com/vRlnoIo.jpeghttps://i.imgur.com/uxBd2Z5.jpeg安全指示卡。https://i.imgur.com/uiYGJ7j.jpeg汶萊航空嘅機上購物雜誌，因為宗教問題佢哋係不販售亦唔會喺餐飲時間提供酒精飲品。https://i.imgur.com/LAqREYi.jpeg娛樂系統屏幕都熟悉嘅面孔，內容介面就非常簡單。https://i.imgur.com/af0swSm.jpeg電影好意外有兩部香港作品，喺同屬國際電影分類下韓國嘅作品都意外地多，對於我嚟講唔吸引。https://i.imgur.com/mofbFuJ.jpeg餐飲時間，今次有雞肉跟魚嘅選擇，我揀咗黑胡椒醬雞肉，甜品係朱古力蛋糕，每個餐會跟一杯飲用水同額外一杯飲品，注意係無酒精飲品。https://i.imgur.com/Uig6s7G.jpeg落機前旁邊嘅乘客夫婦兩人同我傾咗幾句，佢哋十分好奇我一個人係唔係去汶萊旅遊，落飛機後我哋分道揚鑣，我直奔去轉機安檢區趕下一趟飛機。https://i.imgur.com/Au9ihKt.jpeg真不愧係細機場，非常好彩人非常少，五分鐘就過關，所以汶萊轉機四十五分鐘都係可以嘅（今次後來改成五十五分鐘但唔影響結果）。https://i.imgur.com/VPh0Cil.jpeg差不多一眼就睇晒整個候機大堂，出境後商店有非常少所以真係只能坐或去廁所踎。順帶一提汶萊機場WiFi係有時間限制，對於轉機時間比較長嘅旅客唔係好事，而且網速就只係足夠給你用SNS之類。https://i.imgur.com/hYVDekg.jpeg汶萊航空已經五十週年，喺機場嘅一個角落有佢哋嘅展覽。https://i.imgur.com/RNOy4YB.jpeg好意外地會有星巴克，但注意因為汶萊航空網站資料無更新所以營業時間會同實際有出入，同學們記得呢個重點考試會考。https://i.imgur.com/5EtnlIO.jpeg點解明明轉機時間不足一個小時都夠膽嘗試？真咁啱呢日係同一架飛機做埋汶萊<>新加坡，結果係第二段少少delay。
時間：18:40（19:06）-20:45（21:08）日期：04DEC2025航班：BI423機型：Boeing 787-8 V8-DLA
https://i.imgur.com/hcC5bKO.jpeg汶萊機場嘅登機順序都係用座位行數分組，地勤會舉起牌呼叫乘客。https://i.imgur.com/MXfrqs0.jpeg呢段又是坐經濟艙第一排，都係系統派畀我我無得揀，不過派到中間嗰一排感覺有啲衰，隔離有小嬰兒，不過細佬仔無吵鬧真係好好，旁邊嘅夫婦我估新加坡人真的有好好咁湊細路。https://i.imgur.com/HSlOAem.jpeghttps://i.imgur.com/fRx40xD.jpeg既然電影唔鐘意睇，反正起飛後就閂燈不如聽音樂或訓一陣更好。打開音樂內容，喺世界音樂分類居然有唔少中日韓的歌手，流行曲同動漫歌曲都出乎預期嘅多，可以話係比日本航空公司舊系統更日本。有一點必須要提，人哋至少無搞錯LiSA同Lisa。https://i.imgur.com/kgV9Oph.jpeg第二餐，今次係牛肉跟魚的選擇，咖哩牛肉好香好好食，小麵包係溫暖嘅趁有餘溫夾埋牛油食，甜品係芒果慕絲蛋糕我覺得普通。https://i.imgur.com/SnnJEGn.jpeg本來想大力稱讚汶萊航空嘅音樂內容，但喺中文歌內混入咗奇怪嘅專輯封面，即刻收回讚。https://i.imgur.com/h6t5FuM.jpeghttps://i.imgur.com/1hNmwLz.jpeg兩小時左右到新加坡，新加坡樟宜機場能夠攞到非常高嘅排名非浪得虛名，入境手續簡單到不得了，幾乎都係自助式同幾年前嘅印象完全唔同，就同返香港一樣需要等待行李送達。