[報告]女僕cafe
今個月香港開左兩間女僕cafe我前日去過其中一間(銅鑼灣果間)
或者響度分享少少experiernce啦
(預左大家會鄙視我 我唔會介意:lol)
果間野響地點方面都OK
唔難摷到(觀塘果間就隔涉少少)
不過位處果幢大廈就真係頗為殘舊
呢樣係扣左少少分ge
一入到去
見到店面唔算大
同一般樓上cafe差唔多
印象中大概四至五張檯加一間VIP房
我去果時可能因為係周末夜市時段
都OK旺場
可能仍然有好多好似我呢D好奇想試下ge人
所以如果話間場受歡迎就言之過早
不過如果短期內想揀週末去ge話都建議book位先
飲食方面
果度都係飲品為主
都算幾多選擇(酒精類同無酒精飲品都有)
最平大概30蚊一杯(亦都係最低消費)
唔算太貴
不過野食就OK貴
一個意粉或者飯類大概要60至70蚊
份量亦都唔係多(大X樂ge 2/3左右啦)
不過我比較細食
都唔需要特登搵下場繼續食過
當然我唸最多人關心ge係D女僕:lol
我本身唔係otaku
你問我佢地cos得pro唔pro我就答唔到你喇
總捨黎講態度幾好
樣都唔算差(好睇過上生果報果張):$
D女僕落我地果檯玩都玩得幾happy
(玩下UNO或者層層疊果類野 唔好唸邪)
本來我果班好不屑D otaku ge frd都玩到打烊都唔捨得走
不過佢地似乎少左D捧餐經驗
漏單同埋落錯order都會有
另外我覺得間野響小節上仲可以有進步空間
餐牌好似同茶餐廳分別唔大
裝潢亦都同普通pub相差無幾
整體黎講
如果5分滿分
我個人會俾3.5
可以考慮再去
但係經常去或者作為首選就肯定唔會
同埋個人比較傾向下次如果再去同類型地方ge話
會想去埋觀塘果間
報告完畢 食物味道如何呢？
[ 本帖最後由 Brandon 於 2007-8-28 22:13 編輯 ] 原帖由 Brandon 於 2007-8-28 19:33 發表 http://www.hkitalk.net/HKiTalk2/images/common/back.gif
食物味道如何呢？
個人認為不過不失
唔算特別好食
款式亦都比較少
4到5種咁上下啦
如果係特登為左去食野ge話可能會有D失望
但係上到去玩順便食下野果種ge話都OK
口味大致上都係同D日式居食屋差唔多
當然如果唔想太貴落樓又或者本身比較大食ge話
個人建議先行"打底" 唔知樓主可否比個地址我呢？(銅鑼灣&觀塘) 原帖由 Brandon 於 2007-8-29 03:10 發表 http://www.hkitalk.net/HKiTalk2/images/common/back.gif
唔知樓主可否比個地址我呢？(銅鑼灣&觀塘)
pls check pm:) 尋日同班frd落銅鑼灣
見上次上去女僕cafe都玩得幾happy
於是又上去坐下飲下野
不過今次真係同上次差得遠
今次招呼我地果兩位"女僕"(唔係上次果兩個)ge服務態度
坦白講同一般茶餐廳實在分別唔大
我地唔係要expect上到主真係當正自己係大爺咁
我要求唔高
但係至少要有D親切感
而今次我就唔覺得有
我地上去坐左3粒幾鐘
由頭到尾又俾人好似趕羊咁趕左兩次
第一次因為話出面滿左人
叫我地入VIP房
呢樣本身其實唔係問題
既然價錢一樣又俾我地入去坐得舒服ge話我會幾滿意
不過入左VIP房之後
我覺得好似俾D"女僕"遺棄左咁
叫野都無人理:(
咁間房仲叫唔叫VIP房呢:L
響VIP房坐左個幾鐘之後
就有"女僕"入黎話因為果個時段有人book左VIP房
又要我地出番去坐
咁我就唔明
我地又唔係多人
明知之後有人book左VIP房
但係又俾我地入去坐一陣之後又趕番我地出黎
而且禮貌方面我亦都覺得未夠滿意(呢樣係重點)
咁係咪連一間普通cafe都不如呢:L
然後到再夜少少
last order完左之後
兩位"女僕"就掛住自己響一邊玩
無再理D客
同上一次真係差天共地
總之今次上去俾我ge感覺真係好唔滿意:@
如果問我會唔會再去女僕cafe
我仍然會答你"會"
不過唔係呢間囉
除左牛頭角果間未去之外
我會期待第三間第四間會比呢間號稱第一間ge好
[ 本帖最後由 kychung 於 2007-9-10 21:49 編輯 ] 今日去完觀塘IVE螢之祭之後
我就順路行到去牛頭角果一間度坐左一個下晝
(呢個"順路"行左我8個字:P)
亦都分享下我ge experience啦
正如響頂樓度講左
呢間所處ge地方交通唔係咁方便
位處工業區
行到門口只會見到D上搬運工人搬野
絕對唔會聯想到果度會有間女僕cafe響度
由牛頭角地鐵站行出去要大約3個字左右
好似今日咁翳熱都會幾攞命
呢方面響我黎講所扣ge分會多過銅鑼灣果間
裝潢方面
呢一間ge佈置係走比較sweet ge風格
同銅鑼灣果間走gothic風格會有D對比
雖然呢間ge實際面積肯定細過銅鑼灣果間
但係空間感反而比銅鑼灣果間好
唯一要彈ge係全間cafe係一隻窗都無
有少少被禁閉ge感覺
(當然呢樣野好主觀)
價錢方面
呢間ge最低消費係每人28蚊包一杯飲品(食品另計)
同銅鑼灣果間相若
但係由第二杯野飲開始
最貴都係17蚊
個人覺得幾抵
不過款式就少過銅鑼灣果間好多
(同埋無酒飲 請酒鬼留意)
至於野食
果度就基本上只提供一D間單ge小食
(除左正宗女僕cafe必備ge蛋包飯之外 不過份量唔知)
上去ge話敬請先行打底(唔只係建議:D)
不過D小食價錢亦都唔貴
唔怕食得多唔夠錢落樓:lol
女僕方面
今次上到去遇到ge兩位女僕都幾主動去同D客傾偈
從cosplay ge角度黎講亦都cos得比銅鑼灣果間ge落力
不過如果唔熟ACG ge話
就會同佢地比較難有話題
呢方面我覺得唔適宜同銅鑼灣果間直接比較
始終兩間ge背景同目標都好唔同
要注意ge係
呢間去之前敬請先行book位(因為經常有人包場)
同埋只係假日至營業
平日免問
總結黎講
呢間同我去之前ge expectation一樣
係比較針對ACG愛好者(唔用otaku呢個字眼啦)
而我本身又無乜幾可會過牛頭角工業區果邊
所以似乎短期內無乜再去ge可能
如果以5分為滿分
以今次ge experience為準我會俾3分
但係呢間係非牟利性質ge實驗性經營
個人其實已經對呢間ge水準感到滿意
女僕cafe報告如無意外到呢度暫告一段落
多謝收睇:$
頁:
[1]