小弟仍然不明白, 文件中的P1公路定線和北大嶼山公路相似, 為什麼不以擴闊北大嶼山公路取代?
北大嶼山公路兩旁分別被鐵路同翔東路夾住, 在規劃中亦無預留擴闊的空間, 故難以擴闊.
小弟想到的可能性有以下兩個:
1. P1公路作為北大嶼山公路發生事故時的後備通道, 故本身不能作為北大嶼山公路一部份.
翔東路本身就係該公路既後備通道;
而就算發生意外, 亦好難有來回全線封閉既機會, 無需要為一條流量未飽和既公路興建多一條輔助公路.
2. P1公路是為北大嶼山日後發展作準備, 作為一條非快速公路, 充當區內道路的角色.
呢度要多謝你既提醒! 我翻查過2001年修定既北大嶼山新市鎮規劃大綱,
當時仍有興建東涌東北發展區及大蠔新市鎮既計劃, 而貫穿該兩區就有一條區內幹道叫P1公路,
連接迎禧路盡頭及深水角(應該會延伸到陰澳, 但圖中沒有顯示出來), 但該路段要沿海岸線填海先可以興建.
而到左"大嶼山發展概念計劃"推出時, P1公路仍然保留, 但原有既市鎮發展已取消,
改為興建物流園及大型康樂用地, P1公路既接駁路口大幅減少, 部份路段設計成高速公路.
另外在港珠澳大橋計劃時, 除了會興建繞道接駁北大嶼山公路外, 亦有計劃接駁至P1公路,
以便車輛直接穿梭 [港珠澳大橋<>物流園<>市區], 為北大嶼山公路起分流作用.
而家P1公路項目仍然在審議中, 可能要過一段時間先有確實消息,
亦可能會分開最少兩段興建及使用.
頁:
1
[2]