https://i.imgur.com/Fo7BeUp.jpeg新加坡樟宜機場最叻嘅就是機場交通，巴士捷運的士咩都有，但就係最平嘅巴士同捷運就是傻嘅先坐，今次酒店安排喺一個交通非常方便嘅地方但偏偏巴士係單層無地方放行李，機場捷運係支線唔係直通市區，明明工程沒完成硬係要喺路線圖上列出機場支線同另一條線已經相連接。時間太夜啦啦坐Grab係比較好嘅選擇，standard 同premium差唔多錢當然係揀premium ，但豐田Harrier都算premium？
時間：21:25（21:24）-23:35（23:23）日期：06DEC2025航班：BI424機型：Airbus A320neo
https://i.imgur.com/hW8Tw05.jpeg離開呢一日，新加坡呢個國家唔似台灣或日本一樣行李儲物櫃隨處可見，如要爭取時間去市區行街咁機場嘅行李寄存服務係一個可靠嘅方法，一日收費算係合理嘅，傍晚返嚟攞就好。https://i.imgur.com/am76t7B.jpeg雖然我個人非常討厭香港國際機場搞LED顯示屏播瀑布畫面，但因為事隔太耐無印象樟宜機場都有搞，光污染令隻眼非常唔舒服。https://i.imgur.com/OsxEN0G.jpeg習慣提早到機場，今次原因係兩個航段一段可以搞online check in但無法提供電子登機證，一段係完全無辦法做online check in，地勤可以答到嘅就係新加坡段因為當地法規問題無法提供登機證，汶萊段無解。https://i.imgur.com/H0Kfalu.jpeg行李托運完成登機證亦攞到，充裕嘅時間可以去JEWEL吃個晚飯再出境，跟住指示走大約十分鐘內會到，呢個時候應該提提世界跟唔上香港嘅T2 + 11 SKIES。https://i.imgur.com/wv28kVA.jpeg松發肉骨茶要排比較耐，去壽司郎反而更快，不過呢次吃完下次就知道新加坡食壽司郎中大伏。https://i.imgur.com/stoU9Cd.jpeg邊食飯邊睇app提示，留意航班是否有冇更改登機閘口。https://i.imgur.com/IHEZAQj.jpeghttps://i.imgur.com/o0m0WUZ.jpeghttps://i.imgur.com/ByMOlD0.jpegJEWEL星耀樟宜無論去幾多次都會覺得新加坡人識規劃識商場營運，人流𣈱旺是基本嘅，相對於香港11 SKIES公私營合作做出嚟嘅怪胎真係可以達到同JEWEL一樣嘅效果？https://i.imgur.com/5grcUmJ.jpeg食飽之後直奔返T2出境，今次唔使買手信，酒精亦唔能夠帶所以直接去登機閘口坐。https://i.imgur.com/NJAuO3y.jpeg其實樟宜機場都唔算不算大，但人家都有提供免費電動載具，大阪伊丹機場同款。https://i.imgur.com/76VRUVm.jpeg今晚坐A320neo，屬於汶萊航空最年輕嘅機型，本來我是拒絕嘅但問題係佢哋咩時候派787咩時候派A320neo我真唔知，只可以揀坐同唔坐。https://i.imgur.com/Xw60Cda.jpeg再一次被安排喺經濟艙第一排，腳部空間肯定足夠，娛樂系統高掛喺前方必須點讚。https://i.imgur.com/wtdyDoz.jpegJAL同款搖控器，應該就係前排限定。https://i.imgur.com/a8GnzhH.jpeg娛樂系統介面跟同公司787完全唔同，係主流方塊式界面。https://i.imgur.com/OomXOuB.jpeg今次餐飲是雞肉配炒麵，味道唔錯。