lsc04d11 發表於 2026-2-20 19:16
以你咁講法 拍左就放行
有個阿媽單丁一條友 但唔小心拍錯左小童八達通 又可以放行個原因就係”都拍咗卡 ...
亞媽（一個成年人）單拖一條友拍小童卡，咁明顯，司機唔做野就明顯有問題。
但學童用小童卡，又介乎小學尾中學頭，根本難以分辨，直接相信小朋友無錯誤使用小童卡，又有什麼問題？
cky 發表於 2026-2-20 17:28
唔會喇宜家啲學校都改用晒拍卡返學大校細校蚊型校甚至摺校都用緊
真係冇邊間宜家唔會有學生證喎
真係未必間間有
我識個間到宜家都仲係用手冊當學生證明
kei_hk 發表於 2026-2-20 17:02
#1 的cap 圖內容 :
1: 去航天城﹐唔係去坐飛機/過大海﹐無證件係好正常。
唔話無證件唔正常，而係去航天城呢個死場本身佔比已經係極低
個兒童場過埋今個月執笠直頭會係趨向 0
有懷疑就要問係冇錯嘅,換轉情況係港鐵一樣會查
反而想知如果港鐵查飛隊遇到一個唔似11歲但拍左小童卡又聲稱冇身份證係身嘅時候佢地又會點處理,按過往經驗港鐵應該唔會一句冇帶就放行,睇下個處理方法巴士公司有冇機會可以參考
長遠來講，政府應該強制小童同長者優惠必須用個人八達通卡，或者經實名認證嘅電子支付工具
吳宗錡 發表於 2026-2-21 01:28
長遠來講，政府應該強制小童同長者優惠必須用個人八達通卡，或者經實名認證嘅電子支付工具 ...
港鐵要用學生個人八仔先有半價
正常中學生就已經會轉用個人八仔，真係得好少人會有機會過咗 12 歲而又仲用緊小童卡，頂多咪上半年出世滿咗 12 歲又未升中學囉
事實上佢地真係無法例規定要戴證件出街喎
咁佢真係無，你最後又咪要放，唔通停車報警拎福利咩（定呢個先係真正目的？）
KE7066 發表於 2026-2-20 23:25
唔話無證件唔正常，而係去航天城呢個死場本身佔比已經係極低
個兒童場過埋今個月執笠直頭會係趨向 0
理得人家係去遊車河﹐定係有約會。
而且﹐只係巧合在於A線+有推廣優惠。
成件事可以在任何一條路線出現﹐唔通你又會講 XX線根本無兒童乘車的需求?
AP149 發表於 2026-2-21 01:21
有懷疑就要問係冇錯嘅,換轉情況係港鐵一樣會查
我相信﹐在港鐵的情況﹐係唔會深究是否錯誤使用小童八達通。
1. 自稱11歲以下﹐你有什麼方法去即時查證?
2. 就算佢真係over 11歲﹐真係呃你。
佢地又因為唔需要帶證件出街﹐你又點樣即時證明佢over 11歲?
**除非佢誠實﹐自己講出真係夠11歲 or 自己主動交出證明。
一般11歲以上都讀中學﹐佢地一般都用晒學生個人八達通。
車費同小童八達通係一樣﹐無誘因去用小童八達通而唔用學生八達通。
所以﹐可以有理由推斷﹐佢地真係正確使用小童八達通。
套用番巴士﹐雖然係有車費不同﹐小朋友真係慳到錢。
但係基於上面2條問題﹐最終你都係查證唔到﹐學上面所講﹐真係想呃福利咩。
再用打工仔心態﹐既然無法即時證明小朋友的年齡﹐咪相信乘客囉。
唔通真係攪大件事﹐叫乘客的家長﹐自己去搵交通公司做投訴/申訴咩。
kei_hk 發表於 2026-2-21 09:20
理得人家係去遊車河﹐定係有約會。
而且﹐只係巧合在於A線+有推廣優惠。
A 車逃票就算無推廣都唔係小數目，點解唔可以查得勤啲而要拉到去任何路線都應該同一標準咁睇？
最多討論下出示唔到證件點處理姐
但 A 車計出示唔到證件根本唔係常見情況嚟
本帖最後由 kei_hk 於 2026-2-21 16:11 編輯
KE7066 發表於 2026-2-21 15:34
A 車逃票就算無推廣都唔係小數目，點解唔可以查得勤啲而要拉到去任何路線都應該同一標準咁睇？
最多討論 ...
無話唔可以查，亦唔係因為A線車費貴的問題，問題係點去查證。任何一條路線，都係相同標準，相同做法。
既然小朋友不是證件必須跟身，司機都唔可能無誤判定，為何不相信乘客？
小朋友坐A線，可以係遊車河，可以去機場送機接機，無話一定係出門。