元朗區未來
元朗市(不包括天水圍)的消費能力其實唔差,以朗屏村為例,四周好多公屋富戶(因為大多是本地人,子女大o左,入息好o左,朗屏不久之前開賣好多人都即刻買,唔想被屋委員遲d加租同入息審查)元朗有好多圍村,圍寸人好多都好富貴,住阿爺樓,唔使供;車位唔使錢,好多人私家車出入,每日朝早大棠路都好塞車
天水圍南(天華路以南)有好多中產人士(嘉湖,居屋屋苑),天耀天瑞新移民唔多,多數係為了改善生活質素的原公屋居民,收入較穩定,住屋開支唔高,較願意消費
YOHO TOWN,元朗站上蓋,朗屏站上蓋,不久之後又會有一大批中產人士遷入,唔知到時個商場會唔會開一些中檔名店,好似agnes b, citysuper之類? 原帖由 ivan129 於 2007-8-29 16:43 發表 http://www.hkitalk.net/HKiTalk2/images/common/back.gif
天水圍南(天華路以南)有好多中產人士(嘉湖,居屋屋苑),天耀天瑞新移民唔多,多數係為了改善生活質素的原公屋居民,收入較穩定,住屋開支唔高,較願意消費
呢一點小弟絕對同意
聽到你呢番說話, 小弟終於搵到一個知音人
大部分九龍人成日都覺得天水圍係一個 "生人勿近" 的地方
但係, 我唔同意, 因為, 天水圍係分南北兩段的
天水圍南早係九十年代初就入伙
居民大多是由九龍的舊區搬入黎, 或者係由元朗鄉郊搬入黎的
絕大部分都係正式的香港永久性居民
住左十幾年都相安無事, 從來未有過什麼大問題
但係, 天水圍北係千禧年打後 (什至更後期) 先入伙
巧合地, 北部提供大量公屋單位, 居屋都變埋公屋
適逢當時大量新移民湧入香港
岩岩遇著剛剛, 天水圍北就成為左新移民的集散地
之後, 大眾對天水圍的壞印象, 大都係因為天水圍北而起
所以, 小弟一直覺得, 天水圍被冠名為 "悲情城市"
對住係天水圍南多年的居民, 包括對 天耀, 天瑞 同 嘉湖山莊的居民唔公平 原因是我都是住元朗區,我好多同學都係由元朗或者屯門搬去天水圍,所以會知......
以我知道,好多同我一樣住元朗市公屋(或私樓)o既,為o左改善居住環境,想住大d,好多會去天水圍買居屋,又或者寧願俾貴少少租天耀,天盛(當時佢o地做開荒牛,我d同學講佢屋企的租金有discount)
現在果班同學讀上大學,大多數都唔需要申請grant loan,佢o地屋企應該都save到錢
當時嘉湖個新北江仲有間八間伴,賣o既野一d都唔平,天耀個m記以前係mario餐廳,又係貴野.,可想果區消費力唔低 同意....我係天水圍番學都係咁樣發現...
係嘉湖/南天水圍都係一定幾高消費力既人...
我有幾個同學都係天水圍住有車有樓.....
老實講...自己一個入天水圍北都幾唔舒服..
內地黎既人講d野我又..又唔friendly..成日以為人地歧視佢
好似去左一個唔屬於自己既地方...d人亦都無左以前香港個種
人情味....:Q 我有個阿姨一家住嘉湖最早一批，想當年聖誕入去開party叫到會架，幾high。:lol
「超人地產」當初好似而家Megabox咁射大光燈上天，嚇到我地以為係UFO～:L
天水圍南、馬鞍山、將軍澳北大約同期，如果當年唔係起「天水圍城」的話，整個區氣氛會好好多。
希望只係一般市民誤解，唔好連運輸政策都誤解天水圍就得喇...... 其實當年天水圍南規劃唔差
只係天水圍北令南部都俾人誤解左 :( 都係....綠化空間,樓宇距離,公共空間,都係天南好過天北好多
回復 #7 ivan129 的帖子
同意....天北既密度真係好高...雖未至可以清楚望倒對面屋但真係已經好迫了...相反天南...無咁迫之餘..仲有更多休憩用地
e.g.天水圍公園連運動場都係係天南.....或者天水圍市中心 原帖由 ivan129 於 2007-8-29 21:58 發表 http://www.hkitalk.net/HKiTalk2/images/common/back.gif
原因是我都是住元朗區,我好多同學都係由元朗或者屯門搬去天水圍,所以會知......
以我知道,好多同我一樣住元朗市公屋(或私樓)o既,為o左改善居住環境,想住大d,好多會去天水圍買居屋,又或者寧願俾貴少少租天耀,天盛
(當時佢o地做開荒牛,我d同學講佢屋企的租金有discount)
個時的租金有冇discount小弟就唔係太清楚, 因為個陣時仲年幼無知 :hug:
我地個時入黎真係做開荒牛, 個陣時, 大家都好開心
因為, 天水圍係一個全新的地方, 居民黎自好多唔同區
亦因為大家都係一齊做開荒牛, 大家都好齊心, 鄰里關係亦非常好
仲記得, 個時的交通配套未完善
公屋居民出入九龍都係要靠嘉湖的非專利巴士
anyway, 呢d都係美好的回憶
我自己亦好高興有幸成為開荒牛之一
但係而家, 因為天水圍北的 "臭名"
如非熟悉的朋友, 我都唔會透露我住天水圍 希望不要有人誤會我歧視某些屋村，只係討論一下。
其實所謂新移民集中既屋村是否指天恆、天澤、天華(或者
還有天恩)？因為天富係居屋，新移民一般應該未有能力買，
而俊宏軒就因為單位面積超大(原打算作為居屋出售)，租金
超貴，新移民未必負擔得起。
想問俊宏軒(還有天悅村)多唔多新移民聚居？
另外私人屋苑慧景軒都是屬於天水圍北。