https://i.imgur.com/VvPx3JL.jpeg終於就嚟到汶萊，感覺比印象中更現代化。https://i.imgur.com/NLDL3L1.jpeg返到熟悉嘅地方，時間已經嚟到接近晚上十二點了，喺汶萊你可以選擇入境然後第二日早上返機場或喺機場過夜，而我選擇咗喺機場過夜。訓座椅？呢個係無可能嘅事。https://i.imgur.com/i6gMsiH.jpeg呢個時間嘅汶萊機場所有的商店已經結束營業時間，所以肚餓口渴點算？https://i.imgur.com/iuqKYHZ.jpeg幸好機場係有24小時自動販賣機，冷熱飲同零食亦有提供，可以用信用卡付款解燃眉之急。https://i.imgur.com/ELmP5ya.jpeg唔使訓候機大堂嘅，他們是有付費嘅過夜旅館但只有四個房間，喺上貴賓室嘅旋轉樓梯落一層就到。https://i.imgur.com/UHhLWIh.jpeg有冇見過旅館唔需要登記證件？基本上無特別問題工作人員全部都係隱形嘅，要打電話先叫到人。https://i.imgur.com/S7hxV1B.jpeg汶萊機場過夜旅館一共只有四個房間，必須事前透過booking.com或Expedia等網站預訂，預訂成功就會喺訂房網站訊息功能內向你索取資料（航班資料、入住及退房時間），留意返最多只可以使用12小時，入住前會收到教學及房間電子鎖密碼，不過對老人家有些少唔方便，當日另一組客人唔識用結果需要自行致電尋找工作人員協助。https://i.imgur.com/Ph2wDsY.jpeg其實房間一啲都唔細，係可能保養上比較差。https://i.imgur.com/shZBtFx.jpeg廁所正正常常，不過就無廁紙用。https://imgur.com/o77KKgJ.jpg浴缸 aka 企缸，老實講我咁鐘意浸浴真係唔敢用，一眼望見乾淨程度差強人意。https://i.imgur.com/8pyz16Q.jpeg衣櫃得兩個衣架都夠啦，掛一件面衫一條褲。https://i.imgur.com/m669jQS.jpeg雙人床係四間房共通之處，床褥同枕頭偏硬，叫做好過訓街。https://i.imgur.com/pcjeQ6w.jpeg電視係智能電視，可以睇YouTube、Netflix之類串流媒體，插座數目亦相當充足。https://i.imgur.com/eANTCWs.jpeg比較意外嘅係有提供萬國插座，方便到各地旅客。https://i.imgur.com/YY9x4gV.jpeg拖鞋都有提供。https://i.imgur.com/PYkarBD.jpeg如果無book酒店，機場有淋浴設施，起碼唔使成身味。https://i.imgur.com/3azyLOh.jpeg訓醒咗（冷氣凍醒），去梳洗一下就去食早餐，大家熟悉嘅Starbucks 係仲未開，汶萊航空嘅資料係開07:30但實際上係08:00，憑登機證消費滿$15有折扣。
時間：10:30（10:37）- 13:35（13:48）日期：07DEC2025航班：BI635機型：Airbus A320neo
