問關於巴士開前門落客嘅準則
本帖最後由 TA7343@N241 於 2026-1-8 21:41 編輯想問巴士公司有冇指引，喺某啲特定巴士站先可以開前門落客？就算係有落車分段嘅線。
事源琴日（7/1）朝早8：50洲頭同另一個客上76K入上水。
睇落頂晒閘，只係啲客迫晒門口，上層大量吉位。
去到白石凹，個站冇人上，但大約20個客（應該都係古洞地盤客）要落車，個個迫門口嘟分段拎 $2.9回水。
由於對前門冇開咁滯（我企門口，空間只係緊緊企多一個），班地盤客即刻鼓譟同非常激動，更差啲郁手打司機。
司機一直冇聲出，最後亦冇開前門，直至到上水站先開。
唔知係咪司機見到咁樣，認為開前門可能會更加危險。
反而想知公司有冇指引，去到某啲站先可以喺冇人上車下開前門落客，除非有乘客預先講定。
例如B1南行元點，或者276系到上水站，司機先會自動波開埋。 正常頂晒閘，企車頭想喺前面落車，多數都通融比嘅。
講返你個case，好大機會係班地盤佬態度衰，我做司機嘅都唔想配合你啦。
不過又可以分享吓，城巴77 99筲箕灣上耀東有雙向分段。試過有人落車喺車頭拍完回贈，司機叫佢喺中門落車。結果俾人投訴，仲要出埋通告，要容許乘客車頭攞完回贈喺車頭落車。 Busmtr 發表於 2026-1-9 02:20
正常頂晒閘，企車頭想喺前面落車，多數都通融比嘅。
講返你個case，好大機會係班地盤佬態度衰，我做司機嘅 ...
唔係頂閘嘅問題，而係佢哋唔肯行入去。
至少落完好快就開走，同落完企門口嗰浸，唔見有人由樓梯落。
同埋班地盤佬都係嫌司機唔夠主動唔夠醒水。
如果一到站主動開前門，相信唔會發生咁嘅情況。
問題在司機會唔會認為一開門嗰下就造成混亂。
當然，以前日咁個情況嚟睇。
肯定嘅係佢哋係熟客，而且唔係第一次整到假頂閘。
加上之前其他司機係有主動咁開前門落，只係啱啱遇到個司機"執正"做。 263 去到沙田站有部份車長係開曬頭尾閘落客，有啲車長淨係開尾閘落客，不過比一啲一早落定嚟企定喺車頭度
頁:
[1]