https://i.imgur.com/uPrLQ7t.jpeg回程航班早就收到通知更改成A320，嗰一刻我幾乎嬲到暈，我明明就係衝住787先買汶萊航空。https://i.imgur.com/H9jVP1Q.jpeg汶萊彩繪機。https://i.imgur.com/Z4Y2s8Q.jpeg亞航嘅彩繪機。https://i.imgur.com/TPRMfyf.jpeg終於等到登機，不過今次登機順序係由前後前後直到中間幾排，你知道結果係咩未？就係手提行李好難放喺自己頭上嘅空間。https://i.imgur.com/RGmMsKj.jpeg今次可以趁無人影下座椅，A320neo換上咗皮椅舒適度肯定係有提升，另外新加坡地勤安排喺需要加錢嘅逃生出口位，相對會更舒服。https://i.imgur.com/7LWzEDq.jpeg可能被廉航荼毒太多，腳部空間咁大真係唔習慣。https://i.imgur.com/DneRTQ2.jpeg汶萊航空歌曲庫實在太多，再挖一下有THE FIRST TAKE嘅作品，品味不錯。https://i.imgur.com/13ZLd5F.jpeg去程講真787坐唔滿，今次返香港直接客滿。https://i.imgur.com/5YK1NgI.jpeg最後一趟今次食番茄魚肉配炒飯，有三色豆必須好評。
所以經歷過這次體驗會唔會再坐汶萊航空？唔去新加坡咪沒事囉。
Royal Brunei 應該就唔會係我首選，就算用 787 非香港都好，dry airline 唔供應酒品係硬傷
講開 online check-in, 我之前搭 SQ 新加坡返香港，都係做唔到 online check-in，error code 話有額外文件要 check（香港人用特區護照返香港，唔知要 check 咩）；去到機場用自助機搞，就無呢個問題 可能廁所隔離有洗籮柚，唔預你會用廁紙卦 KV8948 發表於 2026-1-5 18:38
可能廁所隔離有洗籮柚，唔預你會用廁紙卦
伊斯蘭教徒普遍用水清理下體，佢哋認為水係乾淨過廁紙，祈禱前係要洗籮柚的
本帖最後由 1372mm 於 2026-1-5 22:29 編輯
好文必須支持
大大有冇望過澳門航空飛新加坡？傳聞話唔係大陸長假期嘅話價錢都ok:lol
我就搭過一次，總比廉航好，不過我係跟旅行團所以唔太知機票價錢
同埋我就真係唔覺得章魚機場啲過關機有幾巴閉囉，我當年係過唔到浪費咗我半個鐘
本帖最後由 1372mm 於 2026-1-5 22:28 編輯
Fuk19805 發表於 2026-1-5 20:04
伊斯蘭教徒普遍用水清理下體，佢哋認為水係乾淨過廁紙，祈禱前係要洗籮柚的
...
話雖如此，但嗰舊嘢叫bidet，法國佬發明嘅
我去馬來西亞都有廁紙啦，人哋頂多加枝水喉俾你自己洗
1372mm 發表於 2026-1-5 22:26
話雖如此，但嗰舊嘢叫bidet，法國佬發明嘅
我去馬來西亞都有廁紙啦，人哋頂多加枝水喉俾你自己洗
所有嘢都冇衝突
人哋發明咗啲好嘢，啱佢哋嘅理念咪攞人哋啲嘢用；你去中東嘅話都會見到好多bidet，冇bidet嘅地方就會有條水喉喺個馬桶隔離，都係用嚟洗屎窟
另外就係馬來西亞係好多宗教喺度，穆斯林得嗰一半多少少，好難淨係跟穆斯林習慣，而且馬來西亞唔同人種唔同宗教係會有衝突；文萊反而有8成幾穆斯林，你見樓主連坐飛機都要念經就知呢個國家係個有幾穆斯林嘅宗教國啦
KV8948 發表於 2026-1-5 18:38
可能廁所隔離有洗籮柚，唔預你會用廁紙卦
係旅館無補充啫，機場廁所本身係有廁紙提供，房入面連沐浴露都無補充 1372mm 發表於 2026-1-5 22:22
好文必須支持
大大有冇望過澳門航空飛新加坡？傳聞話唔係大陸長假期嘅話價錢都ok
澳門航空唔係出名full service 價錢廉航服務咩？
前幾年第一次去新加坡入境要排人手櫃檯，每個旅客處理時間都同日本差唔多，不過時隔多年再去發現已經方便咗好多變全自助過關似我哋出入境香港 Waiyin12 發表於 2026-1-4 00:58
Royal Brunei 應該就唔會係我首選，就算用 787 非香港都好，dry airline 唔供應酒品係硬傷
講開 online ch ...
無酒精但平真係好難拒絕